ఫేస్‌బుక్‌కు భారీ జరిమానా!

ఫేస్‌బుక్‌కు అమెరికా నియంత్రణ సంస్థ భారీ జరిమానా విధించింది. వినియోగదారుల వ్యక్తిగత భద్రత వైఫల్యాలపై దర్యాప్తును ఎదుర్కొంటున్న ఫేస్‌బుక్‌కు ఫెడరల్‌ ట్రేడ్‌ కమిషన్‌ భారీ స్థాయిలో జరిమానా విధించింది. దర్యాప్తు సెటిల్‌మెంట్‌లో భాగంగా ఫేస్‌బుక్‌ 5 బిలియన్‌ డాలర్లు(అంటే భారత కరెన్సీలో దాదాపు రూ. 34వేల కోట్లు) చెల్లించేందుకు ఫెడరల్‌ ట్రేడ్‌ కమిషన్‌ 32 ఓట్లతో అంగీకరించింది. ఈ మేరకు వాల్‌ స్ట్రీట్‌ జర్నల్‌ కథనం పేర్కొంది. అయితే ఇంత భారీ స్థాయిలో జరిమానా విధించడం ఇప్పుడే. […]

ఫేస్‌బుక్‌కు భారీ జరిమానా!
Facebook
TV9 Telugu Digital Desk

| Edited By:

Jul 13, 2019 | 6:22 PM

ఫేస్‌బుక్‌కు అమెరికా నియంత్రణ సంస్థ భారీ జరిమానా విధించింది. వినియోగదారుల వ్యక్తిగత భద్రత వైఫల్యాలపై దర్యాప్తును ఎదుర్కొంటున్న ఫేస్‌బుక్‌కు ఫెడరల్‌ ట్రేడ్‌ కమిషన్‌ భారీ స్థాయిలో జరిమానా విధించింది. దర్యాప్తు సెటిల్‌మెంట్‌లో భాగంగా ఫేస్‌బుక్‌ 5 బిలియన్‌ డాలర్లు(అంటే భారత కరెన్సీలో దాదాపు రూ. 34వేల కోట్లు) చెల్లించేందుకు ఫెడరల్‌ ట్రేడ్‌ కమిషన్‌ 32 ఓట్లతో అంగీకరించింది. ఈ మేరకు వాల్‌ స్ట్రీట్‌ జర్నల్‌ కథనం పేర్కొంది. అయితే ఇంత భారీ స్థాయిలో జరిమానా విధించడం ఇప్పుడే. కాగా ఈ సెటిల్‌మెంట్‌ను అమెరికా న్యాయశాఖ అంగీకరించాల్సి ఉంది.

ఫేస్‌బుక్‌పై గతంలోనూ భద్రతా వైఫల్యాల ఆరోపణలు వచ్చాయి. దీంతో 2011లో ఈ కంపెనీ ఫెడరల్‌ ట్రేడ్‌ కమిషన్‌తో సెటిల్‌మెంట్‌ చేసుకుంది. అయితే ఇటీవల కేంబ్రిడ్జ్‌ అనలిటికా వివాదంతో ఈ సోషల్‌మీడియా సంస్థపై పెద్ద ఎత్తున విమర్శలు వచ్చిన విషయం తెలిసిందే. దీంతో ఫెడరల్‌ ట్రేడ్‌ కమిషన్‌ గతేడాది ఫేస్‌బుక్‌పై ఉన్న కేసును మళ్లీ తెరిచింది. ఈ కేసు సెటిల్‌మెంట్‌లో భాగంగానే భారీ జరిమానా విధించింది. జరిమానాతో పాటు కొన్ని ఆంక్షలు కూడా విధించినట్లు తెలుస్తోంది.

లేటెస్ట్ న్యూస్ హైలెట్స్ చూడండి

Follow us on

Related Stories

Most Read Stories

Click on your DTH Provider to Add TV9 Telugu