కుబేరులకు కేరాఫ్‌ అడ్రస్‌..5 కోట్ల మందికి పైగా మిలియనీర్లు.. వ‌ర‌ల్డ్ రిచెస్ట్ సిటీ ఎక్కడుందంటే.
2000 సంవత్సరం నాటికి ప్రపంచంలోనే అత్యంత ధనిక నగరంగా పేరొందిన లండన్.. ప్రస్తుత జాబితాలో నాలుగో స్థానానికి పడిపోయింది. లండన్ తర్వాతి స్థానంలో సింగపూర్ నిలిచింది. చైనా రాజధాని బీజింగ్, షాంఘైలకూ ఈ జాబితాలో చోటు దక్కింది.
మీరు మల్టీ మిలియనీర్ల గురించి విన్నారా..? ఇది ప్రపంచంలోని ఒక నగరం గురించి వార్త. ఇక్కడ కేవలం లక్షాధికారులే 3 లక్షలకు పైగా నివసిస్తున్నారు. అది ఎక్కడో కాదు న్యూయార్క్ సిటీ. న్యూయార్క్ 2023లో అత్యధిక మిలియనీర్లతో ప్రపంచంలోనే అత్యంత సంపన్న నగరంగా అవతరించింది. గ్లోబల్ వెల్త్ ట్రాకర్ అయిన హెన్లీ & పార్ట్‌నర్స్ ప్రకారం ప్రపంచంలోనే అత్యంత ధనిక నగరంగా న్యూయార్క్ సిటీ మరోసారి నిలిచింది. ఈ మేరకు 2023 ఏడాదికి సంబంధించి ప్రపంచంలో అత్యంత సంపన్న నగరాల జాబితాను తాజాగా విడుదల చేసింది. ఈ లిస్ట్ లో న్యూయార్క్ మళ్లీ టాప్ లో నిలిచింది.
అమెరికాలోని న్యూయార్క్ లో ఏకంగా 3.40 లక్షల మంది మిలియనీర్లు ఉన్నారని తెలిపింది. వంద మిలియన్ డాలర్లకు పైబడి (సెంటి మిలియనీర్స్) ఆస్తులు ఉన్న వారి సంఖ్య 724 కాగా.. 58 మంది బిలియనీర్లు కూడా ఈ నగరంలో ఉంటున్నారని తెలిపింది. అమెరికాలోని నాలుగు సిటీలు న్యూయార్క్, శాన్ ఫ్రాన్సిస్కో, లాస్ ఏంజిలిస్, షికాగోలకు ఈ జాబితాలో చోటు దక్కింది.
ప్రపంచంలోని అత్యంత ధనిక నగరాల పేరుతో విడుదల చేసిన ఈ జాబితాలో మొత్తం 97 నగరాలకు చోటు దక్కింది. న్యూయార్క్ మొదటి స్థానంలో నిలవగా.. ఆ తర్వాతి స్థానంలో జపాన్ రాజధాని టోక్యో నిలిచింది. ఇక్కడ 2.90 లక్షల మంది మిలియనీర్లు నివసిస్తున్నారని హెన్లీ అండ్ పార్ట్ నర్స్ తన రిపోర్టులో పేర్కొంది. మూడో స్థానాన్ని శాన్ ఫ్రాన్సిస్కో దక్కించుకుంది. ఈ సిటీలో 2.85 లక్షల మంది మిలియనీర్లు ఉన్నారని తెలిపింది.
2000 సంవత్సరం నాటికి ప్రపంచంలోనే అత్యంత ధనిక నగరంగా పేరొందిన లండన్.. ప్రస్తుత జాబితాలో నాలుగో స్థానానికి పడిపోయింది. లండన్ తర్వాతి స్థానంలో సింగపూర్ నిలిచింది. చైనా రాజధాని బీజింగ్, షాంఘైలకూ ఈ జాబితాలో చోటు దక్కింది.
మరిన్ని అంతర్జాతీయ వార్తల కోసం..
