Viral Video: పశువుల పాకలో హడలెత్తిపోతున్న ఆవులు.. ఏంటా అని వెళ్లి చూడగా..

అనకాపల్లి జిల్లాలో భారీ గిరినాగు బుసలు కొట్టింది. ఒకటి కాదు రెండు కాదు ఏకంగా 12 అడుగుల కింగ్ కోబ్రా హడలెత్తించింది. మాడుగుల శివారులో భారీ కింగ్ కోబ్రా కలకలం సృష్టించింది. అర్జునరావు కల్లంలోని పశువుల పాకలో తన ఆవులను సంరక్షిస్తుండగా.. ఏవో శబ్దాలు వినిపించాయి. పైకి తొంగి చూసేసరికి.. కొట్టంలో భారీ గిరినాగు కనిపించింది. దీంతో గుండెలో పట్టుకుని పరుగులు తీశాడు రైతు.. అనంతరం ఈ విషయం గురించి అటవీ శాఖ అధికారులు, స్నేక్ క్యాచర్ వెంకటేష్ కు సమాచారం ఇచ్చాడు..

రంగంలోకి దిగిన.. వెంకటేష్.. పామును బంధించేందుకు సిద్ధమయ్యాడు. ఈ క్రమంలో భారీ గిరి నాగు పాక లోపల నుంచి హై స్పీడ్ గా కొమ్మలపై నుంచి చెట్టు పైకి వెళ్ళిపోయింది. భారీ గిరినాగు పాకుతుంటే ఒళ్ళు జల ధరించేలా అందరూ ఆందోళన చెందారు.

వీడియో చూడండి..

చివరకు రెండు గంటల పాటు శ్రమించి కింగ్ కోబ్రాను పట్టుకున్నారు. దీంతో అంతా ఊపిరి పీల్చుకున్నారు పట్టుకున్న కింగ్ కోబ్రా ను అడవుల్లో విడిచిపెట్టారు. ఇలాంటి పామును మునుపెన్నడూ చూడలేదని.. రైతు తెలిపాడు..