Rashi Phalalu: ఆ రాశి నిరుద్యోగుల ప్రయత్నం సఫలం..12 రాశుల వారికి రాశిఫలాలు
Horoscope Today (November 17, 2025): మేష రాశి వారికి ఆరోగ్యం చాలావరకు కుదుటపడుతుంది. నిరుద్యోగులకు ఎదురు చూస్తున్న శుభ వార్తలు అందుతాయి. వృషభ రాశి వారి సలహాలు, సూచనలకు విలువ ఏర్పడుతుంది. ప్రముఖుల్లో ఆశించిన గుర్తింపు లభిస్తుంది. మిథున రాశి వారు ఆరోగ్య సమస్యల నుంచి చాలావరకు బయటపడతారు. కుటుంబ సమస్యలు కొలిక్కి వస్తాయి. మేష రాశి మొదలు మీన రాశి వరకు 12 రాశుల వారికి సోమవారంనాటి రాశిఫలాలు ఎలా ఉన్నాయంటే..?
Updated on: Nov 17, 2025 | 5:31 AM
దిన ఫలాలు (నవంబర్ 17, 2025): మేషం (అశ్విని, భరణి, కృత్తిక 1): ఉద్యోగంలో మీ సమర్థతకు సరైన గుర్తింపు లభిస్తుంది. ఆశించిన అనుకూలత ఏర్పడుతుంది. వృత్తి, వ్యాపారాల్లో తీరిక లేని పరిస్థితి ఏర్పడుతుంది. రావలసిన డబ్బు సకాలంలో చేతికి అందుతుంది. ఆరోగ్యం చాలావరకు కుదుటపడుతుంది. నిరుద్యోగులకు ఎదురు చూస్తున్న శుభ వార్తలు అందుతాయి. కుటుంబ పెద్దల నుంచి సహాయ సహకారాలు లభిస్తాయి. ఇంటా బయటా ఒత్తిడి ఉండే అవకాశం ఉంది. పిల్లలు వృద్ధిలోకి వస్తారు. ధనపరంగా ఎవరికీ హామీలు ఉండవద్దు.
వృషభం (కృత్తిక 2,3,4, రోహిణి, మృగశిర 1,2): వృత్తి, ఉద్యోగాల్లో శ్రమ, ఒత్తిడి ఎక్కువగానే ఉన్నప్పటికీ, గుర్తింపు, ప్రోత్సాహం లభిస్తాయి. వ్యాపారాలు లాభసాటిగా, ఆశాజనకంగా సాగిపోతాయి. మంచి పరిచయాలు ఏర్పడతాయి. ఇంటా బయటా గౌరవమర్యాదలు పెరుగుతాయి. మీ సలహాలు, సూచనలకు విలువ ఏర్పడుతుంది. ప్రముఖుల్లో ఆశించిన గుర్తింపు లభిస్తుంది. నిరుద్యోగులకు మంచి కంపెనీల నుంచి ఉద్యోగావకాశాలు అందివస్తాయి. మిత్రులతో విందులో పాల్గొంటారు. పిల్లల విషయంలో శుభవార్తలు వింటారు.
మిథునం (మృగశిర 3,4, ఆర్ద్ర, పునర్వసు 1,2,3): సమయం అన్నివిధాలుగానూ అనుకూలంగా ఉంది. వ్యక్తిగత, ఆర్థిక సమస్యలు చాలావరకు పరిష్కారం అవుతాయి. వృత్తి, వ్యాపారాల్లో సొంత నిర్ణయాలు కలిసి వస్తాయి. ఆర్థిక ప్రయత్నాలన్నీ సఫలం అవుతాయి. అనేక మార్గాలలో ఆదాయం పెరిగే సూచనలున్నాయి. ఉద్యోగంలో బాధ్య తలను సమర్థవంతంగా నిర్వర్తిస్తారు. చేపట్టిన పనులు ఉత్సాహంగా ముందుకు సాగుతాయి. ఆరోగ్య సమస్యల నుంచి చాలావరకు బయటపడతారు. కుటుంబ సమస్యలు కొలిక్కి వస్తాయి.
