కాఫీ షాప్ బాత్‌రూమ్‌లోంచి భారీ సొరంగం.. ! నేరుగా ఐఫోన్ స్టోర్ లూటీ.. రూ. 4.16 కోట్ల ఫోన్లు చోరీ
దొంగలు సాధారణంగా బ్యాంకులు, నగల దుకాణాలు, విలువైన వస్తువులు దొరికిన ప్రాంతాల్లో దోచుకోవడానికి ప్లాన్ చేస్తారు. కానీ, ఐఫోన్ విలువను గమనించిన ఈ దొంగ యాపిల్ స్టోర్ ను దోచుకోవాలని ప్లాన్ చేశాడు. ఐఫోన్ 14 ధర US$ 699, బ్లాక్ మార్కెట్‌లో బంగారం కంటే ఎక్కువ విలువైనది.
Updated on: Apr 21, 2023 | 12:03 PM
సినిమాలు, వెబ్‌సిరీస్‌ల ఎఫెక్ట్‌తో మనుషులు మారుతున్నారా..? లేదంటే, మనిషి అతి తెలివిని చూసిన తర్వాతే అవన్నీ తెరమీదకు తెస్తున్నారా తెలియదు గానీ, ఇటీవలి కాలంలో దొంగలు మితిమీరిన తెలితేటలు ప్రదర్శిస్తున్నారు. కొత్త కొత్త దారుల్లో దోపిడీలకు పాల్పడుతున్నారు. తాజాగా, అమెరికాలోని ఓ యాపిల్ స్టోర్‌లో ఇలాంటి ఘటనే చోటుచేసుకోగా, ఖతర్నాక్ దొంగల ఆలోచన చూసి ఖాకీలు సైతం కంగుతిన్నారు. ప్రసిద్ధ హాలీవుడ్ చిత్రం ఓషన్స్ ఎలెవెన్ స్ఫూర్తితో జరిగిన ఒక సంఘటనలో, దొంగల శ్రేణి ఆపిల్ స్టోర్‌లోకి సొరంగంలోకి ప్రవేశించి 436 ఐఫోన్‌లను దొంగిలించారు. దీని మొత్తం విలువ రూ.4.10 కోట్లుగా తెలిసింది. సీటెల్ కాఫీ షాప్‌లోని బాత్రూమ్‌లోకి సొరంగం తీసిన దొంగలు ఆపిల్ స్టోర్‌లోకి ప్రవేశించారు. దొంగలు పక్కనే ఉన్న కాఫీ షాప్‌లోంచి Apple స్టోర్ భద్రతా వ్యవస్థను దాటగలిగారు.
ఈ విషయం గురించి కాఫీ షాప్ ప్రాంతీయ రిటైల్ మేనేజర్ ఎరిక్ మార్క్స్ ఫిర్యాదు మేరకు పోలీసులు రంగంలోకి దిగారు. దొంగతనం జరిగిన విషయం గుర్తించారు. ఆపిల్ స్టోర్‌లోకి ప్రవేశించడానికి దొంగ కాఫీ షాప్‌ని ఉపయోగించాడని పోలీసులు ధృవీకరించారు. కాగా, ఈ సంఘటన గురించి కాఫీ షాప్ CEO-మైక్ అట్కిన్సన్ ట్విట్టర్‌లో ఆపిల్ స్టోర్‌లోని బాత్రూమ్‌లో దొంగలు తవ్విన సొరంగం ఫోటోలతో ట్వీట్ చేశారు. ఇద్దరు యువకులు తమ రిటైల్ దుకాణంలోకి ప్రవేశించారని, అనంతరం వారు Apple స్టోర్‌లోకి ప్రవేశించడానికి బాత్రూమ్ గోడ గుండా సొరంగం తవ్వారని చెప్పాడు.. వారు $500,000 విలువైన iPhoneలను దొంగిలించారని ట్విట్‌ చేశాడు.
సీటెల్ కాఫీ గేర్ వారి లాక్ సిస్టమ్‌ను రిపేర్‌ చేయించడానికి US$900 ఖర్చు చేసింది. బాత్రూమ్ మరమ్మతుల ఖర్చు $600, $800 వరకు ఖర్చు పెట్టాల్సి వచ్చింది. ఈ నేరంపై పోలీసులు ఇప్పటికే విచారణ జరుపుతున్నారు. ఆల్డర్‌వుడ్ మాల్‌లోని మా కాఫీ షాప్ పోలీసులకు సహాయం చేస్తుందని సీటెల్ కాఫీ గేర్ చెప్పారు. దొంగల స్పీడ్‌, చురుకుదనం చూస్తుంటే ఎవరో తెలిసిన వారే ఇదంతా చేసి ఉంటారని పోలీసులు అనుమానిస్తున్నారు. మరోవైపు, అట్కిన్సన్‌కు కూడా అదే సందేహం వ్యక్తం చేస్తున్నారు.
దొంగలు సాధారణంగా బ్యాంకులు, నగల దుకాణాలు, విలువైన వస్తువులు దొరికిన ప్రాంతాల్లో దోచుకోవడానికి ప్లాన్ చేస్తారు. కానీ, ఐఫోన్ విలువను గమనించిన ఈ దొంగ యాపిల్ స్టోర్ ను దోచుకోవాలని ప్లాన్ చేశారు. అందుకోసం ఎవరూ ఊహించని పథకం వేశారు. ఐఫోన్ 14 ధర US$ 699, బ్లాక్ మార్కెట్‌లో బంగారం కంటే ఎక్కువ విలువైనది.
మరిన్ని అంతర్జాతీయ వార్తల కోసం
