EPFO: మే నెలలో ఈపీఎఫ్‌లో భారీగా పెరిగిన సబ్స్క్రైబర్లు.. ఆ రాష్ట్రాల్లో భారీగా పెరుగుదల
EPFO: దేశంలోని సంఘటిత రంగంలో ఉపాధి పరిస్థితి కొంత మెరుగుపడింది. ఎంప్లాయీస్ ప్రావిడెంట్ ఫండ్ ఆర్గనైజేషన్ ( EPFO ) మే 2022లో 16.82 లక్షల మంది కొత్త సబ్‌స్క్రైబర్‌లను..
Updated on: Jul 21, 2022 | 2:41 PM
EPFO: దేశంలోని సంఘటిత రంగంలో ఉపాధి పరిస్థితి కొంత మెరుగుపడింది. ఎంప్లాయీస్ ప్రావిడెంట్ ఫండ్ ఆర్గనైజేషన్ ( EPFO ) మే 2022లో 16.82 లక్షల మంది కొత్త సబ్‌స్క్రైబర్‌లను చేర్చుకుంది. మే 2021లో EPFOలో చేరిన 9.2 లక్షల మంది సబ్‌స్క్రైబర్ల కంటే ఈ సంఖ్య 83 శాతం ఎక్కువ. దేశంలోని సంఘటిత రంగంలో ఉపాధి అవకాశాలు పెరిగాయని డేటా ద్వారా స్పష్టమైంది .2014 ప్రాథమిక డేటా ప్రకారం గత ఏడాది ఇదే కాలంతో పోలిస్తే నికరగా 7.62 లక్షల మంది చందాదారుల సంఖ్య పెరిగింది.
మొదటి సారి చందాదారుల సంఖ్య 9.6 లక్షలు:
డేటా ప్రకారం.. మే నెలలో జోడించిన మొత్తం 16.82 లక్షల మంది సభ్యులలో ఉద్యోగుల భవిష్య నిధి, ఇతర నిబంధనల చట్టం, 1952 కింద మొదటిసారిగా దాదాపు 9.60 లక్షల మంది సబ్స్క్రైబర్లు జోడించబడ్డారు. అదే సమయంలో ఉద్యోగాల మార్పు కారణంగా EPFO నుండి నిష్క్రమించిన తర్వాత సుమారు 7.21 లక్షల మంది సభ్యులు EPFOలో తిరిగి చేరారు. మే 2022లో EPFOలో చేరిన చందాదారుల సంఖ్య గత ఆర్థిక సంవత్సరం నెలవారీ సగటు గణాంకాల కంటే ఎక్కువగా ఉంది.
EPFOలో 3.5 లక్షల మంది మహిళలు:
ఆధారిత పేరోల్ డేటా ప్రకారం.. మే 2022లో గరిష్ట పెరుగుదల 22-25 సంవత్సరాల వయస్సులో ఉంది. ఈ సమయంలో ఈ వయస్సులో 4.33 లక్షల మంది సభ్యులు చేరారు. మహారాష్ట్ర, కర్ణాటక, తమిళనాడు, గుజరాత్, హర్యానా, ఢిల్లీలో EPFOలో చేరిన చందాదారుల గరిష్ట పెరుగుదల ఉంది. ఈ రాష్ట్రాలు మే 2022లో దాదాపు 11.34 లక్షల మంది కొత్త సబ్స్క్రైబర్లు చేరారు. ఇది మొత్తం సంఖ్యలో 67.42 శాతం. మే నెలలో ఈపీఎఫ్‌ఓలో చేరిన మహిళల సంఖ్య నికరంగా 3.42 లక్షలు. ఈ కాలంలో ఈపీఎఫ్‌ఓలో చేరిన మొత్తం వ్యక్తుల్లో మహిళల వాటా 20.39 శాతంగా ఉంది.
మరిన్ని బిజినెస్ వార్తల కోసం ఇక్కడ క్లిక్ చేయండి
