Rashi Phalalu: వారు అనూహ్యంగా శుభవార్తలు వింటారు.. 12 రాశుల వారికి రాశిఫలాలు
Horoscope Today (December 03, 2025): మేష రాశి వారికి ఆదాయం బాగా వృద్ధి చెందుతుంది. ఎటువంటి ప్రయత్నం తలపెట్టినా కలిసి వస్తుంది. వృషభ రాశి వారికి వ్యక్తిగత సమస్య ఒకటి పరిష్కారం అవుతుంది. మనసులోని కోరిక నెరవేరుతుంది. మిథున రాశి వారికి ఉద్యోగ ప్రయత్నాలు సఫలం అవుతాయి. ప్రయాణాల్లో ఆశించిన ఫలితాలను సాధిస్తారు. మేష రాశి మొదలు మీన రాశి వరకు 12 రాశుల వారికి బుధవారంనాటి రాశిఫలాలు ఎలా ఉన్నాయంటే..?
Updated on: Dec 03, 2025 | 5:31 AM
దిన ఫలాలు (డిసెంబర్ 3, 2025): మేషం (అశ్విని, భరణి, కృత్తిక 1): వృత్తి, ఉద్యోగాలు చాలావరకు ఉత్సాహంగా, ప్రోత్సాహకరంగా సాగిపోతాయి. హోదా పెరిగే అవకాశం కూడా ఉంది. వ్యాపారాలు లాభసాటిగా సాగిపోతాయి. ఆర్థిక, ఆస్తి విషయాల్లో మీ సరికొత్త నిర్ణయాలు సత్ఫలితాలనిస్తాయి. ఎటువంటి ప్రయత్నం తలపెట్టినా కలిసి వస్తుంది. కుటుంబ వ్యవహారాలు చాలా వరకు చక్కబడతాయి. వ్యక్తిగత విషయాల్లో ఆలోచించి నిర్ణయాలు తీసుకోవడం మంచిది. ఇంటా బయటా గౌరవమర్యాదలు పెరుగుతాయి. ఆదాయం బాగా వృద్ధి చెందుతుంది.
వృషభం (కృత్తిక 2,3,4, రోహిణి, మృగశిర 1,2): వృత్తి, ఉద్యోగాల్లో మీ ప్రాధాన్యం, ప్రాభవం బాగా పెరుగుతాయి. వ్యాపారాల్లో లాభాలకు లోటు ఉండకపోవచ్చు. వ్యక్తిగత సమస్య ఒకటి పరిష్కారం అవుతుంది. మనసులోని కోరిక నెరవేరుతుంది. సమాజంలో పెద్దలతో పరిచయాలు ఏర్పడతాయి. వివాహ, ఉద్యోగ ప్రయత్నాల్లో ఒకటి రెండు శుభవార్తలు వింటారు. ఆస్తి వివాదం ఒకటి కొద్దిగా నిరుత్సాహం కలిగించే అవకాశం ఉంది. సోదరులతో వివాదం సమసిపోతుంది. కుటుంబ జీవితంలో ప్రశాంత పరిస్థితులు నెలకొంటాయి.
మిథునం (మృగశిర 3,4, ఆర్ద్ర, పునర్వసు 1,2,3): ఉద్యోగంలో బాధ్యతలు మారడం వల్ల ఒత్తిడి బాగా తగ్గిపోతుంది. వృత్తి, వ్యాపారాలు లాభాల బాట పడతాయి. చేపట్టిన పనులు విజయవంతంగా పూర్తవుతాయి. ఉద్యోగ ప్రయత్నాలు సఫలం అవుతాయి. ప్రయాణాల్లో ఆశించిన ఫలితాలను సాధిస్తారు. కొత్త వ్యక్తులు పరిచయం అవుతారు. బంధువుల నుంచి శుభకార్యాలకు ఆహ్వానాలు అందుతాయి. ఉద్యోగం మారడానికి చేస్తున్న ప్రయత్నాలకు సానుకూల స్పందన లభిస్తుంది. ఆహార, విహారాల్లో జాగ్రత్తగా ఉండడం మంచిది.
