Nobel Prize: వైద్యశాస్త్రంలో ఇద్దరు నోబెల్ బహుమతి.. అమెరికాకు చెందిన డేవిడ్‌ జూలియస్‌, అర్డెమ్‌ పటాపౌటియన్‌లకు పురస్కారం

Nobel Prize for Medicine: ప్రపంచ అత్యుత్తమ గుర్తింపు అయిన నోబెల్ ఫ్రైజ్ ఈఏడాదికి గానూ వైద్యశాస్త్రంలో ఇద్దరిని వరించింది. వైద్యశాస్త్రంలో విశేష సేవలందించినందుకు అమెరికాకు చెందిన డేవిడ్‌ జూలియస్‌, అర్డెమ్‌ పటాపౌటియన్‌లు సంయుక్తంగా ఈ పురస్కారానికి ఎంపికయ్యారు. ఉష్ణ గ్రాహకాలు, శరీర స్వర్శపై వీరు చేసిన పరిశోధనలకు నోబెల్‌ బహుమతి ప్రకటిస్తున్నట్లు నోబెల్‌ జ్యూరీ తెలిపింది.

‘మానవ నాడీ వ్యవస్థలో ఉష్ణము, చలి, స్పర్శ వంటి సంకేతాలను ఎలా ప్రారంభిస్తాయోననే విషయాన్ని ఈ ఇద్దరు శాస్త్రవేత్తల ఆవిష్కరణలు స్పష్టంగా వివరించాయి. ఈ ఆవిష్కరణలు ఎన్నో శరీరక వ్యవస్థలు, వ్యాధుల పరిస్థితులను తెలుసుకోవడంలో ఎంతో కీలకమైనవి’ అని నోబెల్‌ జ్యూరీ అభిప్రాయపడింది. నోబెల్ కమిటీకి చెందిన ప్యాట్రిక్ ఎర్న్‌ఫోర్స్, జూలియస్ చిలీ పెప్పర్‌లోని క్రియాశీల భాగం అయిన క్యాప్‌సైసిన్‌ను ఉపయోగించారని, చర్మం వేడికి ప్రతిస్పందించడానికి అనుమతించే నరాల సెన్సార్‌లను గుర్తించడానికి ఉపయోగించారని చెప్పారు.

BREAKING NEWS: The 2021 #NobelPrize in Physiology or Medicine has been awarded jointly to David Julius and Ardem Patapoutian “for their discoveries of receptors for temperature and touch.” pic.twitter.com/gB2eL37IV7

— The Nobel Prize (@NobelPrize) October 4, 2021

మెకానికల్ స్టిమ్యులేషన్‌కు ప్రతిస్పందించే కణాలలో వేరు వేరు పీడన-సెన్సిటివ్ సెన్సార్‌లను పటాపౌటియన్ కనుగొన్నారు. “ఇది నిజంగా ప్రకృతి రహస్యాలలో ఒకదాన్ని అన్‌లాక్ చేస్తుంది” అని పెర్ల్‌మన్ అన్నారు. “ఇది నిజానికి మన మనుగడకు కీలకమైంది. కనుక ఇది చాలా ముఖ్యమైన ఆవిష్కరణ” అని అన్నారు. గత సంవత్సరం కాలేయ-వినాశకరమైన హెపటైటిస్ సి వైరస్‌ను కనుగొన్న ముగ్గురు శాస్త్రవేత్తలకు నోబెల్ బహుమతి దక్కింది.

The seminal discoveries by this year’s #NobelPrize laureates in physiology or medicine have explained how heat, cold and touch can initiate signals in our nervous system. The identified ion channels are important for many physiological processes and disease conditions. pic.twitter.com/TxMTwSDHas

— The Nobel Prize (@NobelPrize) October 4, 2021

ఇదిలావుంటే, ప్రతిష్టాత్మక నోబెల్ పురస్కారం బంగారు పతకంతో పాటు 10 మిలియన్ స్వీడిష్ క్రోనర్ ($ 1.14 మిలియన్లకు పైగా) నగదు బహమతిగా అందజేస్తారు. ప్రైజ్ మనీ సృష్టికర్త, స్వీడిష్ ఆవిష్కర్త ఆల్ఫ్రెడ్ నోబెల్ 1895 లో మరణించారు. అప్పటి నుంచి ఆయన పేరుతో ప్రపంచవ్యాప్తంగా వివిధ రంగాల్లో సేవలందించిన వారికి నోబెట్ బహుమతిని అందజేస్తున్నారు. వైద్య శాస్త్రంతోపాటు భౌతికశాస్త్రం, రసాయన శాస్త్రం, సాహిత్యం, శాంతి, ఆర్థికశాస్త్ర రంగాలలో అత్యుత్తమమైన సేవలందించినవారికి ఈ  బహుమతి ప్రకటిస్తుంటారు. Read Also…. రెడ్ హ్యాండెడ్‌గా దొరికేసిన స్టార్ కిడ్ 

అమెజాన్ బంపర్ ఆఫర్.. వన్‌ప్లస్ స్మార్ట్‌ఫోన్లపై 3వేలకు పైగా డిస్కౌంట్..

Minister KTR: చేనేత రంగంలో జాతీయ అవార్డు విన్నర్స్ ను సన్మానించిన మంత్రి కేటీఆర్..చేనేత సంక్షేమం కొరకు పనిచేస్తామని భరోసా

గుండె దడ తగ్గాలంటే.. ఇలా చేయండి..