Online Shopping: ఆన్‌లైన్‌ షాపింగ్ చేస్తున్నారా.. అయితే ఇలా చేయండి.. మీ ఖర్చు తగ్గుతుంది..

ఈ మధ్య ఆన్‌లైన్‌లో షాపింగ్(Online Shopping) పెరుగుతోంది. అయితే చాలా మంది కొనుగోలు సమయంలో తొందరపాటు నిర్ణయాలు లేదా మరేదైనా తప్పులు చేస్తారు. అలాంటి పొరపాట్లు మీ జేబును ఖాళీ చేస్తాయి. మీరు ఆన్‌లైన్‌ షాపింగ్ చేసేటప్పుడు నష్టపోకుండా ఉండాలంటే ఈ టిప్స్(Tips) పాటించాలి. సేల్ సీజన్ ఎప్పుడొస్తుందో! తెలియదు కాబట్టి దానికి చిట్కా ఏమిటంటే, షాపింగ్ కోసం వెబ్‌సైట్‌లలో సేల్ సీజన్ ప్రారంభమయ్యే వరకు మీరు వేచి ఉండాలి. మీరు ఫ్లిప్‌కార్ట్ బిగ్ బిలియన్ డేస్, అమెజాన్ గ్రేట్ ఇండియన్ ఫెస్టివ్ సేల్ గురించి విని ఉంటారు. మీరు సీజన్ ముగింపు విక్రయాలపై, అనేక పండుగల సమయంలో కూడా మంచి డిస్కౌంట్స్(Discounts) పొందుతారు. అందుకే తొందరపడి నిర్ణయాలు తీసుకోకండి. కొంచెం వేచి ఉండండి.

ఏదైనా వస్తువును తక్షణమే కొనుగోలు చేసే బదులు వాటిని ముందుగా విష్‌లిస్ట్‌లో ఉంచడం నేర్చుకోవాలి. ఈ అలవాటు రెండు విధాలుగా డబ్బు ఆదా చేయడంలో ఉపయోగపడుతుంది. మీరు ప్రోడక్ట్ ని విష్‌లిస్ట్‌లో ఉంచినట్లయితే, కొన్ని రోజుల తర్వాత మీరు దానిని కొనుగోలు చేయవలసిన అవసరం లేదని కూడా మీరు భావించవచ్చు. దీని అర్థం మీరు మీ డబ్బును అనవసరంగా ఖర్చు చేయకుండా ఉంటారని. రెండోది, మీరు సేల్ సీజన్‌లో ఇదే ఉత్పత్తులను చాలా తక్కువ ధరకు కొనుగోలు చేయవచ్చు.అవును, Google మీకు డబ్బును ఆదా చేయడంలో కూడా సహాయం చేస్తుంది. మీరు చేయాల్సిందల్లా Googleలో ఏదైనా ఈ-కామర్స్ సైట్‌ నుంచి ఏదైనా కొనుగోలు చేసే ముందు.. ఇలా చేయడం ద్వారా మీరు వివిధ వెబ్‌సైట్లలో ఒకే ఉత్పత్తి ధరలను తెలుసుకోవచ్చు. రకాల ఈ కామర్స్ సైట్లలో ధరలను సరిపోల్చండి. మీరు చౌకైన ఉత్పత్తిని ఎక్కడ నుంచి కొనుగోలు చేయవచ్చో తెలుస్తుంది.

ఈ రోజుల్లో కూపన్ కోడ్‌లు ఆన్‌లైన్‌లో కూడా అందుబాటులో ఉంటున్నాయి. వీటి కోసం కూడా సెర్చ్ చేయండి. వీటితో మీరు ఇంకా ఎక్కువ డబ్బు ఆదా చేయగలరు. ప్రైస్ ట్రాకర్ కూడా చాలా ప్రయోజనకరంగా ఉంటుంది. మీరు డెస్క్‌టాప్‌ని ఉపయోగిస్తుంటే, మీరు మీ Google Chrome బ్రౌజర్‌లో ప్రైస్ ట్రాకర్‌ను ఉపయోగించవచ్చు. ఉదాహరణకు మీరు Amazon నుండి ఏదైనా కొనాలనుకుంటున్నారని అనుకుందాం, ఆపై ధర గ్రాఫ్‌కి వెళ్లి ధర ఎప్పుడు తక్కువగా ఉందో, ధర ఎప్పుడు ఎక్కువగా ఉందో చెక్ చేయండి. మీరు సోషల్ మీడియా సహాయం కూడా తీసుకోవచ్చు. టెలిగ్రామ్‌లో చాలా ఛానెల్‌లు ఉన్నాయి. ఇవి ఎప్పుడూ తక్కువ ధరకు కొనుగోలు చేయడానికి ఉపయోపగడతాయి. మీరు కూడా ఈ ఛానెల్‌లలో చేరవచ్చు. ఇవి మీకు నిజంగా ప్రయోజనకరంగా ఉన్నాయని నిరూపించవచ్చు. కథ ఇంకా అయిపోలేదు. డబ్బు ఆదా చేయడానికి మేము మీకు మరికొన్ని చిట్కాలను అందిస్తాము. మీరు Amazonలో ప్రైమ్ మెంబర్‌షిప్, ఫ్లిప్‌కార్ట్‌లో ప్లస్ మెంబర్‌షిప్ మొదలైన వాటితో డబ్బును ఆదా చేసుకోవచ్చు. Amazon వంటి ప్లాట్‌ఫారమ్‌లలో మీరు ‘సబ్‌స్ర్కైబ్, సేవ్’ ఆప్షన్‌ ఎంచుకోవచ్చు. ఇది మీకు ప్రొడక్ట్‌పై 15 శాతం వరకు తగ్గింపును అందిస్తుంది.

Read Also.. Russia-Ukraine War: ప్లాటినం, పల్లాడియం, రోడియం లోహాలకు కొరత.. ఆటోమొబైల్ కంపెనీలపై తీవ్ర ప్రభావం..