కర్కాటకం (పునర్వసు 4, పుష్యమి, ఆశ్లేష): వృత్తి, ఉద్యోగాల్లో ఆదాయం బాగా పెరుగుతుంది. వ్యాపారాల్లో లాభాలు నిలకడగా ఉంటాయి. అద నపు ఆదాయ మార్గాలు విస్తరించే అవకాశం ఉంది. ఆదాయానికి, ఆరోగ్యానికి ఇబ్బందేమీ ఉండకపోవచ్చు. ఆర్థిక విషయాల్లో సరైన నిర్ణయాలు తీసుకుంటారు. కొత్త ప్రయత్నాలకు అవరోధాలు తొలగుతాయి. అనుకున్న వ్యవహారాలు అనుకున్నట్టు పూర్తవుతాయి. దాంపత్య జీవితం చాలా వరకు ప్రశాంతంగా సాగిపోతుంది. కుటుంబసమేతంగా ఇష్టమైన దేవాలయాలను సందర్శిస్తారు.
సింహం (మఖ, పుబ్బ, ఉత్తర 1): ఉద్యోగంలో అధికారులు ఎక్కువగా ఉపయోగించుకోవడం జరుగుతుంది. వృత్తి, వ్యాపారాలు నిలకడగా ముందుకు సాగుతాయి. ముఖ్యమైన వ్యవహారాలు వేగంగా పూర్తవుతాయి. కుటుంబ పెద్దల ఆరోగ్యం విషయంలో కాస్తంత జాగ్రత్తగా ఉండడం మంచిది. ఆర్థిక విషయాల్లో అప్రమత్తంగా ఉండాల్సిన అవసరం ఉంది. బంధుమిత్రుల వల్ల కొన్ని ముఖ్యమైన వ్యవహారాలు సానుకూలపడతాయి. ఉద్యోగ, పెళ్లి సత్ఫలితాలనిస్తాయి. రావలసిన డబ్బు కొద్ది ప్రయత్నంతో చేతికి అందుతుంది.
కన్య (ఉత్తర 2,3,4, హస్త, చిత్త 1,2): ఉద్యోగంలో అధికారుల నుంచి ఆదరణ ఉంటుంది. వృత్తి జీవితంలో డిమాండ్ పెరుగుతుంది. వ్యాపారాల్లో బాగా బిజీ అయిపోతారు. ఆశించిన స్థాయిలో ఆదాయంలో వృద్ధి చెందుతుంది. అన వసర ఖర్చుల్ని తగ్గించుకోవడం మంచిది. మితిమీరిన ఔదార్యంతో ఇతరులకు భారీగా సహాయం చేయడం జరుగుతుంది. వ్యాపారాల్లో కొత్త ఆలోచనలు అమలు చేసి మంచి ఫలితాలు సాధిస్తారు. కొందరు మిత్రుల వల్ల ఇరకాట పరిస్థితులు తలెత్తవచ్చు. సోదరులతో సఖ్యత బాగాపెరుగుతుంది.
తుల (చిత్త 3,4, స్వాతి, విశాఖ 1,2,3): రోజంతా సానుకూలంగా సాగిపోతుంది. ఆర్థిక పరిస్థితి అనుకూలంగా ముందుకు సాగుతుంది. కొన్ని ఊహించని పరిణామాలు చోటు చేసుకుంటాయి. సానుకూల దృక్పథంతో వ్యవహరించడం మంచిది. ఆదాయం నిలకడగా ఉంటుంది కానీ, దైవ కార్యాల మీద ఎక్కువగా ఖర్చు చేస్తారు. ఇంటా బయటా గౌరవ మర్యాదలు పెరుగుతాయి. పిల్లల చదువుల మీద మరింతగా శ్రద్ధ పెట్టడం మంచిది. వృత్తి, వ్యాపారాల్లో డిమాండ్ పెరుగుతుంది. ఉద్యోగంలో ఆదరణ బాగా పెరుగుతుంది.
వృశ్చికం (విశాఖ 4, అనూరాధ, జ్యేష్ట): వృత్తి, ఉద్యోగాలలో అధికారులను, సహోద్యోగులను పని తీరుతో ఆకట్టుకుంటారు. వ్యాపారాల్లో రాబడి కొద్దిగా పెరుగుతుంది. అనుకున్న పనులు అనుకున్నట్టు పూర్తవుతాయి. ఆర్థిక ప్రయత్నాలు అనుకూల ఫలితాలనిస్తాయి. ఇష్టమైన వ్యక్తులను కలుసుకుంటారు. మిత్రులతో విందు వినోదాల్లో పాల్గొంటారు. సమాజంలో ప్రత్యేకమైన గుర్తింపు లభిస్తుంది. జీవిత భాగస్వామితో కలిసి వస్త్రాభరణాలు కొనుగోలు చేస్తారు. కుటుంబ సభ్యులతో కలిసి విహార యాత్ర చేసే అవకాశం ఉంది.
