EPFO Interest Rate: ఉద్యోగులకు గుడ్ న్యూస్.. ఈపీఎఫ్ఓ వడ్డీ రేటు పెంపు.. పూర్తి వివరాలివే..
ఎంప్లాయీస్ ప్రావిడెంట్ ఫండ్ ఆర్గనైజేషన్ (EPFO) చందాదారులకు గుడ్ న్యూస్ చెప్పింది. 2022-23 ఆర్థిక సంవత్సరానికి వడ్డీ రేటును పెంచుతూ మంగళవారం నిర్ణయం తీసుకుంది.
Updated on: Mar 28, 2023 | 11:43 AM
ఎంప్లాయీస్ ప్రావిడెంట్ ఫండ్ ఆర్గనైజేషన్ (EPFO) చందాదారులకు గుడ్ న్యూస్ చెప్పింది. 2022-23 ఆర్థిక సంవత్సరానికి వడ్డీ రేటును పెంచుతూ మంగళవారం నిర్ణయం తీసుకుంది. ప్రపంచ సంక్షోభం నేపథ్యంలో పదవీ విరమణ నిధి సంస్థ – ఎంప్లాయిస్ ప్రావిడెండ్ ఫండ్ (EPFO) 2022-23 ఆర్థిక సంవత్సరానికి EPFపై 8.15% వడ్డీ రేటును నిర్ణయించింది. ఈపీఎఫ్ ఖాతాదారులకు ఇచ్చే వడ్డీ రేటును ఇప్పటికే ఉన్న దానిపై 5 బేసిస్ పాయింట్లు పెంచింది. ఈ నిర్ణయం 5 కోట్లకు పైగా ఈపీఎఫ్ ఖాతాదారులకు మేలు జరగనుంది. ‘‘ఎంప్లాయిస్ ప్రావిడెంట్ ఫండ్ ఆర్గనైజేషన్ అపెక్స్ డెసిషన్ మేకింగ్ బాడీ సెంట్రల్ బోర్డ్ ఆఫ్ ట్రస్టీస్ (CBT) మంగళవారం జరిగిన సమావేశంలో 2022-23 సంవత్సరానికి EPF పై 8.15 శాతం వడ్డీని అందించాలని నిర్ణయించింది” అని వార్తా సంస్థ PTI పేర్కొంది.
అయితే, ఈపీఎఫ్ఓ గత ఆర్థిక సంవత్సరానికి అతి తక్కువగా 8.1 శాతం వడ్డీ ప్రకటించగా.. 2022-23 ఆర్థిక సంవత్సరంలో వడ్డీ ఇంకా తక్కువగా ఉండొచ్చని అంచనా వేశారు. ఈసారి వడ్డీ రేటు 8 శాతానికి తగ్గిస్తారని భావించినప్పటికీ.. ఈపీఎఫ్ఓ 5 బేసిస్ పాయింట్స్ వడ్డీ రేటు పెంచుతూ నిర్ణయం తీసుకుంది.
EPFO decides the rate of interest EPF for FY23. The rate of interest on EPF would be 8.15% for FY23. The labour ministry will send the proposal to the finance ministry for approval. pic.twitter.com/tPBqLgVTXm
— ANI (@ANI) March 28, 2023
ముఖ్యంగా, ఉద్యోగుల భవిష్య నిధి, ఇతర నిబంధనల చట్టం – 1952 ప్రకారం ప్రావిడెంట్ ఫండ్ పొదుపు తప్పనిసరి. ఒక ఉద్యోగి ప్రాథమిక జీతంలో కనీసం 12 శాతం తప్పనిసరిగా భవిష్యనిధిలో ఆదా చేయడానికి తప్పనిసరి. అయితే దీంతోపాటు యజమాని కూడా సమాన మొత్తాన్ని జమచేస్తారు.
గతేడాది ఉద్యోగుల ప్రావిడెంట్ ఫండ్స్పై వడ్డీ రేటును 8.5 శాతం నుంచి 8.1 శాతానికి.. నాలుగు దశాబ్దాల కనిష్ట స్థాయికి తగ్గించారు. 1977-78 తర్వాత ఉద్యోగులు తమ రిటైర్మెంట్ ఫండ్లో చేసే డిపాజిట్లపై ఇది అతి తక్కువ వడ్డీ రేటు. ఆ ఏడాది ఉద్యోగుల భవిష్య నిధిపై వడ్డీ రేటు 8 శాతంగా ఉంది.
మరిన్ని బిజినెస్ వార్తల కోసం..
