Investment In Stocks: ఆ స్టాక్స్‌లో పెట్టుబడితో లాభాల పంట… ఏకంగా 3000 శాతానికి పైగా రాబడి

ప్రస్తుత రోజుల్లో పెట్టుబడిదారుల ఆలోచనలు మారుతున్నాయి. స్థిరమైన ఆదాయాన్ని ఇచ్చే చిన్న పొదుపు పథకాల కంటే రిస్క్ అయినా పర్లేదని స్టాక్స్ వైపు మళ్లుతున్నారు.  పెట్టుబడిదారులు ఎల్లప్పుడూ దీర్ఘకాలంలో బహుళ-బ్యాగర్ రాబడిని ఇచ్చే పెన్నీ స్టాక్‌ల కోసం చూస్తున్నారు. ఎన్ఎసఈలో తరచుగా అధిక రాబడిని అందించే అనేక పెన్నీ స్టాక్స్‌లో కంఫర్ట్ ఇంటెక్ వాటిలో ఒకటి. ఈ భారతీయ ఆధారిత వ్యాపార, సరఫరాదారు కంపెనీ గత నాలుగు సంవత్సరాలలో 3000 శాతం కంటే ఎక్కువ బహుళ-బ్యాగర్ రాబడులను పోస్ట్ చేసింది. ఏప్రిల్ 2020లో, కంఫర్ట్ ఇంటెక్ షేర్లు 22 పైసలు (రూ. 0.22) వద్ద ఉన్నాయి. నేడు ఎన్‌ఎస్‌ఈలో రూ.10.06 వద్ద ముగిసింది. కంఫర్ట్ ఇన్‌టెక్‌లో పెట్టుబడితో వచ్చే రాబడి గురించి మరిన్ని వివరాలను తెలుసుకుందాం.

ఏ ఇన్వెస్టర్ అయినా కంఫర్ట్ ఇన్‌టెక్‌లో ఏప్రిల్ 2020లో రూ. 5,000 ఇన్వెస్ట్ చేస్తే ఇప్పుడు ఈ పెన్నీ స్టాక్ నుంచి రూ. 2,50,000 బ్యాంక్ స్టేట్‌మెంట్ ఉంటుంది. అదేవిధంగా రూ.10 వేలు మాత్రమే పెట్టుబడి పెట్టిన వారి సొమ్ము రూ.5 లక్షలుగా ఉండేది.  ప్రస్తుతం అంటే మార్చి 15న కంపెనీ మార్కెట్ క్యాపిటలైజేషన్ రూ. 321 కోట్లుగా ఉంది. కంఫర్ట్ ఇంటెక్ కంపెనీ 1994లో స్థాపించారు. దీనికి గతంలో కంఫర్ట్ ఫిన్‌వెస్ట్ లిమిటెడ్ అని పేరు పెట్టారు. 2000 సంవత్సరంలో కంపెనీ కొత్త సర్టిఫికేట్ ఆఫ్ ఇన్కార్పొరేషన్‌ను పొందేందుకు కంఫర్ట్ ఇంటెక్ లిమిటెడ్ (సీఐఎల్)గా పేరు మార్చుకుంది. ఇది వాణిజ్య వస్తువులు, మద్యం తయారీ, షేర్లు, మ్యూచువల్ ఫండ్లలో వ్యాపారం, స్థిరాస్తుల ఫైనాన్సింగ్, లీజుకు సంబంధించిన పబ్లిక్ లిమిటెడ్ కంపెనీ. ఈ కంపెనీ ప్రధాన కార్యాలయం భారతదేశంలోని ముంబైలో ఉంది.

కంఫర్ట్ ఇన్‌టెక్ కంపెనీ స్టాక్ ధర గత ఏడాదితో పోలిస్తే దాదాపు 271 శాతం పెరిగింది. అదేవిధంగా గత మూడు నెలల్లో 25.12 శాతం రాబడిని ఇచ్చింది. ఒక నెలలో 11.90 శాతం రాబడులు వచ్చాయి. ప్రస్తుతం రూ. 10.06 వద్ద పతనంతో ట్రేడవుతోంది. ఈ స్టాక్ 52 వారాల గరిష్టం ఫిబ్రవరి 27, 2024న రూ. 12.28గా ఉంది. ప్రస్తుత ఆర్థిక సంవత్సరం 2023-24 మూడవ త్రైమాసికంలో ఈ కంపెనీ రూ. 46.03 కోట్ల ఆదాయాన్ని నివేదించింది. ఇది 2022 ఇదే కాలంతో పోలిస్తే 25.63 శాతం ఎక్కువగా ఉంది. ఇది గత మూడు నెలల కంటే 71.82 శాతం పెరుగుదలని నిపుణులు పేర్కొంటున్నారు. మార్చి 2023 నాటికి కంఫర్ట ఇన్‌టెక్ కంపెనీ రూ. 142.4 కోట్ల ఆదాయాన్ని నివేదించగా లాభం రూ. 8 కోట్లుగా ఉంది. వాటాదారుల తీరును పరిశీలిస్తే 57.46 శాతం షేర్లు ప్రమోటర్ల వద్ద ఉండగా 42.54 శాతం షేర్లు ప్రజల వద్ద ఉన్నాయి.

ఇవి కూడా చదవండి

ఆధార్‌ కార్డ్‌కి లింక్‌ చేసిన మొబైల్‌ నంబర్‌ను ఎలా మార్చాలి?

బంగారం ధరలు మరింత పెరుగుతాయా? మార్కెట్ నిపుణులు ఏం చెబుతున్నారు?

అతి తక్కువ వడ్డీ.. ఈఎంఐ అవకాశం.. గోల్డ్ లోన్ కావాలంటే..

అతి తక్కువ వడ్డీకే పర్సనల్ లోన్లు.. ఈ బ్యాంకుల్లో ఫీజు కూడా..

మరిన్ని బిజినెస్ వార్తల కోసం ఇక్కడ క్లిక్ చేయండి..