EPFO Withdrawal: ఉద్యోగి మరణిస్తే ఈపీఎఫ్ విత్‌ డ్రా ఎలా? ఈ సింపుల్‌ టిప్స్‌ పాటిస్తే రోజుల్లోనే మీ చేతికి సొమ్ము..
కుటుంబ పెద్ద లేకపోయినా కుటుంబానికి ఆర్థిక దన్ను లభించేలా ఎంప్లాయీస్ ప్రావిడెంట్ ఫండ్ ఆర్గనైజేషన్ (ఈపీఎఫ్‌ఓ) దాని సభ్యులందరికీ సామాజిక భద్రతను అందిస్తుంది. ఈపీఎఫ్ సేవింగ్స్ ఖాతాదారులకు వారి పదవీ విరమణ కోసం కార్పస్ ఫండ్‌ను నిర్మించడానికి వీలు కల్పిస్తుంది. ఒక కార్మికుని ప్రాథమిక జీతం, డియర్‌నెస్ అలవెన్స్‌లో కొంత మొత్తం అంటే 12 శాతం ప్రతి నెలా ఉద్యోగి ద్వారా అందిస్తారు.
Srinu |
Updated on: Sep 03, 2023 | 9:00 PM
భారతదేశంలో వేతన జీవుల సంఖ్య ఎక్కువగా ఉంటుంది. సాధారణంగా భారతదేశంలోని కుటుంబ వ్యవస్థ మొత్తం కుటుంబ పెద్దపై ఆధారపడి ఉంటుంది. అయితే అనుకోని పరిస్థితుల్లో కుటుంబ పెద్ద కోల్పోతే ఆ కుటుంబం దిక్కులేనిది అవుతుంది. ఈ నేపథ్యంలో కుటుంబ పెద్ద లేకపోయినా కుటుంబానికి ఆర్థిక దన్ను లభించేలా ఎంప్లాయీస్ ప్రావిడెంట్ ఫండ్ ఆర్గనైజేషన్ (ఈపీఎఫ్‌ఓ) దాని సభ్యులందరికీ సామాజిక భద్రతను అందిస్తుంది. ఈపీఎఫ్ సేవింగ్స్ ఖాతాదారులకు వారి పదవీ విరమణ కోసం కార్పస్ ఫండ్‌ను నిర్మించడానికి వీలు కల్పిస్తుంది. ఒక కార్మికుని ప్రాథమిక జీతం, డియర్‌నెస్ అలవెన్స్‌లో కొంత మొత్తం అంటే 12 శాతం ప్రతి నెలా ఉద్యోగి ద్వారా అందిస్తారు. అలాగే దానికి సమాన మొత్తాన్ని యజమాని జమ చేస్తారు. ఉద్యోగుల భవిష్య నిధి (ఈపీఎఫ్)పై ప్రస్తుత వడ్డీ రేటు 8.15 శాతంగా ఉంది. ఖాతాదారులు నామినీని నియమించడాన్ని ఈపీఎఫ్‌ఓ తప్పనిసరి చేసింది. ఖాతాదారుని అకాల మరణం విషయంలో నామినీ వారి సేకరించిన ప్రావిడెంట్ ఫండ్ కార్పస్‌కు అర్హులవుతారు. ఈపీఎఫ్ ఖాతాదారు మరణించిన సందర్భంలో నామినీ ఆ సొమ్మును విత్‌డ్రా చేయాలంటే ఎలాంటి పద్ధతులను అనుసరించాలో? చాలా మందికి తెలియదు. కాబట్టి ఉద్యోగి మరణించిన సందర్భంలో పీఎఫ్‌ ఎలా విత్‌ డ్రా చేయాలో? ఓ సారి తెలుసుకుందాం.
నామినీ ద్వారా ఈపీఎఫ్ ఉపసంహరణ ఇలా
- స్టెప్‌-1: నామినీ, మరణించిన పీఎఫ్‌సభ్యుని వివరాలతో ఈపీఎఫ్‌ఫారమ్ 20ని పూరించాలి.
