christmas wishes : జెరూసలెం హోలీ సెపల్కర్‌ చర్చి సంరక్షణ బాధ్యతలను నిర్వర్తిస్తున్న ముస్లిం కుటుంబం

జెరూసలెంలోని హోలీసెపల్కర్‌ చర్చికి ఓ విశిష్టత ఉంది.. ఈ ప్రార్థనామందిరం ప్రపంచంలోని క్రైస్తవులందరికీ ఎంతో ఎంతో పవిత్రం. అందుకు కారణం ఏసుక్రీస్తు సమాధి ఈ చర్చిలోనే భద్రపరిచారన్న నమ్మకం.

christmas wishes : జెరూసలెం హోలీ సెపల్కర్‌ చర్చి సంరక్షణ బాధ్యతలను నిర్వర్తిస్తున్న ముస్లిం కుటుంబం
Follow us

| Edited By: Ram Naramaneni

Updated on: Dec 24, 2020 | 1:21 PM

జెరూసలెంలోని హోలీసెపల్కర్‌ చర్చికి ఓ విశిష్టత ఉంది.. ఈ ప్రార్థనామందిరం ప్రపంచంలోని క్రైస్తవులందరికీ ఎంతో ఎంతో పవిత్రం. అందుకు కారణం ఏసుక్రీస్తు సమాధి ఈ చర్చిలోనే భద్రపరిచారన్న నమ్మకం. కొంతకాలం కిందట సమాధి ఉన్నట్లుగా భావిస్తున్న స్థలాన్ని పునరుద్ధరించారు కూడా! ఈ విషయం అలా ఉంచితే, ఈ చర్చి సంరక్షణా విధులను నిర్వర్తిస్తోంది ఓ ముస్లిం కుటుంబం. దాదాపు ఎనిమిది శతాబ్దాల నుంచి చర్చి సంరక్షణా బాధ్యతలను ఈ ముస్లిం కుటుంబమే చూస్తోంది. చర్చికున్న ప్రధాన ద్వారం తాళం చెవి ఈ ముస్లిం కుటుంబం దగ్గరే ఉంటుంది. ప్రస్తుతం ఆ ఫ్యామిలీలోని 80వ తరానికి చెందిన అదీబ్‌ జౌదే దగ్గర ఈ తాళం చెవి ఉంది. ప్రతి రోజూ చర్చి తలుపులు తెరవడం ఈయన విధి! అలాగే తలుపులు మూసి తాళం వేయడం కూడా ఈయన డ్యూటీనే! ఏరోజూ వీళ్లు తమ బాధ్యతలను విస్మరించలేదు. కొన్ని వందల ఏళ్ల కిందట ఈ చర్చి నిర్వాహణ క్రైస్తువుల చేతుల్లోనే ఉండేది. కాకపోతే క్రైస్తవులలో ఆర్మేనియన్‌, గ్రీక్‌, ఫ్రాన్సిస్కాన్‌లు ఉండేవారు. ఇలాగైతే లాభం లేదని చర్చి సంరక్షణ బాధ్యతలను తటస్థ వ్యక్తికి అప్పగిస్తే బాగుంటుందని అనుకున్నారు. వెంటనే ఎంతో ప్రజాభిమానం కలిగిన ఓ ముస్లిం పెద్దకు ఆ బాధ్యతలను అప్పగించారు. అప్పటి నుంచి చర్చి ప్రధాన ద్వారం తాళం చెవి ఈ ముస్లిం కుటుంబం దగ్గరే ఉంటూ వస్తోంది. ప్రస్తుతం రెండు ముస్లిం కుటుంబాలు చర్చి ఆలనా పాలనా చూస్తున్నాయి. అదన్నమాట సంగతి!