Malala Marriage: నోబెల్ శాంతి బహుమతి గ్రహీత మలాలా వివాహం..సోషల్ మీడియాలో ప్రకటన!

Malala Marriage: పాకిస్థాన్‌కు చెందిన సామాజిక  కార్యకర్త, నోబెల్ శాంతి బహుమతి గ్రహీత మలాలా యూసఫ్‌జాయ్ (24) బ్రిటన్‌లో వివాహం చేసుకున్నారు. మలాలా తన స్నేహితుడు  అసర్ అనే వ్యక్తిని పెళ్లాడింది. మలాలా తన పెళ్లికి సంబంధించిన ఫోటోలను సోషల్ మీడియాలో షేర్ చేసింది. ఇందులో ఆమె తల్లిదండ్రులు కూడా ఉన్నారు. తన పెళ్లి ఫోటోలు షేర్ చేస్తూ మలాలా సోషల్ మీడియాలో ”ఈరోజు నా జీవితంలో అమూల్యమైన రోజు. అసర్, నేను జీవితాంతం ఒకరికొకరు ఆసరాగా ఉండేందుకు పెళ్లి చేసుకున్నాము. మేము బర్మింగ్‌హామ్‌లోని మా ఇంట్లో మా కుటుంబంతో కలిసి చిన్న నికాహ్ వేడుక చేసాము. మా ఇరువురి ప్రయాణం వివాహంతో ముందుకు సాగుతుండటం పట్ల సంతోషిస్తున్నాము. మాకు మీ శుభాకాంక్షలు కావాలి.” అని పేర్కొన్నారు.

తాలిబన్ తూటాలను ఎదుర్కుని..

2012లో, తాలిబాన్లు ఒక ఘోరమైన దాడికి పాల్పడ్డారు. ఆ సంవత్సరం అక్టోబరు 9న మలాలా స్కూల్ బస్సులో వెళ్తుండగా తాలిబన్లు తలపై కాల్చారు. బాలికల విద్య కోసం తన స్వరం పెంచిన మలాలా పాకిస్థాన్‌లోని స్వాత్ వ్యాలీ నివాసి. అప్పుడు ఆమె వయస్సు కేవలం 15 సంవత్సరాలు. పరిస్థితి విషమించడంతో మలాలాను చికిత్స నిమిత్తం బ్రిటన్‌కు తరలించారు. అక్కడ శస్త్ర చికిత్స అనంతరం ఆమె ప్రాణాపాయం నుంచి బయటపడింది. ఈ ఘటన తరువాత ఆమె తండ్రికి బ్రిటన్‌లోని పాక్ ఎంబసీలో ఉద్యోగం కూడా ఇచ్చారు.

ప్రో-ఎడ్యుకేషన్ ఆఫ్ గర్ల్స్ పాకిస్థానీ పాఠశాల బాలిక మలాలా యూసఫ్‌జాయ్ ఐ యామ్ మలాలా పేరుతో తన జీవిత చరిత్రను రాశారు. మీడియా నివేదికల ప్రకారం, ఒకప్పుడు పాకిస్తాన్‌లోని వెనుకబడిన ప్రాంతంలో నివసించిన మలాలా దీని కోసం 3 మిలియన్ డాలర్లు పొందింది. ఐ యామ్ మలాలాను బ్రిటన్‌కు చెందిన విండెన్‌ఫెల్డ్ & నికల్సన్ ప్రచురించారు. ఈ పుస్తకం 8 అక్టోబర్ 2013న ప్రచురితం అయింది. ఆమె ఆక్స్‌ఫర్డ్ విశ్వవిద్యాలయం నుండి పట్టభద్రుడయ్యేందుకు 2014లో లండన్‌లో శస్త్రచికిత్స చేయించుకున్నాడు. ఆ తర్వాత ఆమె కుటుంబంతో కలిసి బర్మింగ్‌హామ్‌కు షిఫ్ట్ అయింది. ఇక్కడి బాలికలకు సహాయం చేసేందుకు మలాలా ఫండ్ అనే స్వచ్ఛంద సంస్థను ప్రారంభించింది. మలాలా 2020లో ఆక్స్‌ఫర్డ్ యూనివర్సిటీ నుండి ఫిలాసఫీ, పాలిటిక్స్, ఎకనామిక్స్‌లో గ్రాడ్యుయేషన్ పూర్తి చేసింది.

2014 నోబెల్ బహుమతి విజేత.. మలాలాకు 2014 నోబెల్ శాంతి బహుమతి లభించింది. బాలల హక్కుల కోసం ఆమెతో కలిసి పనిచేసిన భారతదేశానికి చెందిన కైలాష్ సత్యార్థి కూడా ఈ అవార్డును అందుకున్నారు. ఈ అవార్డును అందుకున్న అతి పిన్న వయస్కురాలిగా మలాలా యూసఫ్ జాయ్ రికార్డు సృష్టించారు. ఆ సమయంలో ఆమె వయస్సు 17 సంవత్సరాలు. పెళ్లి ప్రకటనపై వివాదం..

గతంలో మలాలా వివాహ వ్యవస్థపై చేసిన వ్యాఖ్యలు వివాదాస్పదం అయ్యాయి. ప్రముఖ మ్యాగజైన్ వోగ్‌కు ఇచ్చిన ఇంటర్వ్యూలో మలాలా పెళ్లి అనవసరమని అన్నారు. ఎందుకు పెళ్లి చేసుకుంటారో అర్థం కావడం లేదని ఆ సమయంలో ఆమె చెప్పింది. మీకు జీవిత భాగస్వామి కావాలంటే, మీరు వివాహ పత్రాలపై ఎందుకు సంతకం చేస్తారు? అది భాగస్వామ్యం మాత్రమే ఎందుకు కాదు? అని ప్రశ్నిస్తూ మలాలా చేసిన ప్రకటనపై ఆమె తండ్రి జియావుద్దీన్ యూసఫ్‌జాయ్ వివరణ ఇవ్వాల్సి వచ్చింది.

తన పెళ్లి విషయాన్ని తెలుపుతూ మలాలా చేసిన ట్వీట్ ఇదే..

Today marks a precious day in my life. Asser and I tied the knot to be partners for life. We celebrated a small nikkah ceremony at home in Birmingham with our families. Please send us your prayers. We are excited to walk together for the journey ahead. ?: @malinfezehai pic.twitter.com/SNRgm3ufWP

— Malala (@Malala) November 9, 2021