- స్టెప్‌-2: పీఎఫ్‌ సభ్యుని చివరి యజమాని ద్వారా ఫారమ్‌ను సమర్పించాల్సి ఉంటుంది. ఒకవేళ ఫారమ్‌ను ఈపీఎఫ్‌ఓ వెబ్‌సైట్ నుంచి డౌన్‌లోడ్ చేస్తే అన్ని పేజీలపై యజమాని, నామినీ సంతకం చేయాలి.
- స్టెప్‌-3: అప్లికేషన్‌ను సమర్పించిన తర్వాత ఫారమ్ 20 ప్రాసెసింగ్ స్థితికి సంబంధించి ఈపీఎఫ్‌ఓ క్లెయిమ్‌దారుకు ఎస్‌ఎంఎస్‌ అప్‌డేట్‌లను పంపుతుంది. క్లెయిమ్ ఆమోదించిన తర్వాత నామినీకి డబ్బు అందుతుంది.
- స్టెప్‌-4: చెల్లింపు నేరుగా హక్కుదారు పేర్కొన్న బ్యాంక్ ఖాతాలో జమ చేస్తారు. కాబట్టి ఎన్‌ఈఎఫ్‌టీ చెల్లింపు విషయంలో ఖాతా నంబర్, ఐఎఫ్‌ఎస్సీ కోడ్ స్పష్టంగా కనిపించే చోట నామినీ తప్పనిసరిగా బ్యాంక్ పాస్‌బుక్ లేదా రద్దు చేసిన చెక్కు కాపీని జతచేయాలి. పీఎఫ్‌ కార్పస్ మొత్తం రూ. 2,000 కంటే తక్కువ ఉంటే మాత్రమే మనీ ఆర్డర్ ద్వారా బదిలీ చేస్తారు.
నామినీ వివరాలు లేకపోతే ఎలా?
నామినీని ఎన్నుకోకపోతే పొదుపు మొత్తం కుటుంబ సభ్యులకు ఇవ్వబడుతుంది. సభ్యునికి కుటుంబం లేకుంటే ఆ మొత్తం చట్టబద్ధంగా అర్హులైన వ్యక్తికి బదిలీ చేస్తారు.
పీఎఫ్‌ మొత్తాన్ని క్లెయిమ్ చేయడానికి ఈ పత్రాలు తప్పనిసరి
- ఫారం 20.
- రద్దు చేసిన చెక్కు.
- మరణ ధృవీకరణ పత్రం
- గార్డియన్‌షిప్ సర్టిఫికేట్
- ఉద్యోగుల డిపాజిట్ లింక్డ్ ఇన్సూరెన్స్ స్కీమ్ ప్రయోజనాలను క్లెయిమ్ చేయడానికి ఫారమ్ 5(ఐఎఫ్‌).
- ఉపసంహరణ ప్రయోజనం కోసం ఫారమ్ 10సీ, పీఎఫ్‌ సభ్యుడు 58 ఏళ్లు నిండకముందే మరణిస్తే వయస్సు వచ్చిన తర్వాత 10 సంవత్సరాల సేవను పూర్తి చేయకపోతే ఈ ఫారం అవసరం
- పీఎఫ్‌ సభ్యుడు మరణించిన తేదీన నామినీ జీవిత భాగస్వామి/25 సంవత్సరాల కంటే తక్కువ వయస్సు ఉన్న పిల్లవాడు, వారిపై ఆధారపడిన తల్లిదండ్రులు లేదా వ్యక్తి కార్పస్‌ను స్వీకరించడానికి ఖాతాదారు ద్వారా నామినేట్ చేస్తే పెన్షన్ ప్రయోజనాన్ని క్లెయిమ్ చేయడానికి ఫారమ్ 10డీ సమర్పించాలి.
మరిన్ని బిజినెస్ న్యూస్ కోసం
