Gold Smuggling: దేశంలో ఎంత బంగారం స్మగ్లింగ్ జరిగింది? కస్టమ్ డ్యూటీ ఎంత? అక్రమ రవాణాకు కొత్త మార్గం
భారత్‌లో బంగారానికి చాలా డిమాండ్‌ ఉంది. దేశంలోని మహిళలు బంగారంకు ఎంతో ప్రాధాన్యత ఇస్తుంటారు. అందుకే ప్రతి రోజు పెద్దమొత్తంలో బంగారం కొనుగోళ్లు జరుగుతూనే..
భారత్‌లో బంగారానికి చాలా డిమాండ్‌ ఉంది. దేశంలోని మహిళలు బంగారంకు ఎంతో ప్రాధాన్యత ఇస్తుంటారు. అందుకే ప్రతి రోజు పెద్దమొత్తంలో బంగారం కొనుగోళ్లు జరుగుతూనే ఉంటాయి. ఇక పెళ్లిళ్లు, ఇతర పండగలు, శుభకార్యాల్లో పసిడి వ్యాపారం భారీగా జరుగుతుంటుంది. బంగారం వినియోగం పరంగా భారతదేశం ప్రపంచంలో రెండవ స్థానంలో ఉంది. అయితే బంగారం దిగుమతి-ఎగుమతి బ్యాలెన్స్ పై తీవ్ర ప్రభావం చూపుతుంది. దానిని అదుపులో ఉంచడానికి ప్రభుత్వం బంగారంపై కస్టమ్ సుంకాన్ని విధిస్తుందని దేశ ఆర్థిక మంత్రి నిర్మలా సీతారామన్ అన్నారు. కస్టమ్ డ్యూటీ తక్కువైనా, ఎక్కువైనా దేశంలోకి అక్రమంగా వచ్చే బంగారంపై ప్రభావం చూపదని తెలిపారు. దేశంలో బంగారం దిగుమతులు పెరిగినప్పుడు అక్రమ రవాణా కూడా జరుగుతోందన్నారు.
అయితే స్మగ్లింగ్ ఇన్ ఇండియా రిపోర్ట్ 2021-22 నివేదికను విడుదల చేస్తూ ఆర్థిక మంత్రి నిర్మలా సీతారామన్ ఈ విషయాన్ని తెలిపారు . బంగారంపై కస్టమ్ డ్యూటీ తక్కువైనా, ఎక్కువైనా దాని స్మగ్లింగ్‌పై ఎలాంటి ప్రభావం ఉండదని చెప్పారు. దేశంలో డైరెక్టరేట్ ఆఫ్ రెవెన్యూ ఇంటెలిజెన్స్ ఇన్ఫర్మేషన్ (డీఆర్‌ఐ) కస్టమ్ అధికారులతో కలిసి అక్రమ దిగుమతి-ఎగుమతులను పర్యవేక్షిస్తుంది. ఇతర దేశాల నుండి వస్తువులను డంపింగ్ లేదా స్మగ్లింగ్‌పై నిఘా ఉంచడానికి డీఆర్‌ఐ పనిచేస్తుంది.
ఎంత బంగారం స్మగ్లింగ్ జరిగింది?
నివేదిక ప్రకారం.. 2021-22 ఆర్థిక సంవత్సరంలో 833 కిలోల బంగారం (గోల్డ్ స్మగ్లింగ్) పట్టుబడింది. దీని విలువ దాదాపు రూ.405 కోట్లు. డిఆర్‌ఐ, కస్టమ్ అధికారులు వివిధ విమానాశ్రయాలు, ల్యాండ్ రూట్లలో దాదాపు 160 కేసుల్లో బంగారాన్ని స్వాధీనం చేసుకున్నారు. 2021-22 ఆర్థిక సంవత్సరంలో దేశంలో రూ.3798.45 బిలియన్ల విలువైన బంగారం దిగుమతి చేయబడింది. 2020-21 ఆర్థిక సంవత్సరంలో రూ. 2850.07 బిలియన్లు దిగుమతి అయ్యాయి. అంటే ఏడాదిలోనే అందులో 33.34 శాతం పెరుగుదల నమోదైంది. అంటే బంగారంపై కస్టమ్ డ్యూటీ దాని దిగుమతి లేదా అక్రమ రాకపోకలపై ఎలాంటి ప్రభావం చూపలేదు.
బంగారంపై కస్టమ్ డ్యూటీ ఎంత?
స్మగ్లింగ్‌లో ప్రతి సంవత్సరం సగటున 800 కిలోల బంగారం పట్టుబడుతుందని ఆర్థిక మంత్రి చెప్పారు. దీన్ని నియంత్రించేందుకు ప్రభుత్వం బంగారంపై కస్టమ్ డ్యూటీని 12.5 శాతానికి పెంచింది. ఇప్పుడు వాణిజ్య మంత్రిత్వ శాఖ దానిని 10 శాతానికి పెంచాలని ఆర్థిక మంత్రిత్వ శాఖను కోరినట్లు ఇతర వార్త నివేదికలు చెబుతున్నాయి. ఎందుకంటే అధిక కస్టమ్ డ్యూటీ కారణంగా దేశంలో అక్రమ బంగారం రాక పెరుగుతుంది. అయితే దీనికి ఆర్థిక మంత్రి అంగీకరించడం లేదు. దేశంలో బంగారం దిగుమతిని తగ్గించేందుకు కస్టమ్ డ్యూటీని సరైన స్థాయిలో ఉంచాలని ఆర్థిక మంత్రిత్వ శాఖ కోరుతుండగా, అక్రమ రాకపోకలు బంగారం దిగుమతులపై ఆదాయాన్ని కోల్పోతాయి.
ఇప్పుడు చైనా-మయన్మార్ నుంచి అక్రమ రవాణా
ఇంతకుముందు పశ్చిమాసియా దేశాల నుంచి దేశంలో బంగారం స్మగ్లింగ్ జరిగేదని స్మగ్లింగ్ ఇన్ ఇండియా నివేదికలో పేర్కొంది. కానీ ప్రభుత్వంపై పర్యవేక్షణ పెరగడంతో అక్రమ వ్యాపారంలో నిమగ్నమైన వ్యక్తులు ఇందుకు కొత్త మార్గాన్ని కనుగొన్నారు. ఇప్పుడు మయన్మార్, చైనా సరిహద్దుల నుండి పెద్ద ఎత్తున బంగారం స్మగ్లింగ్ జరుగుతుంది. చైనా ఇప్పుడు అతిపెద్ద మూలాధార దేశంగా అవతరించింది. స్మగ్లర్లు స్వేచ్ఛా వాణిజ్య ఒప్పందాల ముసుగులో ఇతర వస్తువుల అక్రమ వ్యాపారాన్ని కూడా ప్రారంభించారని, దానిపై నియంత్రణ చర్యలు తీసుకుంటున్నట్లు డిఆర్‌ఐ నివేదికలో పేర్కొంది. నేపాల్ 10 గ్రాముల బంగారంపై రూ.8,500 కస్టమ్స్ సుంకాన్ని విధిస్తుంది. మౌలిక సదుపాయాల అభివృద్ధికి అదనపు సుంకంతో పాటు భారతదేశం కస్టమ్స్ సుంకాన్ని పెంచిన తర్వాత, భారతదేశంలో బంగారం ధర పెరిగింది. ఇది నేపాల్ ద్వారా స్మగ్లింగ్ వృద్ధికి దారితీస్తుందని అధికారులు చెబుతున్నారు.
మరిన్ని బిజినెస్ న్యూస్ కోసం ఇక్కడ క్లిక్ చేయండి
