Shani Gochar 2025: ఈ నెల 29 రాశిని మార్చుకోనున్న శనీశ్వరుడు.. ఈ రాశులకు ఏలినాటి శని ప్రారంభం.. వీరికి అగ్ని పరీక్షే..

హిందూ పురాణ గ్రంథాలలో.. సూర్యుడు ఛాయల తనయుడు శనీశ్వరుడు.. నవగ్రహాలలో ఒకడు. ఈ శనిశ్వరుడిని న్యాయాధిపతి అని పిలుస్తారు. మంచి చెడుల కర్మలను అనుసరించి ఫలితాలను ఇస్తాడు అని నమ్మకం. అత్యంత నెమ్మదిగా సంచరించే గ్రహం.. శనీశ్వరుడు. ఒక రాశిలో రెండున్నర సంవత్సరాలు ఉంటాడు. అలా ఒక రాశి నుంచి మరొక రాశిలోకి అత్యంత నెమ్మదిగా సంచరిస్తాడు. ఇప్పుడు 2025 సంవత్సరంలో, శనీశ్వరుడు తన రాశిని మార్చబోతున్నాడు. ప్రస్తుతం శనీశ్వరుడు తన సొంత రాశి అయిన కుంభ రాశిలో సంచరిస్తున్నాడు. మార్చి 2025 నెలలో అతను కుంభ రాశిని వదిలి మీన రాశిలోకి ప్రవేశించనున్నాడు.

శనీశ్వరుడు మార్చి 29వ తేదీ 2025 రాశిని మార్చుకొనున్నాడు. మార్చి 29న శని దేవుడు కుంభ రాశిని వదిలి మీన రాశిలోకి ప్రవేశించనున్నాడు. జ్యోతిషశాస్త్రం ప్రకారం శని దేవుడి ఈ రాశి మార్పు ప్రభావం మొత్తం 12 రాశులపై భిన్నంగా పడనుంది. ఈ సమయంలో కొన్ని రాశికు చెందిన వ్యక్తులు చాలా జాగ్రత్తగా ఉండాలి.

మేషరాశి: జ్యోతిషశాస్త్రంలో మేషరాశి మొదటి రాశిగా పరిగణించబడుతుంది. శనీశ్వరుడు ప్రస్తుతం సంచరిస్తున్న కుంభ రాశిని వదిలి మీన రాశిలోకి అడుగు పెట్టనున్నాడు. దీంతో శనీశ్వరుడు ప్రభావం మేష రాశికి చెందిన వ్యక్తులపై పడనుంది. ఏలి నాటి శని ఈ మేష రాశి వారికి ప్రారంభమవుతుంది. ఈ కారణంగా మార్చి 29 తర్వాత మేష రాశి వారు చాలా జాగ్రత్తగా ఉండాలి. 2025 సంవత్సరం మేష రాశి వారికి కష్టంగా, ఇబ్బందికరంగా ఉంటుంది.

ఇవి కూడా చదవండి

మనదేశంతో పాటు ఏయే దేశాల్లో హోలీని ఘనంగా జరుపుకుంటారంటే

ఈ నెల 16న ఆశ్లేష నక్షత్రం లోకి చంద్రుడు ఈ రాశుల వారికి డబ్బేడబ్బు

హోలీ రోజున రాశి ప్రకారం ఏ వస్తువులను దానం చేయాలంటే..

ఇతరుల నుంచి ఈ వస్తువులు తీసుకుంటే శనిని ఇంట్లోకి ఆహ్వానించినట్లే

సింహ రాశి: నవ గ్రహాలకు అధిపతి సూర్యుడు సొంత రాశి సింహ రాశి. ఈ రాశికి చెందిన వ్యక్తులపై కూడా శనీశ్వరుడు రాశి మార్పు ప్రభావం చూపిస్తుంది. ఏలి నాటి శని ప్రభావంతో తీవ్ర కష్ట నష్టాల బారిన పడతారు. మార్చి 29 నుంచి సింహ రాశికి చెందిన వృత్తి, వ్యాపార, ఉద్యోగ రంగాలతో సహా ప్రతి రంగాలకు చెందిన వ్యక్తులు చాలా జాగ్రత్తగా ఉండాలి. ముఖ్యంగా ఆర్ధిక విషయాల్లో మరింత జాగ్రత్తగా ఉండాలి.

ధనుస్సు రాశి: శని దేవుడి రాశిలో మార్పు ధనుస్సు రాశి వారిపై కూడా ప్రభావం చూపుతుంది. శని దేవుడు మీనరాశిలోకి ప్రవేశించిన తర్వాత ధనుస్సు రాశి వారిపై ఎలి నాటి శని ప్రభావం పడుతుంది. ఈ కారణంగా, మార్చి 29 నుండి ధనుస్సు రాశికి సంబంధించిన వ్యక్తులు అన్ని విషయాల్లోనూ చాలా జాగ్రత్తగా ఉండాలి. మొత్తానికి వీరు అగ్ని పరీక్షలను ఎదుర్కోవాల్సి ఉంటుంది.

శని ప్రభావం నుంచి నివారణ కోసం

శనీశ్వరుడు చెడు ప్రభావాలను నివారించడానికి మేషం, సింహ, ధనుస్సు రాశుల వారు ఎటువంటి తప్పు చేయకూడదు. ఎవరి గురించి చెడుగా ఆలోచించకూడదు. చెడు పనులు తలపెట్టకూడదు. శనీశ్వరుడుకి సంబంధించిన వస్తువులను దానం చేయండి. శనివారం శనిదేవుని విగ్రహానికి నువ్వుల నూనెతో అభిషేకం చేయండి. రావి చెట్టును పూజించండి. శనీశ్వరుడు అనుగ్రహం కోసం శనివారం రోజున నల్ల కుక్కకు రొట్టె తినిపించండి. మిమ్మల్ని ఆశీర్వదిస్తాడు.

మరిన్ని ఆధ్యాత్మిక వార్తల కోసం ఇక్కడ క్లిక్ చేయండి..

నోట్ : ఈ వార్తలలో ఇవ్వబడిన సమాచారం మత విశ్వాసాలపై ఆధారపడి ఉంది. పాఠకుల ఆసక్తి మేరకు.. పలువురు పండితుల సూచనలు, వారి తెలిపిన అంశాల ఆధారంగా అందించినవి మాత్రమే.. వీటిలో ఎలాంటి శాస్త్రీయ ఆధారాలు లేవని పాఠకులు గమనించాలి. టీవీ9 తెలుగు దీనిని ధృవీకరించలేదు