Mars Transit 2023: మిథునంలో కుజగ్రహం.. మే వరకు ఈ 4 రాశులవారికి తీరని కష్టాలు.. ఇందులో మీ రాశి ఉందా..?
సంచార ప్రభావాలు మనలో కొందరికి అనుకూలంగా, మరికొందరికి ప్రతికూలంగా ఉంటాయి. అయితే ఈ నెల రెండో వారంలో కుజుడు మిథునరాశిలోకి ప్రవేశించాడు. వృశ్చిక రాశి, మేష రాశికి అధిపతిగా
Updated on: Mar 27, 2023 | 7:20 AM
జ్యోతిష్య శాస్త్రం ప్రకారం నవగ్రహాలలోని ప్రతి గ్రహ సంచారం మానవాళీ జీవితంపై ప్రభావాన్ని చూపుతుంది. ఈ క్రమంలో ఈ గ్రహ సంచార ప్రభావాలు మనలో కొందరికి అనుకూలంగా, మరికొందరికి ప్రతికూలంగా ఉంటాయి. అయితే ఈ నెల రెండో వారంలో(మార్చ్ 13) కుజుడు మిథునరాశిలోకి ప్రవేశించాడు. వృశ్చిక రాశి, మేష రాశికి అధిపతిగా పేర్కొనే కుజుడు మే 10 వరకు కూడా అదే రాశిలో ఉంటాడు. శక్తికి, ధైర్యానికి కారకుడైన కుజుడు రాశి మనందరిపై ప్రభావాన్ని కలిగి ఉంటుంది. ఈ క్రమంలోనే మిథున రాశిలో కుజ గ్రహ సంచారం రాశిచక్రంలోని కొన్ని రాశుల వారికి అత్యంత అనుకూలంగా ఉండనుంది. కానీ మగిలిన రాశులకు కష్టాలను కొని తెస్తుంది. అంతేకాక ఈ సమయంలో ఆయా రాశులవారికి ఆకస్మిక కష్టాలు, అనూహ్య పరిస్థితులు ఎదురవుతాయి. మరి ఆ రాశులేమిటో మనం ఇప్పుడు చూద్దాం..
మిథునంలో మంగళ గ్రహ గోచారం ఈ 4 రాశులకు అశుభం..
కర్కాటక రాశి: కర్కాటక రాశి 12వ పాదంలో కుజ గ్రహ సంచారం ఏర్పడుతుంది. దీంతో ఈ సమయం ఈ రాశులవారికి చాలా కఠినంగా ఉంటుంది. ఈ సమయంలో వీరు తమ కెరీర్‌లో అనూహ్య మార్పులు చోటుచేసుకుంటాయి. ఇంకా వీరికి ఇష్టం లేకపోయినా ట్రాన్సఫర్ అయ్యే అవకాశం ఉంది.
వృశ్చిక రాశి: వృశ్చిక రాశి వారికి కుజుడు 8వ పాదంలో సంచరిస్తాడు. ఫలితంగా ఇది మీ ఆరోగ్యంపై చెడు ప్రభావం చూపుతుంది. మీరు ఈ సమయంలో ఒకటికి రెండు సార్లు ఆలోచించి మాట్లాడటం చాలా మంచిది. మీకు ఈ కాలం అస్సలు కలిసిరాదు.
ధనుస్సు రాశి: కుజ గ్రహ సంచారం ధనుస్సు రాశి 7వ పాదంలో జరుగుతుంది. ఫలితంగా మీరు ఈ సమయంలో అనారోగ్యం బారిన పడే అవకాశం ఉంది. ఉద్యోగ, వ్యాపారాల్లో నష్టాలు వస్తాయి. మీరు ఏకాగ్రతతో పనిచేస్తే మాత్రమే ప్రతికూల ప్రభావాలను నివారించవచ్చు.
కుంభ రాశి: కుంభరాశి 5వ పాదంలో కుజగ్రహ సంచారం ఉంటుంది. ఈ సమయంలో మీకు సంతానం కలగదు. మీరు కెరీర్‌లో అనేక సమస్యలను ఎదుర్కొంటారు. అనారోగ్యం బారిన పడే అవకాశం కూడా ఉంది. వ్యాపారస్తులు అనవసర ప్రయాణాలు చేయడం మానుకోవాలి.
మరిన్ని జ్యోతిష్య వార్తల కోసం ఇక్కడ క్లిక్ చేయండి..
Note: (ఇక్కడ ఇచ్చిన సమాచారం నమ్మకం మీద ఆధారపడి ఉంటుంది.. దీనికి శాస్త్రీయ ఆధారాలు లేవు. మనుషుల ఆసక్తిని నమ్మకాన్ని దృష్టిలో ఉంచుకుని ఇక్కడ అందించాం)
