Indian Railways: ఈ ఒక్క ఆప్షన్ ఎంచుకుంటే ఖచ్చితంగా సీటు కన్ఫార్మ్.. ఆన్లైన్లో ట్రైన్ టికెట్ బుక్ చేసుకునేవారికి తెలియని సీక్రెట్..
ఆన్లైన్లో టికెట్ బుకింగ్ చేసుకునే ప్రయాణికులకు రైల్వేశాఖ మంచి అవకాశం కల్పిస్తోంది. అదే వికల్ప్ ఆప్షన్. ఇది ఎంచుకంటే మీకు సీటు లభించే అవకాశాలు ఎక్కువగా ఉంటాయి. అంతేకాకుండా మీరు ఒకవేళ ప్రయాణం చేయకపోతే రీఫండ్ కూడా పొందవచ్చు. ఈ ఫీచర్ గురించి వివరాలు..
Updated on: Mar 03, 2026 | 11:47 AM
రైళ్లల్లో తరచూ లక్షలాది మంది ప్రయాణిస్తూ ఉంటారు. దేశ నలుమూలకు రైల్ కనెక్టివిటీ అందుబాటులో ఉండగా.. రైళ్లల్లో రద్దీ విపరీతంగా ఉంటుంది. ఇక పండుగ సమయాలు, ఆక్సుపెన్సీ ఎక్కువగా ఉండే రూట్లలో రద్దీ మరింత ఎక్కువగా ఉంటుంది. దీంతో నెల రోజుల ముందుగానే టికెట్లు బుక్ చేసుకోవాల్సి ఉంటుంది. ఇక అత్యవసర ప్రయాణం చేయాలంటే తత్కాల్ టికెట్లు ఆన్లైన్లో ముందు రోజే రిజర్వేషన్ చేసుకోవాల్సి ఉంటుంది. టికెట్ కన్ఫామ్ అవ్వకపోతే వెయిటింగ్ లిస్ట్ లేదా ఆర్ఏసీ జాబితాలో పడిపోతుంది. రైలు బయలుదేరే కొన్ని గంటల మందు విడుదల చేసే ఛార్ట్ ప్రిపేర్ అయ్యేలోపు కూడా మీ పీఎన్ఆర్ స్టేటస్ వెయిటింగ్ లిస్ట్ అని చూపిస్తే మీరు ప్రత్యామ్నయ ఏర్పాట్లను చేసుకోవాల్సి ఉంటుంది. అదే ఆర్ఏసీ కోటాలో బెర్త్ కేటాయిస్తే వేరేవారితో బెర్త్ షేర్ చేసుకోవాల్సి ఉంటుంది.
వికల్ప్ ఆప్షన్
అయితే ప్రయాణికుల కోసం వికల్ప్ అనే స్కీమ్ను రైల్వేశాఖ తీసుకొచ్చింది. దీని ద్వారా టికెట్ కన్ఫామ్ అయ్యే అవకాశాలు ఉంటాయి. మీరు ప్రయాణించే రైల్లో కాకపోయినా అదే రూట్లోని వేరే ట్రైన్లో అయినా సీటు పొందే అవకాశం ఉంటుంది. దీని కోసం మీరు ఆన్లైన్లో ట్రైన్ టికెట్ బుక్ చేసుకునే సమయంలో వికల్ప్ అనే ఆప్షన్ను ఎంచుకోవాల్సి ఉంటుంది. ఐఆర్సీటీసీ పోర్టల్ లేదా యాప్ ద్వారా టికెట్లు బుక్ చేసుకునేవారికి మాత్రమే ఈ ఆప్షన్ కనిపిస్తుంది. మీరు టికెట్ బుకింగ్ సమయంలో దీనికి ఎంచుకోవడం ద్వారా అదే రూట్లో ప్రయాణించే వేరే ట్రైన్లలో అయినా సీటు పొందే అవకాశాలు ఉంటాయి. అంతేకాకుండా అదే రూట్లో వేరే స్టేషన్ల నుంచి బయల్దేరే ట్రైన్లలో అయినా సీటు లభిస్తుంది.
తత్కాల్ టికెట్లకు కూడా వికల్ప్
ఇక తత్కాల్ టికెట్లు బుక్ చేసుకునే సమయంలో కూడా వికల్ప్ ఆప్షన్ ఉపయోగపడుతుంది. తత్కాల్ టికెట్లు వెయింట్ లిస్టులో పడిపోయిన సమయంలో వికల్ప్ ఆప్షన్ ఎంచుకోవడం వల్ల టికెట్ కన్పార్మ్ అయ్యే ఛాన్స్ ఎక్కువగా ఉంటుంది. వేరే రైల్లో మీరు బెర్త్ కన్ఫార్మ్ అయితే ప్రస్తుత రైల్లోని వెయిటింగ్ లిస్ట్ నుంచి మీ పేరును తొలగిస్తారు. ఇక వేరే రైలులో బెర్త్ కన్ఫార్మ్ అయ్యాక మీరు ప్రయాణించకపోతే రీఫండ్ కోసం దరఖాస్తు చేసుకునే అవకాశం ఉంది. చాలామందికి తెలియక ఈ ఆప్షన్ ఎంచుకోవడం లేదు. దీంతో టికెట్ కన్ఫార్మ్ అవ్వక చివరి నిమిషంలో వేరే ప్రత్యామ్నాయ మార్గాన్ని ఎంచుకుంటున్నారు. ఇదే వికల్ప ఆప్షన్ ఎంచుకోవడం వల్ల మీకు అదే రూట్లో వేర్వేరు స్టేషన్ల నుంచి బయల్దేరే ట్రైన్లలో మీకు బెర్త్ లభించవచ్చు.
