Horoscope Today: ఆర్థిక విషయాల్లో వారు నష్టపోయే సూచనలు.. 12 రాశుల వారికి రాశిఫలాలు

దిన ఫలాలు (మార్చి 12, 2025): మేష రాశి వారికి ఆకస్మిక ధన లాభానికి కూడా అవకాశం ఉంది. కొద్ది శ్రమతో ముఖ్యమైన వ్యవహారాలన్నిటినీ పూర్తి చేస్తారు. వృషభ రాశి వారికి ఆర్థిక పరిస్థితి సంతృప్తికరంగా ఉంటుంది. ఆర్థిక లావాదేవీలకు దూరంగా ఉండడం మంచిది. మిథున రాశి వారికి ఉద్యోగంలో అధికారుల ఆదరణ లభిస్తుంది. వృత్తి, వ్యాపారాల్లో ఆశించిన లాభాలు గడిస్తారు. మేష రాశి మొదలు మీన రాశి వరకు 12 రాశుల వారికి బుధవారంనాటి రాశిఫలాలు ఎలా ఉన్నాయంటే..

మేషం (అశ్విని, భరణి, కృత్తిక 1)

శుభ గ్రహాలన్నీ అనుకూలంగా ఉన్నందువల్ల ఆర్థికంగా బాగా కలిసి వస్తుంది. రాదనుకున్న డబ్బు చేతికి అందుతుంది. మొండి బాకీలు వసూలవుతాయి. ఆకస్మిక ధన లాభానికి కూడా అవకాశం ఉంది. కొద్ది శ్రమతో ముఖ్యమైన వ్యవహారాలన్నిటినీ పూర్తి చేస్తారు. వృత్తి, వ్యాపారాల్లో తీరిక ఉండని పరిస్థితి ఏర్పడుతుంది. ఉద్యోగాల్లో ప్రాధాన్యం పెరుగుతుంది. కొత్త ఉద్యోగావకాశాలు అందివస్తాయి. ఆరోగ్యం బాగానే ఉంటుంది. విద్యార్థులకు సమయం బాగా అనుకూలంగా ఉంది.

వృషభం (కృత్తిక 2,3,4, రోహిణి, మృగశిర 1,2)

ఉద్యోగ జీవితం సానుకూలంగా సాగిపోతుంది. వృత్తి, వ్యాపారాల్లో రాబడి బాగానే ఉంటుంది. ఎటు వంటి ప్రయత్నం తలపెట్టినా విజయవంతమవుతుంది. ఆర్థిక పరిస్థితి సంతృప్తికరంగా ఉంటుంది. ఆర్థిక లావాదేవీలకు దూరంగా ఉండడం మంచిది. కొద్ది ప్రయత్నంతో ముఖ్యమైన వ్యవహారాలు, పనులు పూర్తవుతాయి. వ్యక్తిగత సమస్యలు తగ్గుముఖం పడతాయి. ప్రముఖులతో పరిచయాలు ఏర్పడతాయి. నిరుద్యోగులు శుభ వార్తలు వింటారు. విద్యార్థులు కొద్ది శ్రమతో విజయాలు సాధిస్తారు.

మిథునం (మృగశిర 3,4, ఆర్ద్ర, పునర్వసు 1,2,3)

ఈ రాశివారికి రోజంతా సాఫీగా, హ్యాపీగా గడిచిపోతుంది. అనుకున్న పనులు అనుకున్న విధంగా పూర్తవుతాయి. ఉద్యోగంలో అధికారుల ఆదరణ లభిస్తుంది. వృత్తి, వ్యాపారాల్లో ఆశించిన లాభాలు గడిస్తారు. కుటుంబ జీవితం ఉత్సాహంగా సాగిపోతుంది. విద్యార్థులు తేలికగా విజయాలు సాధిస్తారు. చేపట్టిన పనులు, వ్యవహారాల్లో కార్యసిద్ధి ఉంటుంది. నిరుద్యోగులకు మంచి ఆఫర్లు అందే అవకాశం ఉంది. ఆరోగ్యం మెరుగ్గా ఉంటుంది. బంధుమిత్రులు మీ సలహాలతో లబ్ధి పొందుతారు.

