Bomb Blast: పోలియో టీకా సెంటర్‌ వద్ద బాంబు పేలుడు.. పోలీసులను టార్గెట్ చేసిన మిలిటెంట్లు..
పాకిస్తాన్ లోని క్వెట్టాలో ఆత్మహుతి దాడి జరిగింది. పోలీసుల వ్యాన్‌ను టార్గెట్ చేస్తూ ఉగ్రవాదులు ఈ దాడికి పాల్పడ్డారు. ఈ దాడిలో ఐదుగురు చనిపోగా 30 మందికి తీవ్రగాయాలయ్యాయి. దాడికి తామే పాల్పడినట్టు తెహరీక్‌ తాలిబాన్ .. TTP సంస్థ ప్రకటించుకుంది.
Updated on: Nov 30, 2022 | 12:25 PM
పాకిస్తాన్‌లో బాంబుల మోత కొనసాగుతోంది. పాకిస్థాన్‌లోని నైరుతి నగరం క్వెట్టాలో బుధవారం పోలీసు పెట్రోలింగ్‌ను లక్ష్యంగా చేసుకున్న ఆత్మాహుతి బాంబు పేలుడుకు పాల్పడింది. ఈ పేలుడులో ముగ్గురు మరణించగా, 28 మంది గాయపడినట్లు తెలుస్తోంది. దాడికి తామే పాల్పడినట్టు తెహరీక్‌ తాలిబాన్ .. పాకిస్తాన్ తాలిబాన్ మిలిటెంట్ గ్రూప్ , తెహ్రీక్-ఇ-తాలిబాన్ పాకిస్తాన్ TTP సంస్థ ప్రకటించుకుంది. పాకిస్తాన్ లోని అన్ని ప్రాంతాల్లో దాడులు చేస్తామని ఈ సంస్థ హెచ్చరించింది. ఆత్మాహుతి దాడికి పాల్పడ్డ వ్యక్తి పోలీసు వ్యాన్‌కు చాలా దగ్గరగా వచ్చి ఈ పేలుడు పాల్పడ్డాడు. పేలుడు, ఈ వారం ప్రభుత్వంతో కాల్పుల విరమణను ముగించిన తర్వాత ఈ పేలుడు జరిగింది. “పోలీసు పెట్రోలింగ్‌ను లక్ష్యంగా చేసుకున్న బాంబు పేలుడులో 15 మంది పోలీసులతో సహా 30 మందికి పైగా గాయపడ్డారుని పోలీసు అధికారి అబ్దుల్ హక్ తెలిపారు. వీరిలో ఒక పోలీసు, ఒక మహిళ,ఒక చిన్నారి మరణించారు. ”
ఆత్మాహుతి పేలుడు సమయంలో పెట్రోలింగ్ పోలియో టీకా బృందానికి సెక్యూరిటీగా వచ్చినట్లుగా సమాచారం. పాకిస్తాన్‌లోని ఇస్లామిస్ట్ మిలిటెంట్లు తరచుగా పోలియో టీకా బృందాలను లక్ష్యంగా చేసుకుంటున్నారు. తమ సంస్థలపై నిఘా పెట్టేందుకు ఈ ఇమ్యునైజేషన్ ప్రయత్నం అని టెర్రరిస్టులు ఆరోపిస్తున్నారు.క్వెట్టా ఆఫ్ఘనిస్తాన్, ఇరాన్ సరిహద్దులో ఉన్న పాకిస్తాన్ ప్రావిన్స్ బలూచిస్తాన్ రాజధాని, ఇక్కడ ఇస్లామిస్ట్ , వేర్పాటువాద తిరుగుబాటుదారులు పనిచేస్తున్నారు.
మరిన్ని అంతర్జాతీయ వార్తల కోసం