ధనుస్సు (మూల, పూర్వాషాఢ, ఉత్తరాషాఢ 1): ఉద్యోగంలో ప్రాధాన్యం బాగా పెరుగుతుంది. అధికారుల నుంచి ఆశించిన ప్రోత్సాహకాలు లభిస్తాయి. వృత్తి, వ్యాపారాలు లాభదాయకంగా ముందుకు సాగుతాయి. ఇతరుల విషయాలకు వీలైనంత దూరంగా ఉండడం మంచిది. కుటుంబ పెద్దల ఆరోగ్యం కొద్దిగా ఆందోళన కలిగిస్తుంది. మిత్రులతో సరదాగా గడుపుతారు. అనుకున్న సమయానికి అనుకున్న విధంగా పనులు పూర్తవుతాయి. ఇంటా బయటా ఒత్తిడి ఉంటుంది. ముఖ్యమైన ప్రయత్నాలను పట్టుదలగా కొనసాగిస్తారు.
మకరం (ఉత్తరాషాఢ 2,3,4, శ్రవణం, ధనిష్ట 1,2): వృత్తి, ఉద్యోగాలు చాలావరకు అనుకూలంగా సాగిపోతాయి. ఆదాయం పెరుగుతుంది కానీ, అనవసర ఖర్చులతో కొద్దిగా ఇబ్బంది తప్పకపోవచ్చు. బంధుమిత్రులతో సరదాగా కాలక్షేపం చేస్తారు. పిల్లల చదువుల విషయంలో ఎక్కువగా శ్రద్ధ తీసుకుంటారు. ఆర్థిక సమస్యలు, ఒత్తిడి నుంచి కొద్దిగా విముక్తి లభిస్తుంది. పెద్దల జోక్యంతో ఆస్తి వివాదం ఒకటి పరిష్కారం అవుతుంది. ఆహార, విహారాల్లో కొద్దిగా జాగ్రత్తగా ఉండడం మంచిది. మిత్రుల వల్ల డబ్బు నష్టపోయే అవకాశం ఉంది.
కుంభం (ధనిష్ట 3,4, శతభిషం, పూర్వాభాద్ర 1,2,3): వృత్తి, ఉద్యోగాలు చాలావరకు సానుకూలంగా సాగిపోతాయి. అధికారుల నుంచి ప్రోత్సాహం, ఆద రణ లభిస్తాయి. వ్యాపారాల్లో కొన్ని కీలక నిర్ణయాలు అమలు చేస్తారు. ముఖ్యమైన పనుల్ని, వ్యవహారాల్ని కొద్ది శ్రమతో పూర్తి చేస్తారు. సోదరులతో ఆస్తి వివాదం పరిష్కార దిశగా సాగుతుంది. నిరుద్యోగులకు మంచి ఆఫర్లు వస్తాయి. పెళ్లి ప్రయత్నాలు సఫలమయ్యే అవకాశం ఉంది. ఉద్యోగం మారడానికి చేసే ప్రయత్నాలు ఫలించకపోవచ్చు. కుటుంబ జీవితం హ్యాపీగా సాగిపోతుంది.
మీనం (పూర్వాభాద్ర 4, ఉత్తరాభాద్ర, రేవతి): వృత్తి, ఉద్యోగాలలో మీ సమర్థత బాగా వెలుగులోకి వస్తుంది. వ్యాపారాలు ఉత్సాహంగా సాగిపోతాయి. బాకీలు, బకాయిలు వసూలవుతాయి. పెళ్లి ప్రయత్నాల్లో బంధువుల నుంచి శుభ వార్తలు వింటారు. ఆర్థిక ప్రయత్నాలు పూర్తి స్థాయిలో అనుకూల ఫలితాలనిస్తాయి. సమాజంలో పేరు ప్రఖ్యాతులు పెరగడం, మంచి గుర్తింపు లభించడం వంటివి జరుగుతాయి. నిరుద్యోగుల ప్రయత్నాలు ఒక కొలిక్కి వస్తాయి. కుటుంబ జీవితం సాఫీగా సాగిపోతుంది. పిల్లలు పురోగతి సాధిస్తారు.
