Tollywood: ఆ స్టార్ హీరో పెళ్లి చేసుకుంటానని ఇంటికొచ్చి మరీ అడిగాడు.. ఓపెన్‌‌గా చెప్పేసిన నటి

సినీ నటి జయమాలిని తన సుదీర్ఘ కెరీర్, వ్యక్తిగత జీవితం గురించి ఒక ఇంటర్వ్యూలో అనేక సంచలన విషయాలు వెల్లడించారు. ముఖ్యంగా, ఒక ప్రముఖ స్టార్ హీరో నుంచి తనకు మ్యారేజ్ ప్రపోజల్ వచ్చిందని, అయితే కుటుంబ బాధ్యతలను దృష్టిలో ఉంచుకుని దానిని అంగీకరించలేదని ఆమె తెలిపారు. తన ముగ్గురు అన్నయ్యల పెళ్లిళ్లు, తల్లికి ఆర్థిక స్థిరత్వం కల్పించాల్సిన బాధ్యత లాంటి కారణాల వల్ల తన వ్యక్తిగత ఆశలను పక్కన పెట్టినట్లు ఆమె వివరించారు. తన తల్లి చనిపోయేముందు కొంత డబ్బు ఇచ్చి ఇల్లు కొనిపెట్టిందని ఆమె గుర్తు చేసుకున్నారు. తాను ప్రేమించిన వ్యక్తి పేరును బయటకు చెప్పలేనని, ఆ ప్రేమ తన మనసులో ఒక భారంగా మిగిలిపోయిందని, చనిపోయే లోపు ఆ పేరును తప్పకుండా బయటపెడతానని జయమాలిని అన్నారు.

మలయాళ సూపర్ స్టార్ జయన్ నుంచి కూడా తనకు మ్యారేజ్ ప్రపోజల్ వచ్చిందని జయమాలిని పేర్కొన్నారు. జయన్ ఆమెకంటే 20-22 సంవత్సరాలు పెద్దవారని, ఆయన తన తల్లి, సోదరిని సంప్రదించి, జయమాలిని కుటుంబాన్ని చూసుకుంటానని, ఆమెను పెళ్లి చేసుకుంటానని చెప్పారని ఆమె తెలిపారు. పాముగూడ సమీపంలో తన ఇంటిని కూడా చూపించారని జయమాలిని వివరించారు. అయితే, జయమాలిని వయసులో పెద్దవాడు కావడంతో ఆ ప్రపోజల్ పట్ల ఆసక్తి చూపలేదని, ఆయనతో నేరుగా మాట్లాడటానికి భయపడి, సిగ్గుపడినట్లు పేర్కొన్నారు. 13 సంవత్సరాల వయసులోనే ఇండస్ట్రీలోకి ఎంట్రీ ఇచ్చానని, తన అక్క 16 ఏళ్ళ వయసులో వచ్చారని ఆమె చెప్పారు.

ప్రేమ అనేది ఎవరికైనా సహజమని, అది ఎటువంటి తప్పు కాదని జయమాలిని అభిప్రాయపడ్డారు. 18-30-40 ఏళ్ల వయస్సులో ప్రేమ భావాలు కలగడం సర్వసాధారణమని ఆమె అన్నారు. తన చిన్నతనంలో 12 ఏళ్ల వయసులో నీళ్లు మోస్తున్నప్పుడు ఒక తమిళ పాటతో ఒక అబ్బాయి తన పట్ల ఆకర్షణ చూపినట్లు ఆమె గుర్తు చేసుకున్నారు. అదేవిధంగా, ఒక ప్రొడ్యూసర్ కొడుకు, ఒక ప్రముఖ రాజకీయ నాయకుడి కొడుకు కూడా తన పట్ల ఆసక్తి చూపారని జయమాలిని వెల్లడించారు. తాను బీచ్‌కు వెళ్లినప్పుడు వారిద్దరూ తనతో మాట్లాడటానికి ప్రయత్నించేవారని ఆమె తెలిపారు.

ఇది చదవండి: ఎలాంటి పాము కరిచినా సరే.. ఈ వేరు చప్పరిస్తే విషం వెంటనే విరిగిపోతుంది..