చిన్ని కుక్కను రక్షించుకునేందుకు ఆ చిన్నారి ఏం చేశాడంటే ? సీన్ కట్ ! చలించిన పోకెమాన్ కంపెనీ
అమెరికాలో ఎనిమిదేళ్ల చిన్నారి తాను ఇష్టంగా పెంచుకుంటున్న బ్రూస్ అనే కుక్కపిల్లను రక్షించుకునేందుకు తన చిన్ని చేతులతో ' ఓ అమ్మకందారుడే' అయ్యాడు.
Updated on: Jun 01, 2021 | 2:31 PM
అమెరికాలో ఎనిమిదేళ్ల చిన్నారి తాను ఇష్టంగా పెంచుకుంటున్న బ్రూస్ అనే కుక్కపిల్లను రక్షించుకునేందుకు తన చిన్ని చేతులతో ‘ ఓ అమ్మకందారుడే’ అయ్యాడు. గుర్తు తెలియని వైరస్ తో బాధ పడుతున్న కుక్కకు తక్షణ వైద్యం అవసరమని, జాప్యం చేయరాదని పశువైద్య నిపుణులు చెబితే అందుకు అయ్యే ఖర్చు తెలిసి ఆ చిన్నారి కన్నీటి పర్యంతమయ్యాడు. కనీసం 700 డాలర్ల వ్యయమవుతుందని వాళ్ళు చెప్పడంతో ఆ పేద కుర్రాడితో బాటు వాడి పేరెంట్స్ కూడా విచారంలో మునిగిపోయారు. చివరకు తనదగ్గరున్న పోకేమాన్ కార్డులను అమ్మి అలా వచ్చిన సొమ్ముతో తన డాగ్ ని రక్షించాలనుకున్నాడు బ్రైసన్ క్లీమన్ అనే ఆ కుర్రాడు. వెంటనే తన ఇంటిముందే ఈ కార్డులను అమ్ముతానంటూ ఓ కుర్చీ వేసుకుని బోర్డు పెట్టాడు. ఇతని తల్లి కూడా ‘గో ఫండ్ మీ’ అనే పేజ్ తో విరాళాల సేకరణకు నడుం కట్టింది. మొదట ఈ పేజ్ ద్వారా కేవలం, 800 డాలర్ల డొనేషన్ మాత్రమే అందగా ఆ తరువాత అది 55 వేల 490 డాలర్లకు పెరిగిపోవడంతో ఆ కుటుంబం ఆనందానికి అంతే లేకపోయింది. ఇక ఆ చిన్ని కుక్కకు వైద్య చికిత్స చేయించారని వేరే చెప్పాలా
కథ ఇక్కడితో ముగియలేదు. ఈ చిన్నారి ఉదంతం తెలిసి బెలూవే లోని పోకెమాన్ ప్రధాన కార్యాలయ అధికారులు అతనికి తమవద్ద ఉన్న అత్యంత అరుదైన పోకెమాన్ కార్డులను గిఫ్ట్ గా అందించారు. అవసరమైతే నీకు ఇంకా సాయం చేస్తామని హామీ కూడా ఇచ్చారు.
మరిన్ని ఇక్కడ చూడండి: Justice Arun Mishra: జాతీయ మానవ హక్కుల కమిషన్ కొత్త చైర్మన్ ఎంపిక కసరత్తు పూర్తి.. జస్టిస్ అరుణ్ మిశ్రా పేరు దాదాపు ఖరారు..!
