విరమిస్తాడా.. విరుచుకుపడతాడా..? పశ్చిమాసియాలో ట్రంపరేషాన్లు.. ప్రపంచానికి గుబులు..

చింత చచ్చినా బలుపు చావలేదు. ట్రంపులో ఆ యుద్ధకాంక్ష ఇంచయినా తగ్గినట్టు లేదు. నువ్వూ వద్దు, నీ పెత్తనమూ వద్దని అమెరికా మొత్తం ఎదురుతిరిగినా అధ్యక్షుల వారి దగ్గర ఆ బలుపు మాత్రం చావలేదు. మధ్యంతర ఎన్నికల్లో డెమొక్రాట్లు మెజారిటీ సీట్లు గెలిచి, రిపబ్లికన్లకు గుండుగీసి సున్నం బొట్లు పెట్టినా మోనార్క్‌ సారు ఇంకా మారుమనసు పొందినట్టు లేరు. మిస్టర్ వీటోనౌతా, అమెరికన్ కాంగ్రెస్‌లో మళ్లీ చెలరేగిపోతా, మీ పప్పులు ఉడకనిచ్చేదే లేదని మొన్నటిదాకా మాటలతో రెచ్చిపోయారు. ఇప్పుడు చేతల్లో చూపిస్తున్నారా?.. ఫిబ్రవరి ఆఖర్లో ఆపరేషన్ ఎపిక్ క్యూపీ పేరుతో దొంగదెబ్బతీసి, ఇరాన్ సుప్రీం ఖొమేనిని లేపేసినప్పటినుంచి, దాదాపుగా 300 రోజులుగా మండుతూనే ఉంది మధ్యప్రాచ్యం. రెండుతరాల నాయకత్వాన్ని కోల్పోయి, అన్నివిధాలా నష్టపోయి నెత్తురోడుతున్నా కత్తి దూస్తూనే ఉంది ఇరాన్. అమెరికాకు వత్తాసు పలికినందుకు గల్ఫ్ ఐతే భారీ మూల్యమే చెల్లించుకుంది. ఇప్పటికీ చెల్లించుకుంటోంది. చమురు సప్లయ్ చెయిన్ దెబ్బతిని, జియోపాలిటిక్స్ మారిపోయి, ఇరాన్‌ వార్‌తో 18 దేశాలు ప్రత్యక్షంగా, 60కి పైగా దేశాలు పరోక్షంగా చితికిపోతున్నాయి. ఎవ్వరూ వెనక్కు తగ్గక ఇప్పటికీ నివురుగప్పిన నిప్పులాగే ఉంది పశ్చిమాసియా. అమెరికా, ఇరాన్ మధ్య వార్ టెన్షన్లను తగ్గించడానికి ఆగస్టులో పాకిస్తాన్ వేసిన ట్రయల్స్ అడ్డం తిరిగాయి. ఒకట్రొండుసార్లు ఆగినట్టు భ్రమించినా, యుద్ధం ఇప్పటికీ సాగుతూనే ఉంది. ఇప్పుడు ఖతార్ వంతు. పశ్చిమాసియాలో పరిస్థితులు మరింత దిగజారిపోకుండా ఇంటర్నేషనల్ ట్రేడ్ ఇంకా డిస్టర్బ్ కాకుండా సంధి...