ITR Filing: ఐటీఆర్ ఫైల్ చేయడానికి గడువు ఆగస్టు 31కి పొడిగించారా?
ప్రతి నెల మొదటి తేదీ నుంచి ఎన్నో మార్పులు మారుతుంటాయి. ఇప్పుడు జూలై నెల ముగియనుంది. ఆగస్టు నెల ప్రారంభం కానుంది. ముఖ్యంగా ఐటీఆర్ ఫైల్ చేసేందుకు గడువు తేదీ జూలై 31. ఈ తేదీ తర్వాత ఫైల్ చేసినట్లయితే జరిమానా చెల్లించాల్సి ఉంటుంది. అయితే ఇక ఐటీఆర్ ఫైలింగ్ కోసం చివరి తేదీ ఆగస్టు..
ప్రతి నెల మొదటి తేదీ నుంచి ఎన్నో మార్పులు మారుతుంటాయి. ఇప్పుడు జూలై నెల ముగియనుంది. ఆగస్టు నెల ప్రారంభం కానుంది. ముఖ్యంగా ఐటీఆర్ ఫైల్ చేసేందుకు గడువు తేదీ జూలై 31. ఈ తేదీ తర్వాత ఫైల్ చేసినట్లయితే జరిమానా చెల్లించాల్సి ఉంటుంది. అయితే ఇక ఐటీఆర్ ఫైలింగ్ కోసం చివరి తేదీ ఆగస్టు 31 వరకు పొడిగించినట్లు వార్తలు వస్తున్నాయి. కానీ అలాంటి అవకాశమే లేదని నిపుణులు చెబుతున్నారు. ప్రెస్ రిజిస్ట్రార్ జనరల్ ఆఫ్ ఇండియా కార్యాలయం ద్వారా సోషల్ మీడియాలో షేర్ చేయబడిన ఒక సలహాను ఐటీఆర్ దాఖలు చేయడానికి గడువు తేదీని పొడిగించినట్లు తప్పుగా అర్థం చేసుకోవడంతో గందరగోళం ఏర్పడింది. సోషల్ మీడియాలో ప్రెస్ రిజిస్ట్రార్ జనరల్ ఆఫ్ ఇండియా కార్యాలయం ద్వారా భాగస్వామ్యం చేయబడిన ఒక సలహా ఐటీఆర్ దాఖలు చేయడానికి చివరి తేదీని పొడిగించలేదని పీఐబీ (PIB) ఒక పోస్ట్‌లో స్పష్టం చేసింది.
గతంలో జారీ చేసిన అడ్వైజరీ, ఐటీఆర్ దాఖలు గడువు తేదీకి సంబంధించినది కాదని కూడా పోస్ట్ పేర్కొంది. సమాచార, ప్రసార మంత్రిత్వ శాఖ ఆధ్వర్యంలోని ప్రెస్ రిజిస్ట్రార్ జనరల్ ఆఫ్ ఇండియా కార్యాలయం FY24 కోసం ప్రెస్ సర్వీసెస్ పోర్టల్ ద్వారా వార్షిక రిటర్న్‌లను ఇ-ఫైలింగ్ చేయడానికి సంబంధించి జూలై 25న ఒక సలహాను జారీ చేసింది. సలహా ప్రకారం, ప్రభుత్వం వార్షిక రిటర్నుల ఇ-ఫైలింగ్ తేదీని ఆగస్టు 31, 2024 వరకు పొడిగించింది.
ఇది కూడా చదవండి: HDFC: మీకు హెచ్‌డీఎఫ్‌సీ క్రెడిట్‌ కార్డు ఉందా? ఇక బాదుడే.. ఆగస్టు 1 నుంచి కొత్త రూల్స్
ఆదాయపు పన్ను రిటర్న్ (ఐటీఆర్) దాఖలుకు చివరి తేదీని పొడిగించలేదని కేంద్ర ప్రభుత్వం స్పష్టం చేసింది. దీని గడువు తేదీ జూలై 31, 2024 మాత్రమే.
An advisory of Office of Press Registrar General of India shared on social media is being misconstrued as extension of due date for filing ITR#PIBFactCheck
✔️The advisory is NOT related to extension of date of filing ITR.
✔️The due date for filing ITR is 31 July 2024 pic.twitter.com/F4OHwK2d3Y
— PIB Fact Check (@PIBFactCheck) July 30, 2024
ప్రెస్ అండ్ మ్యాగజైన్స్ రిజిస్ట్రేషన్ యాక్ట్ 2023 కింద రిజిస్టర్ చేయబడిన ప్రచురణలు వార్షిక రిటర్న్‌లను ఫైల్ చేయాల్సి ఉంటుంది. వార్షిక ప్రకటన అనేది ఒక నిర్దిష్ట ముద్రణ సంవత్సరంలో వార్తాపత్రికల సర్క్యులేషన్ రికార్డు. ఆన్‌లైన్ ప్రెస్ సర్వీస్ పోర్టల్ ద్వారా వార్షిక రిటర్న్‌లను దాఖలు చేయవచ్చు. ప్రస్తుతం FY 2024 కోసం ఐటీఆర్ ఫైల్ చేయడానికి గడువు జూలై 31, 2024. ఈ తేదీ తర్వాత ఐటీఆర్ ఫైల్ చేయడం వలన జరిమానా విధిస్తారు. ఇది వివిధ ఆదాయ స్థాయిలను బట్టి మారుతుంది.
ఇది కూడా చదవండి: Amazon: అమెజాన్‌లో కళ్లు చెదిరే ఆఫర్స్‌.. 80 శాతం డిస్కౌంట్.. ఎప్పుడో తెలుసా?
మరిన్ని బిజినెస్ వార్తల కోసం ఇక్కడ క్లిక్ చేయండి
