Astrology Tips For Marriage: పెళ్లి ఆలస్యం అవుతుందా.. జ్యోతిష్యం ప్రకారం కారణాలు, నివారణ చర్యలు తెలుసుకోండి..
కొన్ని అనుకోని పరిస్థితుల్లో పెళ్లి ఆలస్యమైతే ఎన్నో సమస్యలు ఎదుర్కోవాల్సి వస్తుంది. వివాహానికి నిరంతర ఆటంకాలు రావడానికి జ్యోతిషశాస్త్రంలో అనేక కారణాలు చెప్పబడ్డాయి. అంతేకాదు వివాహం జరగడానికి కూడా అనేక చర్యలను సూచించారు.
Updated on: Dec 05, 2022 | 7:18 AM
సనాతన హిందూ ధర్మంలో పదహారు మతకర్మలలో ఒకటి వివాహ మతకర్మ. వివాహంతో యువతీయువకులు గృహస్థ జీవితంలోకి ప్రవేశిస్తారు. ఈ నేపథ్యంలో తమ పిల్లలకు యుక్త వయసు రాగానే పెళ్లి చేయాలనే ఆసక్తి, ఆత్రుత తల్లిదండ్రులకు అధికంగా ఉంటుంది. తమ పరిచయస్తులు, స్నేహితులు, బంధువులు, జ్యోతిష్యులు వంటి వారికీ తమ పిల్లలకు తగిన వధువు లేదా వరుడి కోసం అన్వేషణ చేయమని కోరతారు. అయితే కొన్ని సార్లు ఎన్ని ప్రయత్నాలు చేసినా రకరకాల కారణాలతో పెళ్ళికి జాప్యం జరుగుతుంది. సరైన వయసులో పెళ్లి చేసుకోవాలనే తపన ప్రతి యువతీ యువకుల్లో ఉంటుంది. అయితే కొన్ని అనుకోని పరిస్థితుల్లో పెళ్లి ఆలస్యమైతే ఎన్నో సమస్యలు ఎదుర్కోవాల్సి వస్తుంది. వివాహానికి నిరంతర ఆటంకాలు రావడానికి జ్యోతిషశాస్త్రంలో అనేక కారణాలు చెప్పబడ్డాయి. అంతేకాదు వివాహం జరగడానికి కూడా అనేక చర్యలను సూచించారు.
జ్యోతిష్య శాస్త్రం ప్రకారం, జాతకంలో ఉన్న కుజ దోషం, గురు, శుక్ర గ్రహాలు దృష్టి అశుభంగా ఉన్నా వివాహం ఆలస్యం అవుతుందని చెబుతారు. అంతేకాదు ఒకొక్కసారి.. అబ్బాయి, అమ్మాయి జాతకంలో అనేక రకాల దోషాలు ఉంటాయి. దీంతో వివాహంలో జాప్యం లేదా అడ్డంకులు ఏర్పడతాయి. వివాహం ఆలస్యం కావడానికి కారణం ఏమిటి ? వివాహం సరైన సమయంలో జరగడానికి సులభమైన పరిష్కారాలు ఏమిటో తెలుసుకుందాం.
వివాహంలో ఆలస్యం లేదా ఆటంకాలు: జ్యోతిష్యం లెక్కల ప్రకారం, ఒక వ్యక్తి వివాహం ఆలస్యం కావడం వెనుక అనేక జ్యోతిష్య కారణాలు ఉన్నాయి.
కుజ దోషం: వేద జ్యోతిషశాస్త్రం ప్రకారం, ఒక వ్యక్తి జాతకంలో కుజ దోషం ఉంటే వివాహానికి అడ్డంకులు ఏర్పడతాయి. యువతీ, యువకుల్లో కుజ దోషం ఉంటే.. వారు కుజ దోషం ఉన్న వ్యక్తులను మాత్రమే వివాహం చేసుకోవాలి. ఎందుకంటే ఇలా చేయడం ద్వారా.. ఆ వ్యక్తులపై ఉన్న కుజ దోష ప్రభావం తగ్గిపోతుంది. వివాహం తర్వాత, సంతోషకరమైన వైవాహిక జీవితాన్ని గడుపుతారు.
జాతకంలో సప్తమేశుడి బలహీనత : జాతకంలో ఏడవ స్థానం వివాహం స్థానంగా పరిగణించబడుతుంది. ఒక వ్యక్తి ఏడవ స్థానం బలహీనంగా ఉంటే లేదా బలహీనమైన రాశిలో అది నివాసం ఏర్పరచుకుంటే ఆ వ్యక్తి జాతకంలో ఏడవ స్థానం బలహీనంగా మారుతుంది. దీంతో ఆ వ్యక్తుల పెళ్లిళ్లలో ఇబ్బందులు ఏర్పాతాయి. జాప్యం జరుగుతోంది.
జాతకంలో గురువు బలహీనత: జ్యోతిషశాస్త్రంలో దేవగురువు బృహస్పతి వివాహం, వైవాహిక జీవితంలో సంతోషానికి కారకంగా పరిగణించబడుతున్నారు. అటువంటి పరిస్థితిలో.. బృహస్పతి గ్రహం ఒక వ్యక్తి జాతకంలో వ్యతిరేక గ్రహాంలో ఉన్నా.. లేదా మకరరాశిలో ఉంటే.. ఆ వ్యక్తి వివాహంలో జాప్యం జరుగుతుంది.
జాతకంలో శుక్ర గ్రహం బలహీనతతో ఉంటే: శుక్ర గ్రహం ఆనందం, అందానికి కారకంగా పరిగణించబడుతుంది. పురుషునికి శుక్రుడు స్త్రీకి కారకునిగా, స్త్రీ జాతకంలో గురుడు భర్తకు కారకుడిగా పరిగణించబడతాడు. స్థానిక జాతకంలో శుక్రుడు బలహీనమైన లేదా బలహీనమైన స్థానంలో ఉన్నట్లయితే.. ఆ వ్యక్తులు వివాహంలో నిరంతరం అడ్డంకులను ఎదుర్కోవలసి ఉంటుంది.
నవాంశ కుండలిలో దోషాలు: స్థానికుల నవాంశ కుండలిలో దోషం ఉంటే వివాహానికి ఆటంకాలు ఎదురవుతాయి.
ఇతర కారణాలు: జాతకంలో పితృదోషం. జాతకచక్రంలోని ఏడవ ఇంట్లో గ్రహాల కలయిక. ఏడవ ఇంటికి అధిపతి బలహీనమైన గ్రహంతో ఉన్నా అంగారకుడు, సూర్యుడు, బుధుడు, బృహస్పతి లగ్నంలో పన్నెండవ ఇంట్లో ఉండటం వలన వివాహంలో జాప్యం కలుగుతుంది.
ముందస్తు వివాహానికి కొన్ని పరిష్కారాలు: ఎవరికైనా కుజ దోషం ఉన్నట్లయితే ప్రతి మంగళవారం శ్రీ మంగళ చండికా స్త్రోత్రాన్ని పఠించండి. రావి చెట్టుకు నీరు అందించండి. మంగళవారం నాడు హనుమంతుడిని పూజించి హనుమంతునికి పచ్చిమిర్చి సమర్పించి బెల్లం, శనగలు సమర్పించండి. గురువారం ఉపవాసం ఉండి అరటి చెట్టును పూజించండి.
మరిన్ని ఆధ్యాత్మిక వార్తల కోసం ఇక్కడ క్లిక్ చేయండి..
