వారణాసి

దర్శక ధీరుడు రాజమౌళి దర్శకత్వంలో సినిమా వస్తుందంటే తెలుగు ప్రేక్షకులే కాదు యావత్ ప్రపంచం మొత్తం ఎదురుచూస్తుంది ఇప్పటికే బాహుబలి, బాహుబలి 2, ఆర్ఆర్ఆర్ సినిమాలతో తెలుగు సినిమా స్థాయిని పెంచేశారు రాజమౌళి. ఇక ఇప్పుడు సూపర్ స్టార్ మహేష్ బాబుతో కలిసి ప్రపంచాన్ని షేక్ చేయడానికి రెడీ అవుతున్నారు. వారణాసి అనే టైటిల్ తో ఓ భారీ సినిమాను తెరకెక్కిస్తున్నారు. గ్లోబ్ ట్రాటర్, టైం ట్రావెల్ నేపథ్యంలో తెరకెక్కుతున్న ఈ సినిమా పై ఇప్పటికే భారీ బజ్ క్రియేట్ అయ్యింది. గ్లోబల్ బ్యూటీ ప్రియాంక చోప్రా హీరోయిన్ గా నటిస్తున్న వారణాసి సినిమాలో విలన్ గా మలయాళ స్టార్ హీరో పృథ్వీరాజ్ సుకుమారన్ నటిస్తున్నారు. ఈ సినిమా 7 ఏప్రిల్ 2027న ప్రపంచవ్యాప్తంగా థియేటర్లలో విడుదల కానుంది. ఇక ఈ సినిమాలో మహేష్ బాబు వివిధ గెటప్స్ లో కనిపించనున్నారని తెలుస్తుంది. మహేష్ బాబు శ్రీ రాముడిగా కనిపిస్తాడు అని ఇప్పటికే రాజమౌళి లీక్ చేశారు.