కర్కాటకం (పునర్వసు 4, పుష్యమి, ఆశ్లేష): ఆదాయం, ఆరోగ్యం నిలకడగా ఉంటాయి. కుటుంబ ఖర్చులు బాగా పెరిగే అవకాశం ఉంది. ముఖ్యమైన పనులు, వ్యవహారాలు సకాలంలో పూర్తవుతాయి. జీవిత భాగస్వామితో కలిసి దైవ కార్యాల్లో పాల్గొంటారు. వృత్తి, వ్యాపారాల్లో ఊహించని విధంగా రాబడి పెరుగుతుంది. ఉద్యోగంలో అధికారులతో సమస్యలు ఎదురయ్యే అవకాశం ఉంది. ఉద్యోగ ప్రయత్నాలు ఒక కొలిక్కి వస్తాయి. కుటుంబ సభ్యుల నుంచి కొద్దిగా ఒత్తిడి ఉండవచ్చు. పిల్లల నుంచి శుభవార్తలు వినడం జరుగుతుంది.
సింహం (మఖ, పుబ్బ, ఉత్తర 1): ఉద్యోగ జీవితం సాఫీగా, ప్రశాంతంగా సాగిపోతుంది. వృత్తి జీవితంలో డిమాండ్ పెరుగుతుంది. కొత్త అవకాశాలు అంది వస్తాయి. వ్యాపారాలు నిలకడగా పురోగతి చెందుతాయి. ఆదాయం నిలకడగా సాగిపోతుంది కానీ, చేతిలో డబ్బు మిగిలే అవకాశం ఉండదు. ఒకరిద్దరు బంధుమిత్రులకు ఆర్థికంగా సహాయం చేయడం జరుగుతుంది. సొంత పనుల మీద ఎక్కువగా శ్రద్ధ పెట్టడం మంచిది. ఆర్థిక వ్యవహారాల్లో సన్నిహితుల వల్ల నష్టపోయే సూచనలున్నాయి. ఆరోగ్యం బాగానే ఉంటుంది.
కన్య (ఉత్తర 2,3,4, హస్త, చిత్త 1,2): ఉద్యోగంలో పదోన్నతికి అవకాశం ఉంది. సహచరుల నుంచి సహాయ సహకారాలు అందుతాయి. వృత్తి, వ్యాపారాలు లాభసాటిగా ముందుకు సాగుతాయి. సోదర వర్గంతో ఆస్తి వివాదం పరిష్కారం అయ్యే సూచనలున్నాయి. ఉద్యోగం మారడానికి అవకాశం ఉంది. అనుకున్న పనులు అనుకున్నట్టు పూర్తవుతాయి. ఆర్థిక పరిస్థితి చాలావరకు అనుకూలంగా ఉంటుంది. కొత్త నిర్ణయాలకు, కొత్త కార్యక్రమాలకు సమయం అనుకూలంగా ఉంది. పిల్లల నుంచి ఆశించిన శుభవార్తలు వింటారు.
తుల (చిత్త 3,4, స్వాతి, విశాఖ 1,2,3): ఉద్యోగంలో మీ పని తీరు అధికారులకు బాగా నచ్చుతుంది. వృత్తి, వ్యాపారాలు నల్లేరు మీద బండిలా సాగిపోతాయి. ఉద్యోగం మారడానికి చేసే ప్రయత్నాలు ఫలిస్తాయి. ప్రభుత్వ ఉద్యోగులకు సమయం బాగా అనుకూలంగా ఉంది. ఆదాయం బాగా వృద్ధి చెందుతుంది. పిల్లల నుంచి శుభ వార్తలు వింటారు. ఉద్యోగ, పెళ్లి ప్రయత్నాలకు తప్పకుండా సానుకూల స్పందన లభిస్తుంది. బంధువుల్లో మీ మాటకు, చేతకు విలువ పెరుగుతుంది. ముఖ్యమైన వ్యవహారాలు పూర్తవుతాయి.
వృశ్చికం (విశాఖ 4, అనూరాధ, జ్యేష్ట): ఉద్యోగంలో సహచరుల నుంచి ఆశించిన సహాయ సహకారాలు లభిస్తాయి. వృత్తి, వ్యాపారాలు నిలకడగా ముందుకు సాగుతాయి. ఆర్థిక వ్యవహారాలు ఉత్సాహంగా సాగిపోతాయి. ప్రారంభించిన పనులు సంతృప్తికరంగా పూర్తవుతాయి. ప్రయాణాల వల్ల ఆశించిన ప్రయోజనాలు సిద్ధిస్తాయి. కుటుంబ సభ్యులతో తొందరపడి మాట్లాడడం మంచిది కాదు. స్వల్ప అనారోగ్య సమస్యలు బాధిస్తాయి. కుటుంబ జీవితం సాఫీగా, హ్యాపీగా సాగిపోతుంది. అనుకోకుండా శుభవార్తలు వింటారు.
