iPhone 17 Series: ఐఫోన్ 17 సిరీస్లో కెమెరా, డిజైన్లో పెద్ద అప్గ్రేడ్లు ఇవేనా? ధర ఎంత ఉంటుంది?
iPhone 17 Series: ఆపిల్ సాధారణంగా సెప్టెంబర్లో తన కొత్త ఐఫోన్లను పరిచయం చేస్తుంది. ఐఫోన్ 17 సిరీస్ కూడా ఈ నెలలోనే లాంచ్ అయ్యే అవకాశం ఉంది. విడుదలైన కొన్ని వారాల తర్వాత ఈ సిరీస్ భారతదేశం, అమెరికా, యుఎఇతో..
Updated on: Jul 29, 2025 | 1:45 PM
iPhone 17 Series: ఈ సంవత్సరం ఆపిల్ తన కొత్త ఐఫోన్ మోడల్తో ప్రపంచవ్యాప్తంగా వినియోగదారులను ఆకర్షించడానికి మరోసారి సిద్ధంగా ఉంది. కంపెనీ రాబోయే ఐఫోన్ 17 సిరీస్ గురించి గత కొన్ని నెలలుగా చర్చలు, లీక్లు వస్తున్నాయి. ఆపిల్ త్వరలో ఐఫోన్ 17 సిరీస్ను విడుదల చేయవచ్చని టెక్ నిపుణులు చెబుతున్నారు. ఇందులో మొత్తం నాలుగు మోడళ్లు ఉంటాయి. ఐఫోన్ 17, ఐఫోన్ 17 ఎయిర్, ఐఫోన్ 17 ప్రో, ఐఫోన్ 17 ప్రో మాక్స్. అయితే ప్రస్తుతం వెలువడుతున్న లీకులు, నివేదిక ప్రకారం చూస్తే..
iOS 26, కొత్త టెక్నాలజీతో..
ఐఫోన్ 17 సిరీస్ ఆపిల్ తాజా ఆపరేటింగ్ సిస్టమ్ iOS 26 ను పొందుతుంది. ఇది “లిక్విడ్ గ్లాస్” డిజైన్, కొత్త ఆపిల్ ఇంటెలిజెన్స్ (AI) ఫీచర్లతో రానుంది. అయితే పూర్తిగా AI ఆధారిత సిరి వెర్షన్ 2026లో ప్రారంభించనుంది.
ఇది కూడా చదవండి: Gold Rate Today: రోజురోజుకు పతనమవుతున్న బంగారం ధర.. ఏపీ, తెలంగాణలో ఎంతో తెలుసా?
డిజైన్, డిస్ప్లే, సైజ్లో కొత్తగా ఏమి ఉంటుంది?
ఐఫోన్ 17 ప్రో మాక్స్ డిజైన్ మునుపటి ఐఫోన్ 16 ప్రో మాక్స్ని పోలి ఉంటుంది. ముందు వైపు పెద్దగా మార్పు ఉండదు. కానీ వెనుక ప్యానెల్లో పెద్ద మార్పు ఉంటుందని చెబుతున్నారు. నివేదికల ప్రకారం.. కెమెరా మాడ్యూల్ ఇప్పుడు కొత్త క్షితిజ సమాంతర స్ట్రిప్లో కనిపిస్తుంది. ఇది ఫోన్ మొత్తం వెడల్పును విస్తరించి, బాడీ రంగుతో సరిపోతుంది. ఈసారి కూడా స్క్రీన్ పరిమాణం అలాగే ఉంటుందా?
ఇది కూడా చదవండి: కస్టమర్లకు అలర్ట్.. ఆగస్ట్లో 15 రోజుల బ్యాంకులకు సెలవులు
- ఐఫోన్ 17: 6.1 అంగుళాలు
- ఐఫోన్ 17 ప్రో: 6.3 అంగుళాలు
- ఐఫోన్ 17 ప్రో మ్యాక్స్: 6.9 అంగుళాలు
కెమెరా సెటప్లో పెద్ద మార్పు:
ఈసారి ఆపిల్ ప్రో, ప్రో మాక్స్ వేరియంట్లలో 48 మెగాపిక్సెల్ టెలిఫోటో కెమెరాను అందించనున్నట్లు తెలుస్తోంది. అయితే దీని కారణంగా ఆప్టికల్ జూమ్ పరిధి 5x నుండి 3.5x కి తగ్గవచ్చు. మీడియా నివేదికల ప్రకారం, అధిక రిజల్యూషన్తో మెరుగైన డిజిటల్ జూమ్ అనుభవాన్ని అందించడానికి ఈ మార్పు చేస్తున్నట్లు తెలుస్తోంది. ఈ కొత్త కెమెరా 7x వరకు స్పష్టమైన డిజిటల్ జూమ్ సామర్థ్యాన్ని అందించే అవకాశం ఉంది.
భారతదేశం, UAE, USAలో ఐఫోన్ 17 అంచనా ధర:
భారతదేశంలో ఐఫోన్ 17 ప్రారంభ ధర దాదాపు రూ.79,900 ఉండవచ్చని అంచనా. అయితే ప్రో, ప్రో మాక్స్ ధర దీని కంటే ఎక్కువగా ఉండవచ్చు. అమెరికా వాణిజ్య విధానాలు, చైనాలో పెరుగుతున్న తయారీ ఖర్చులు, ప్రపంచ రాజకీయ ఉద్రిక్తతల కారణంగా ఈసారి ఐఫోన్ల ధరలు పెరగవచ్చని తెలుస్తోంది.
దీన్ని ఎప్పుడు ప్రారంభించవచ్చు?
ఆపిల్ సాధారణంగా సెప్టెంబర్లో తన కొత్త ఐఫోన్లను పరిచయం చేస్తుంది. ఐఫోన్ 17 సిరీస్ కూడా ఈ నెలలోనే లాంచ్ అయ్యే అవకాశం ఉంది. విడుదలైన కొన్ని వారాల తర్వాత ఈ సిరీస్ భారతదేశం, అమెరికా, యుఎఇతో సహా అనేక దేశాలలో అందుబాటులో ఉంటుంది.
ఇది కూడా చదవండి: Electric Scooter: కేవలం రూ.54వేలకే 130 కిమీ రేంజ్ ఇచ్చే ఎలక్ట్రిక్ స్కూటర్.. డ్రైవింగ్ లైసెన్స్ అవసరం లేదు
ఇది కూడా చదవండి: Viral Video: హేయ్.. నాతో పెట్టుకోకు.. పులినే తరిమికొట్టిన కుక్క.. వీడియో వైరల్
మరిన్ని బిజినెస్ వార్తల కోసం ఇక్కడ క్లిక్ చేయండి
