Fraud: రూ.824 కోట్ల కుంభ కోణం.. భారీ మోసానికి పాల్పడిన 16 కంపెనీలు: జీఎస్టీ అథారిటీ!
జీఎస్టీ అథారిటీ భారీ మోసాన్ని బయటపెట్టింది. 16 బీమా కంపెనీలు రూ. 824 కోట్ల ఇన్‌పుట్ ట్యాక్స్ క్రెడిట్‌ను దుర్వినియోగం చేశాయని వస్తువులు, సేవల పన్ను అథారిటీ గుర్తించింది..
Updated on: Oct 01, 2022 | 7:14 AM
జీఎస్టీ అథారిటీ భారీ మోసాన్ని బయటపెట్టింది. 16 బీమా కంపెనీలు రూ. 824 కోట్ల ఇన్‌పుట్ ట్యాక్స్ క్రెడిట్‌ను దుర్వినియోగం చేశాయని వస్తువులు, సేవల పన్ను అథారిటీ గుర్తించింది. అథారిటీ వివరాల ప్రకారం.. ఈ కంపెనీలు నకిలీ ఇన్‌వాయిస్‌లను జారీ చేయడానికి తమ మధ్యవర్తులను ఉపయోగించుకున్నాయి. 16 బీమా కంపెనీలు రూ.824 కోట్ల ఐటీసీని తీసుకున్నాయని, ఈ కంపెనీలు ఇప్పటి వరకు రూ.217 కోట్లను స్వచ్ఛందంగా చెల్లించాయని డైరెక్టరేట్ జనరల్ ఆఫ్ జీఎస్టీ ఇంటెలిజెన్స్‌కు తెలిపింది.
దీనిపై డీజీజీఐ ముంబై జోనల్ యూనిట్ దర్యాప్తు ప్రారంభించింది. అయితే ప్రకటనలో సంస్థల పేర్లను వెల్లడించలేదు. ఈ కంపెనీలు ప్రకటనలు, మార్కెటింగ్, బ్రాండ్ యాక్టివేషన్ వంటి సేవలను అందించడానికి అనేక మధ్యవర్తులు జారీ చేసిన ఇన్‌వాయిస్‌ల ఆధారంగా ITCని పొందాయి. కానీ ఈ కంపెనీలు వాస్తవానికి అలాంటి సేవలను అందించలేదని ప్రకటనలో పేర్కొంది. అయితే జీఎస్టీ చట్టాలలో అటువంటి ఇన్‌పుట్ ట్యాక్స్ క్రెడిట్‌కు ఎలాంటి నిబంధన లేదు.
బీమా కంపెనీలు చేస్తున్న NBFCల కోసం ఏజెంట్ వివరాల ప్రకారం.. సూక్ష్మ-ఫైనాన్సింగ్ వ్యాపారాలలో నిమగ్నమై ఉన్న అనేక నాన్-బ్యాంకింగ్ ఫైనాన్షియల్ కంపెనీలు బీమా కంపెనీల కార్పొరేట్ ఏజెంట్లుగా వ్యవహరిస్తున్నాయి. ఈ కంపెనీలు తమ సింగిల్ ప్రీమియం క్రెడిట్ (లింక్డ్) బీమా పాలసీలను క్రాస్ సెల్లింగ్ చేస్తున్నాయి. ఐఆర్‌డీఏ నిబంధనల ప్రకారం.. కార్పొరేట్ ఏజెంట్‌కు నామమాత్రపు కమీషన్ మాత్రమే అనుమతించబడుతుంది. ఈ నిబంధనలను తప్పించుకోవడానికి బీమా కంపెనీలు ప్రకటనలు, వెబ్ మార్కెటింగ్ సేవలను సరఫరా చేయడానికి మధ్యవర్తుల నుండి ఇన్‌వాయిస్‌లను పొందడం, NBFCలకు కమీషన్‌లను బదిలీ చేయడం వంటివి చేశాయి. కానీ సేవలు ఎప్పుడూ అందలేదు. ఈ మధ్యవర్తులు అటువంటి సరఫరాల కోసం NBFCల నుండి ఇన్‌వాయిస్‌లను అందుకున్నారు. అయితే ఈ బీమా కంపెనీలు ప్రకటనలు, మార్కెటింగ్, బ్రాండ్ యాక్టివేషన్ వంటిసేవలకు అందించడానికి అనేక మధ్యవర్తులుజారీ చేసిన ఇన్‌వాయిస్‌ల ఆధారంగా ఐటీసీ పొందినట్లు తమ దృష్టికి వచ్చిందని మంత్రిత్వశాఖ ఒక ప్రకటనలో తెలిపింది. ఈ 16 కంపెనీల కుంభ కోణంపై అధికారులు ప్రత్యేక దృష్టి సారిస్తున్నారు.
మరిన్ని బిజినెస్ వార్తల కోసం ఇక్కడ క్లిక్ చేయండి