ధనుస్సు (మూల, పూర్వాషాఢ, ఉత్తరాషాఢ 1): వృత్తి, ఉద్యోగాల్లో మీ సమర్థతను నిరూపించుకుంటారు. వ్యాపారాలు లాభసాటిగా ముందుకు సాగుతాయి. చేపట్టిన పనులు అవరోధాలు లేకుండా పూర్తవుతాయి. ఇంటా బయటా ఒత్తిడి ఉన్నప్పటికీ, లక్ష్యాలు, బాధ్యతలను సంతృప్తికరంగా నిర్వర్తించగలుగుతారు. ఆధ్యాత్మిక వ్యవహారాలపై దృష్టి సారిస్తారు. ప్రస్తుతానికి ప్రయాణాలను వాయిదా వేయడం మంచిది. నిరుద్యోగులకు సమ యం అనుకూలంగా ఉంది. అదనపు ఆర్థిక ప్రయత్నాలు బాగా ఫలిస్తాయి. ఆరోగ్యం పరవాలేదు.
మకరం (ఉత్తరాషాఢ 2,3,4, శ్రవణం, ధనిష్ట 1,2): ఉద్యోగంలో మీ పని తీరుకు అధికారుల నుంచి ప్రోత్సాహం లభిస్తుంది. వృత్తి, వ్యాపారాల్లో ఆశించిన పురోగతి సాధిస్తారు. ముఖ్యమైన వ్యవహారాలను పూర్తి చేయడంలో స్నేహితుల సహాయం లభిస్తుంది. కుటుంబ సభ్యులతో విహార యాత్రకు వెడతారు. ఆర్థిక వ్యవహారాల్లో కొత్త ఆలోచనలు, కొత్త నిర్ణయాలతో ముందుకు వెడతారు. ఆదాయానికి లోటుండకపోవచ్చు. స్వల్ప అనారోగ్యానికి అవకాశం ఉంది. ఆహార, విహారాల్లోనే కాక, ప్రయాణాల్లో కూడా జాగ్రత్తలు పాటించడం మంచిది.
కుంభం (ధనిష్ట 3,4, శతభిషం, పూర్వాభాద్ర 1,2,3): ఉద్యోగంలో ప్రత్యేక గుర్తింపు లభిస్తుంది. ప్రాధాన్యం పెరుగుతుంది. వృత్తి, వ్యాపారాలపై శ్రద్ధ పెంచాల్సిన అవసరం ఉంది. కొత్త ఉద్యోగ ప్రయత్నాల్లో శుభవార్త అందుతుంది. వివాహ ప్రయత్నాలు సానుకూలపడతాయి. అనవసర పరిచయాలకు దూరంగా ఉండడం మంచిది. ఆదాయ ప్రయత్నాలు ఫలించి అవసరాలు తీరుతాయి. ముఖ్యమైన వ్యవహారాలు విజయవంతంగా పూర్తవు తాయి. సామాజిక సేవా కార్యక్రమాల్లో పాల్గొనడం జరుగుతుంది. ఆరోగ్యం బాగా అనుకూలిస్తుంది.
మీనం (పూర్వాభాద్ర 4, ఉత్తరాభాద్ర, రేవతి): ఉద్యోగంలో బరువు బాధ్యతలు పెరుగుతాయి. ఆస్తికి సంబంధించిన క్రయ విక్రయాల్లో లాభాలు పొందడానికి అవకాశం ఉంది. కుటుంబ సభ్యుల ద్వారా ఆకస్మిక ధన ప్రాప్తి సూచనలున్నాయి. ప్రముఖులతో పరిచయాలు ఏర్పడతాయి. చేపట్టిన పనులు సంతృప్తికరంగా పూర్తవుతాయి. వృత్తి, వ్యాపారాలు బాగా లాభసాటిగా సాగిపోతాయి. నిరుద్యోగులకు కొత్త అవకాశాలు కలిసి వస్తాయి. వ్యక్తిగత సమస్య పరిష్కారం అవుతుంది. ఆరోగ్యం పరవాలేదు. ప్రయాణాలు లాభిస్తాయి.
