EPFO: పీఎఫ్ ఖాతాదారులకు అదిరిపోయే గుడ్ న్యూస్.. త్వరలోనే అకౌంట్లోకి డబ్బులు.. చెక్ చేసుకోండిలా..

పీఎఫ్ ఖాతాదారులు ఎప్పుడెప్పుడా అని ఎదురుచూన్న రోజు రానే వచ్చింది. ఈపీఎఫ్ వడ్డీ రేట్లపై కేంద్రం స్పష్టత ఇచ్చింది. సోమవారం ఈపీఎఫ్‌వో ట్రస్టీల సమావేశం జరిగింది. ఈ సమావేశంలో వడ్డీ రేట్లను నిర్ణయించారు. ఈపీఎఫ్ డిపాజిట్లపై వడ్డీ రేటను యథాతధంగా ఉంచారు.

Epfo 2

Venkatrao Lella |
Updated on: Mar 03, 2026 | 12:16 PM

ఈపీఎఫ్‌వో ఖాతాదారులు ఎప్పటినుంచో ఎదురుచూస్తున్న వడ్డీ రేట్లపై క్లారిటీ వచ్చేసింది. ఈపీఎఫ్ బ్యాలెన్స్‌పై 2026-27 ఆర్ధిక సంవత్సరానికి సంబంధించి వార్షిక వడ్డీ రేటును నిర్ణయించారు. ఈ మేరకు సోమవారం జరిగిన సెంట్రల్ బోర్డ్ ఆఫ్ ట్రస్టీస్ సమావేశంలో ఈపీఎఫ్‌వో కీలక ప్రకటన చేసింది. ఈ ఆర్ధిక సంవత్సరానికి పీఎఫ్ డిపాజిట్లపై వడ్డీ రేటును 8.25 శాతంగా కొనసాగించాలని నిర్ణయించింది. ప్రస్తుతం ఉన్న వడ్డీ రేట్లను యథాతథంగా కొనసాగించాలని నిర్ణయించారు. దీంతో గత మూడేళ్లుగా వడ్డీ రేట్లలో ఎలాంటి మార్పులు చోటుచేసుకోలేదు. ఈపీఎఫ్‌వో తన నిర్ణయాన్ని ఆర్ధికశాఖకు పంపనుంది. ఆర్ధికశాఖ నుంచి గ్రీన్ సిగ్నల్ వచ్చాక వడ్డీని ఖాతాదారుల అకౌంట్లలో జమ చేశారు.

త్వరలోనే జమ

కేంద్ర ప్రభుత్వం ఆమోదం తెలిపిన తర్వాత వడ్డీ సొమ్ము పీఎఫ్ అకౌంట్లలో జమ అవుతుంది. ప్రస్తుతం దేశవ్యాప్తంగా 7 కోట్లకుపైగా మంది చందాదారులు ఉన్నారు. వీరందరికీ కేంద్రం నుంచి డబ్బులు జమ కానున్నాయి. మీ అకౌంట్లో ఈ వడ్డీ సొమ్ము జమ అయ్యాయా.. లేదా అనేది సులభంగా తెలుసుకోవచ్చు. ఇందుకోసం 4 మార్గాలు ప్రస్తుతం అందుబాటులో ఉన్నాయి. ఆన్ లైన్ పోర్టల్, ఎస్‌ఎంఎస్, మిస్డ్ కాల్, ఉమాంగ్ యాప్ ద్వారా పీఎఫ్ బ్యాలెన్స్ చెక్ చేసుకోవచ్చు. ఈ బ్యాలెన్స్ చెక్ చేసుకోవడం ద్వారా మీకు వడ్డీ జమ అయిందా.. లేదా అనేది తెలిసిపోతుంది.

మిస్డ్ కాల్ ద్వారా..

పీఎఫ్ అకౌంట్‌తో లింక్ అయిన మొబైల్ నెంబర్ నుంచి టెక్ట్స్ రూపంలో మెస్సేజ్ పంపాల్సి ఉంటుంది. “EPFOHO మీ UAN నెంబర్ ఫార్మట్‌లో 7738299899కు ఎస్‌ఎమ్మెస్ పంపాలి. మీ బ్యాలెన్స్ ఎంత అనేది ఎస్సెమ్మెస్ రూపంలో వస్తుంది. ఇక 9966044425 నెంబర్‌కు మిస్డ్ కాల్ ఇచ్చి కూడా తెలుసుకోవచ్చు.