AP Bandh: పలాసలో వైసీపీ నిరసన ర్యాలీలో అపశృతి.. అంటుకున్న మంటలు.. ఆస్పత్రికి తరలింపు

AP Bandh: ఏపీలో టీడీపీ కార్యకర్తల ఆందోళన కొనసాగుతోంది. నిన్న తెలుగుదేశం పార్టీ అధికార ప్రతినిధి పట్టాభి వ్యాఖ్యలపై వైసీపీ కార్యకర్తలు దాడులకు తెగబడ్డారు..

Subhash Goud |

Updated on: Oct 20, 2021 | 1:50 PM

AP Bandh: ఏపీలో టీడీపీ కార్యకర్తల ఆందోళన కొనసాగుతోంది. నిన్న తెలుగుదేశం పార్టీ అధికార ప్రతినిధి పట్టాభి వ్యాఖ్యలపై వైసీపీ కార్యకర్తలు దాడులకు తెగబడ్డారు. అయితే ఆ దాడులకు నిరసనగా ఈ రోజు టీడీపీ రాష్ట్ర వ్యాప్తంగా బంద్‌ ప్రకటించింది. ఇక వైసీపీ కూడా రాష్ట్ర వ్యాప్తంగా నిరసన వ్యక్తం చేస్తోంది. టీడీపీ చేపట్టిన బంద్‌కు నిరసనగా మాజీ ముఖ్యమంత్రి చంద్రబాబు నాయుడ, పట్టాభి దృష్టి బొమ్మలను దగ్ధం చేశారు వైసీపీ కార్యకర్తలు. ఈ దిష్టిబొమ్మల దగ్ధం కార్యక్రమంలో వైసీపీ కార్యకర్త బొంపల్లి శ్రీనివాస్ ఒంటికి మంటలు అంటుకున్నాయి. తీవ్రంగా గాయపడిన శ్రీనివాస్‌ను హుటాహుటిన చికిత్స నిమిత్తం ఆస్పత్రికి తరలించారు.

దాడులకు నిరసనగా రాష్ట్ర వ్యాప్తంగా టీడీపీ బంద్‌కు పిలుపునివ్వడంతో పోలీసులు అప్రమత్తమయ్యారు. ఎలాంటి ఆందోళనలు చేపట్టకుండా టీడీపీ నేతలు, కార్యకర్తలను ముందస్తుగా అదుపులోకి తీసుకుంటున్నారు పోలీసులు. రోడ్లపై నిరసనకు దిగుతున్న టీడీపీ కార్యకర్తలను పోలీసులు అదుపులోకి తీసుకుని స్టేషన్‌లకు తరలిస్తున్నారు. ఇక టీడీపీ కార్యకర్తల ఆందోళనకు ధీటుగా వైసీపీ కార్యకర్తలు కూడా నిరసనకు దిగారు. టీడీపీ నేతలు ఇష్టానుసారంగా వ్యవహరిస్తున్నారని నిరసనకు దిగారు వైసీపీ కార్యకర్తలు. ఈ నేపథ్యంలో రాష్ట్ర వ్యాప్తంగా అన్ని ప్రాంతాల్లో ర్యాలీలు చేపట్టారు. ఇందులో భాగంగా ఈ ప్రమాదం చోటు చేసుకుంది.