UPI Payments: మీ మాతృ భాషలో యూపీఐ సేవలు.. ఫోన్‌పేను తెలుగులో ఎలా ఉపయోగించుకోవచ్చంటే..
ప్రస్తుతం భారత్‌లో డిజిటల్‌ చెల్లింపులు భారీగా పెరుగుతున్నాయి. కరోనా తదనంతర పరిస్థితుల నేపథ్యంలో నగదు రహిత లావాదేవీలకు మొగ్గు చూపుతున్నారు. ఇందులో భాగంగానే యూపీఐ ట్రాన్సాక్షన్స్‌ భారీగా పెరిగాయి. ముఖ్యంగా ఫోన్‌పే, గూగుల్ పే, పేటీఎమ్‌లు వంటి యూపీఐ యాప్‌లకు భారీ ఎత్తున..
Updated on: Nov 15, 2022 | 6:44 PM
ప్రస్తుతం భారత్‌లో డిజిటల్‌ చెల్లింపులు భారీగా పెరుగుతున్నాయి. కరోనా తదనంతర పరిస్థితుల నేపథ్యంలో నగదు రహిత లావాదేవీలకు మొగ్గు చూపుతున్నారు. ఇందులో భాగంగానే యూపీఐ ట్రాన్సాక్షన్స్‌ భారీగా పెరిగాయి. ముఖ్యంగా ఫోన్‌పే, గూగుల్ పే, పేటీఎమ్‌లు వంటి యూపీఐ యాప్‌లకు భారీ ఎత్తున ఆదరణ లభిస్తోంది. ఒక ఖాతా నుంచి మరో ఖాతాలోకి క్షణాల్లో డబ్బులు పంపించుకునే వెసులుబాటు కల్పించింది. దీంతో యూపీఐ సంస్థలు కూడా తమ సేవలను మరింత విస్తృతి పరిస్తున్నాయి.
ఇందులో భాగంగానే యాప్‌లను ప్రాంతీయ భాషల్లోనూ అందుబాటులోకి తీసుకొస్తున్నాయి. సాధారణంగా ఇంగ్లింష్‌లోనే యాప్‌లు ఎక్కువగా అందుబాటులో ఉంటాయని తెలిసిందే. అయితే సెట్టింగ్స్‌లో చిన్న మార్పులు చేసుకోవడం ద్వారా యూపీఐ యాప్‌లను మీ మాతృ భాషలోకి మార్చుకోవచ్చు. వినియోగదారులు యాప్‌ను మరింత సులువుగా వినియోగించుకునేందుకు వీలుగా ఈ సౌకర్యం కల్పించారు. ఫోన్‌పేలో భాషను ఎలా మార్చుకోవచ్చో ఇప్పుడు తెలుసుకుందాం..
* ముందుగా ఫోన్‌పే యాప్‌ను ఓపెన్‌ చేయాలి.
* అనంతరం మీ ప్రొఫైల్‌ను సెలక్ట్‌ చేసుకోవాలి.
* తర్వాత సెట్టింగ్‌లోకి వెళ్లి లాంగ్వేజ్‌ ఆప్షన్‌లోకి వెళ్లాలి.
* తర్వాత మీకు నచ్చిన భాషను సెలక్ట్‌ చేసుకొని కంటిన్యూపై క్లిక్ చేయాలి
* దీంతో ఫోన్‌పే సేవలను తెలుగు, హిందీ, మరాఠీ ఇలా మీకు నచ్చిన భాషలో పొందొచ్చు.
మరిన్ని బిజినెస్ వార్తల కోసం క్లిక్ చేయండి..