కర్కాటకం (పునర్వసు 4, పుష్యమి, ఆశ్లేష)

వృత్తి, ఉద్యోగాల్లో అధికారుల ఆదరణ పెరుగుతుంది. మంచి పరిచయాలు ఏర్పడతాయి. కుటుంబ జీవితం హ్యాపీగా సాగిపోతుంది. పిల్లల నుంచి శుభవార్తలు వింటారు. వృత్తి, ఉద్యోగాల్లో పనిభారం పెరిగే అవకాశం ఉంది. నిరుద్యోగులకు శుభవార్తలు అందే అవకాశం కూడా ఉంది. ఉద్యోగం మార డానికి చేసే ప్రయత్నాలు ఫలించవచ్చు. కొందరు బంధువుల వల్ల ఇబ్బందులు, సమస్యలు తలె త్తుతాయి. ఆర్థిక విషయాల్లో నష్టపోయే సూచనలున్నాయి. విద్యార్థులు బాగా కష్టపడాల్సి ఉంటుంది.

సింహం (మఖ, పుబ్బ, ఉత్తర 1)

ఇంటా బయటా బాధ్యతలు, పనులు బాగా ఎక్కువగా ఉంటాయి. వృత్తి, ఉద్యోగాల్లో శ్రమకు తగ్గ ప్రతిఫలం ఉంటాయి. వ్యాపారాలు నిలకడగా సాగిపోతాయి. కొద్ది ప్రయత్నంతో వ్యక్తిగత సమస్యలు పరిష్కరించుకుంటారు. అదనపు ఆదాయ మార్గాలు విస్తరిస్తాయి. ముఖ్యమైన పనులు ఆలస్యం అవుతాయి. మీ నుంచి సహాయం పొందినవారు ముఖం చాటేస్తారు. ఆర్థికపరంగా ఎవరికీ వాగ్దానాలు చేయకపోవడం మంచిది. ఆరోగ్యం పరవాలేదనిపిస్తుంది. విద్యార్థులకు కొద్దిగా శ్రమ పెరుగుతుంది.

కన్య (ఉత్తర 2,3,4, హస్త, చిత్త 1,2)

కొద్ది ప్రయత్నంతో ఆదాయం బాగా వృద్ధి చెందుతుంది. కొందరు బంధుమిత్రులకు ఆర్థికంగా సహాయం చేస్తారు. ఆర్థిక వ్యవహారాలు విజయవంతం అవుతాయి. ఆర్థిక పరిస్థితి చక్కబడుతుంది. ఇప్పుడు తీసుకునే నిర్ణయాల వల్ల మంచి ఫలితాలుంటాయి. ఆరోగ్యానికి ఢోకా ఉండదు. పెళ్లి, ఉద్యోగ ప్రయత్నాల్లో ఆశించిన శుభవార్తలు వింటారు. వృత్తి, ఉద్యోగాలు అనుకూలంగా సాగి పోతాయి. వ్యాపారాల్లో కొద్దిగా లాభాలు పెరుగుతాయి. విద్యార్థులు తేలికగా పురోగతి సాధిస్తారు.

తుల (చిత్త 3,4, స్వాతి, విశాఖ 1,2,3)

వృత్తి, ఉద్యోగాల్లో అధికారుల నమ్మకాన్ని చూరగొంటారు. కొన్ని ప్రత్యేక బాధ్యతలను నిర్వర్తించాల్సిన అవసరం కలుగుతుంది. వ్యాపారాలు లాభసాటిగా సాగిపోతాయి. ఆర్థిక సమస్యల నుంచి చాలావరకు బయటపడతారు. ఆదాయ మార్గాలు విస్తరిస్తాయి. ముఖ్యమైన వ్యవహారాలు సకాలంలో పూర్తవుతాయి. నిరుద్యోగులకు ఆశించిన సమాచారం అందుతుంది. ఆరోగ్యం విషయంలో జాగ్రత్తగా ఉండాలి. విద్యార్థులు తేలికగా విజయాలు సాధిస్తారు. ధనపరంగా వాగ్దానాలు చేయ వద్దు.

వృశ్చికం (విశాఖ 4, అనూరాధ, జ్యేష్ట)

వృత్తి, ఉద్యోగాల్లో అనుకూల వాతావరణం ఉంటుంది. అధికారుల నుంచి ఆశించిన ప్రోత్సాహం, ఆదరణ లభిస్తాయి. వ్యాపారాలు లాభసాటిగా సాగిపోతాయి. నిరుద్యోగుల ప్రయత్నాలకు ఆశించిన స్పందన ఉంటుంది. ఇంటా బయటా బాధ్యతలు పెరుగుతాయి. ఆదాయం నిలకడగా సాగి పోతుంది. ఆహార, విహారాల్లో జాగ్రత్తగా ఉండడం మంచిది. వ్యక్తిగత సమస్యలు తగ్గుముఖం పడతాయి. ప్రస్తుతానికి ప్రయాణాలు పెట్టుకోవద్దు. విద్యార్థులు కొద్ది శ్రమతో చక్కని ఫలితాలు సాధిస్తారు.

