అమరావతి అభివృద్ధిలో కీలక ముందడుగు.. శాశ్వత అసెంబ్లీ, హైకోర్టు నిర్మాణాల కోసం CRDA టెండర్లు..

ఆంధ్రప్రదేశ్‌ రాజధాని అమరావతి అభివృద్ధికి సంబంధించి కీలకమైన శాశ్వత ప్రభుత్వ భవనాల నిర్మాణంపై రాష్ట్ర ప్రభుత్వం దృష్టి సారించింది. ముఖ్యంగా శాసనసభ, హైకోర్టు భవనాల నిర్మాణానికి సంబంధించి టెండర్ల ప్రక్రియ వేగవంతం చేయడానికి ఆంధ్రప్రదేశ్‌ రాజధాని ప్రాంత అభివృద్ధి సంస్థ (CRDA) చర్యలు చేపట్టింది.

Amaravati Ap Capital

Eswar Chennupalli | Edited By: Ravi Kiran|
Updated on: Mar 02, 2025 | 7:58 AM

ఆంధ్రప్రదేశ్‌ రాజధాని అమరావతి అభివృద్ధికి సంబంధించి కీలకమైన శాశ్వత ప్రభుత్వ భవనాల నిర్మాణంపై రాష్ట్ర ప్రభుత్వం దృష్టి సారించింది. ముఖ్యంగా శాసనసభ, హైకోర్టు భవనాల నిర్మాణానికి సంబంధించి టెండర్ల ప్రక్రియ వేగవంతం చేయడానికి ఆంధ్రప్రదేశ్‌ రాజధాని ప్రాంత అభివృద్ధి సంస్థ (CRDA) చర్యలు చేపట్టింది.

టెండర్ల ప్రక్రియ – కీలక సమయాలు

CRDA అసెంబ్లీ భవనం నిర్మాణానికి 768 కోట్ల రూపాయలు, హైకోర్టు భవనం నిర్మాణానికి 1,048 కోట్ల రూపాయలు అంచనా వేసి బిడ్లు ఆహ్వానించింది. టెండర్ల దాఖలు గడువును ఈ నెల 17వ తేదీ మధ్యాహ్నం 3 గంటల వరకు పెట్టింది. అలాగే సాంకేతిక బిడ్ సమర్పణకు అదే రోజు సాయంత్రం 4 గంటలకు గడువు పెట్టింది. ఇక ఫైనాన్షియల్ బిడ్ల పరిశీలనకు సాంకేతిక అర్హతలు పరిశీలించిన అనంతరం ఏజెన్సీల ఎంపిక ఉంటుందని చెప్పింది.