గ్లోబల్‌ రేంజ్‌లో వారణాసి బ్రాండింగ్‌

దర్శక ధీరుడు ఎస్.ఎస్. రాజమౌళి దర్శకత్వంలో సూపర్ స్టార్ మహేష్ బాబు హీరోగా రూపొందుతున్న ప్రతిష్టాత్మక చిత్రం వారణాసి ప్రపంచవ్యాప్తంగా అంచనాలను పెంచుతోంది. ఈ సినిమా విడుదల తేదీకి ఇంకా ఏడాదికి పైగా సమయం ఉన్నప్పటికీ, రాజమౌళి తనదైన శైలిలో నిరంతరం వార్తల్లో ఉంచుతున్నారు. తాజాగా, ఈ చిత్రం గ్లోబల్ ప్రమోషన్స్ ప్రణాళిక జాతీయ స్థాయిలో చర్చనీయాంశమైంది. వారణాసి చిత్రం కోసం హాలీవుడ్ ప్రముఖ సంస్థ స్కై బ్లూ సినిమాటిక్స్ తో రాజమౌళి ఒప్పందం చేసుకున్నారు. ఈ సంస్థ సినిమాలోని కార్లు, గాడ్జెట్లు, కాస్ట్యూమ్స్ వంటి వాటికి సంబంధించిన బ్రాండ్ ఇంటిగ్రేషన్ మరియు ప్రమోషన్ బాధ్యతలను చూసుకుంటుంది. అప్డేట్స్ విషయంలో గ్లోబల్ రీచ్ కోసం ప్రియాంక చోప్రా ద్వారా అనధికారికంగా సమాచారం లీక్ చేయిస్తున్నారు. ఇటీవల జార్జియా షెడ్యూల్ పూర్తి చేసుకున్న చిత్ర బృందం, త్వరలో అంటార్కిటికాలో కీలక షెడ్యూల్ ను చిత్రీకరించేందుకు సిద్ధమవుతోంది.