Pawan Kalyan: జనసైనికుడికి పవన్‌ కళ్యాణ్‌ గిఫ్ట్‌.. ప్రజల సమస్యలు తెలుసుకోవడానికి కార్యకర్త వినూత్న కార్యక్రమం

రాజకీయాల్లో మార్పులు రావాలంటూ పవన్ కళ్యాణ్ జనసేన పార్టీని స్థాపించి .. జీరో బడ్జెట్ పాలసీతో ప్రజలకు రాజకీయాలను చేరువ చేయాలనే లక్ష్యంతో ముందుకు వెళ్తున్నారు. రానున్న ఎన్నికలపై పూర్తి స్తాయిలో దృష్టి పెట్టిన జనసేన అధినేత పవన్ కళ్యాణ్ ప్రజల మధ్య ప్రజల కోసం ప్రజల సమస్యలపై తనదైన శైలిలో పోటాడుతున్నారు. తమ అధినేత పిలుపు మేరకు జనసేన నేతలు, కార్యకర్తలు పవన్ బాటలో నడుస్తూ.. ప్రజల సమస్యల పరిష్కారం కోసం తమ వంతు కృషి చేస్తున్నారు. జనసేనాని పిలుపుతో ప్రజా సమస్యల పరిష్కారమే లక్ష్యంగా జనసేన కార్యకర్తలు దూసుకుపోతున్నారు. ఈ క్రమంలో ఓ కార్యకర్త వినూత్న కార్యక్రమానికి శ్రీకారం చుట్టారు. అతని ఆలోచనకు మెచ్చిన జనసేనాని అతనికి బహుమతి ఇచ్చి ప్రోత్సహించారు.

పల్నాడు జిల్లాకు చెందిన బాలాజీ అనే జనసైనికుడిని పార్టీ అధినేత పవన్ కల్యాణ్ అభినందించారు. జనవాణి-జనసేన భరోసా కార్యక్రమం స్ఫూర్తితో పల్నాడు ప్రాంత ప్రజల సమస్యలు తెలుసుకుని, ఆ సమస్యలను అధినేత దృష్టికి తీసుకురావాలని వినూత్న కార్యక్రమం చేపట్టారు బాలాజీ. ఈ నేపథ్యంలో తన బైక్ పై ‘పల్నాడు ప్రజా సమస్యల పెట్టె’ పేరుతో ఓ పెట్టెను ఏర్పాటు చేసుకుని, పల్నాడు ప్రాంతంలో గ్రామ గ్రామాన తిరుగుతూ, ప్రజాసమస్యలపై అర్జీలు స్వీకరిస్తున్నారు. వాటిని పవన్ కు అందజేసేందుకు సొంతంగా కార్యాచరణ అమలు చేయనున్నారు.

ఇవి కూడా చదవండి

Ainavilli Temple: వినాయకుడికి లక్ష పెన్నులతో అభిషేకం.. మూడు వారాల పాటు విద్యార్థులకు పంపిణీ..

ఉగ్రదుశ్చర్యలో భార్యాపిల్లలను కోల్పోయి సామజిక సేవ బాటపట్టిన డాక్టర్.. 30 ఏళ్లుగా కొన్ని లక్షల మంది జీవితాల్లో వెలుగులు నింపిన చంద్రశేఖర్

Pawan Kalyan: ఎస్సీ, ఎస్టీల సాధికారితకు జనసేన కట్టుబడి ఉందన్న జనసేనాని.. ప్రభుత్వం పబ్లిసిటీ కోసం 15 వేల కోట్లు ఖర్చు అంటూ మండిపాటు..

Visakha: ప్రియుడిపై మోజుతో.. ప్రేమ వ్యవహారంలో మందలించిన తండ్రిపై కూతురు కత్తితో దాడి.. బాలిక అరెస్ట్

‘జనవాణి – జనసేన భరోసా’ కార్యక్రమం స్ఫూర్తితో పల్నాడు ప్రాంత సమస్యలు తెలుసుకొని శ్రీ పవన్ కళ్యాణ్ గారి చెంతకు తీసుకొచ్చేందుకు వినూత్న కార్యక్రమం చేపట్టిన జన సైనికుడు శ్రీ బాలాజీని పార్టీ అధ్యక్షులు శ్రీ పవన్ కళ్యాణ్ గారు అభినందించారు. (1/3) pic.twitter.com/dTos2i67xj

— JanaSena Party (@JanaSenaParty) January 30, 2023

బాలాజీ ఆలోచనను మెచ్చుకున్న పవన్ కల్యాణ్‌…. బాలాజీకి ఓ మొబైల్ ఫోన్, ప్రోత్సాహక నగదు అందజేశారు. పవన్ ఆ కార్యకర్తతో ముచ్చటించి, అతడిలో ఉత్సాహం నింపారు. దీనికి సంబంధించిన వీడియోను జనసేన పార్టీ సోషల్ మీడియాలో పంచుకుంది.

మరిన్ని ఆంధ్రప్రదేశ్ వార్తల కోసం ఇక్కడ క్లిక్ చేయండి..