Blue Whale: సముద్ర తీరానికి కొట్టుకు వచ్చిన బ్లూ వేల్ డెడ్ బాడీ .. సెల్ఫీల కోసం ఎగబడిన జనం..
భారీ పరిమాణంతో చూడటానికి వింత జీవిలా ఉండటంతో ఈ నీలి తిమంగళంను చూసేందుకు పెద్ద సంఖ్యలో చుట్టూ పక్క గ్రామాల ప్రజలు తరలి వస్తున్నారు. నీలిరంగు తో ఆహ్లాదకరంగా కనిపించే సముద్రం అల్పపీడన ప్రభావంతో గత వారం రోజులుగా అల్లకల్లోలంగా ఉంది.
Updated on: Jul 28, 2023 | 6:23 AM
బంగాళా ఖాతంలో ఏర్పడిన అల్ప పీడన ప్రభావంతో కురుస్తోన్న భారీ వర్షాలకు జనాలు పండుటాకుల్లా వణికిపోతున్నారు. అటు సముద్రం జీవరాసులు సైతం అల్లాడిపోతున్నాయి. శ్రీకాకుళం జిల్లా సంతబొమ్మాళి మండలం లోని పాత మేఘవరం – డి.మరువాడ సముద్రతీరాల మద్యకు గురువారం సాయంత్రం భారీ నీలి తిమంగళం కొట్టుకువచ్చింది. చూడటానికి ఇది సుమారు 25 అడుగుల పొడవు,ఐదు టన్నులు బరువు ఉంది. ఇది మృతి చెంది ఉంది. ఈ నీలి తిమంగళంను బ్లూ వేల్ అంటారని మత్స్యకారులు చెబుతున్నారు. భారీ పరిమాణంతో చూడటానికి వింత జీవిలా ఉండటంతో ఈ నీలి తిమంగళంను చూసేందుకు పెద్ద సంఖ్యలో చుట్టూ పక్క గ్రామాల ప్రజలు తరలి వస్తున్నారు. నీలిరంగు తో ఆహ్లాదకరంగా కనిపించే సముద్రం అల్పపీడన ప్రభావంతో గత వారం రోజులుగా అల్లకల్లోలంగా ఉంది. సముద్రంలో కెరటాలు ఉవ్వెత్తున ఎగసి పడుతున్నాయి. ఈ క్రమంలోనే నిలి తిమింగలం చనిపోయి ఉంటుందని మత్స్యకారులు భావిస్తున్నారు.
మరిన్ని ఆంధ్రప్రదేశ్ వార్తల కోసం ఇక్కడ క్లిక్ చేయండి..