ధనుస్సు (మూల, పూర్వాషాఢ, ఉత్తరాషాఢ 1)

వృత్తి, ఉద్యోగాల్లో సానుకూల వాతావరణం ఉంటుంది. వ్యాపారాలలో నష్టాలు తగ్గి, లాభాలు పెరిగే అవకాశం ఉంది. తలపెట్టిన పనులు కొద్దిగా ఆలస్యంగా పూర్తవుతాయి. విద్యార్థులు చదువుల్లో పురోగతి సాధిస్తారు. స్వల్ప అనారోగ్యానికి అవకాశం ఉంది. నిరుద్యోగులకు మంచి కంపెనీల నుంచి ఆఫర్లు అందుతాయి. ఉద్యోగం మారడానికి చేస్తున్న ప్రయత్నాలు అనుకూలిస్తాయి. ప్రయాణాల వల్ల లాభాలు కలుగుతాయి. కొందరు బంధుమిత్రులకు ఆర్థికంగా సహాయం చేస్తారు.

మకరం (ఉత్తరాషాఢ 2,3,4, శ్రవణం, ధనిష్ట 1,2)

వృత్తి, ఉద్యోగాల్లో సానుకూల వాతావరణం ఉంటుంది. మీ పనితీరుతో అందరినీ ఆకట్టుకుంటారు. వ్యాపారాలు నిలకడగా సాగిపోతాయి. వ్యక్తిగత సమస్యలకు పరిష్కారం లభిస్తుంది. కుటుంబ వ్యవహారాల్లో జీవిత భాగస్వామిని సంప్రదించడం మంచిది. నిరుద్యోగులకు దూర ప్రాంతం నుంచి ఆశించిన సమాచారం అందుతుంది. పెళ్లి ప్రయత్నాలు సఫలమవుతాయి. చేపట్టిన పనులు నిదానంగా పూర్తవుతాయి. ఆర్థిక పరిస్థితి సంతృప్తికరంగా ఉంటుంది. విద్యార్థులు శ్రమపడాల్సి ఉంటుంది.

కుంభం (ధనిష్ట 3,4, శతభిషం, పూర్వాభాద్ర 1,2,3)

ప్రతి పనిలోనూ వ్యయ ప్రయాసలు తప్పకపోవచ్చు. అయితే, ఎటువంటి ప్రయత్నం తలపెట్టినా విజయవంతమవుతుంది. ముఖ్యంగా ఆదాయ ప్రయత్నాలు సఫలం అవుతాయి. నిరుద్యోగులకు విదేశాల నుంచి ఆశించిన సమాచారం అందుతుంది. కుటుంబ సభ్యులతో సరదాగా కాలక్షేపం చేస్తారు. వృత్తి, వ్యాపారాల్లో అంచనాలకు తగ్గ లాభాలందుతాయి. ఉద్యోగంలో అధికారులు ఎక్కువగా ఆధారపడతారు. ఒకటి రెండు ఆర్థిక సమస్యల నుంచి బయటపడతారు. విద్యార్థులకు శ్రమ తప్పదు.

మీనం (పూర్వాభాద్ర 4, ఉత్తరాభాద్ర, రేవతి)

రోజంతా సీదాసాదాగా గడిచిపోతుంది. ఆధ్యాత్మిక విషయాల మీద శ్రద్ధాసక్తులు పెరుగుతాయి. ముఖ్యమైన వ్యవహారాలు, పెండింగ్ పనులను పట్టుదలగా పూర్తి చేస్తారు. స్వల్ప అనారోగ్యానికి అవకాశం ఉంది. వృత్తి, ఉద్యోగాల్లో అధికారులతో ఆచితూచి వ్యవహరించడం శ్రేయస్కరం. ఆదాయం నిలకడగా ఉంటుంది కానీ, ఖర్చులు పెరిగే అవకాశం ఉంది. వ్యాపారాలు ఆశాజనకంగా సాగిపోతాయి. ఎవరికీ వాగ్దానాలు చేయవద్దు. విద్యార్థులు తేలికగా ఉత్తమ ఫలితాలు సాధిస్తారు.