Old World Monkey: రంగు రంగు దుస్తులను ధరించినట్లు కనిపించే కోతి.. ప్రత్యేకతలు ఏమిటంటే..
Old World Monkey: రెడ్-షాంక్డ్ డౌక్ రంగు రంగు దుస్తులను ధరించినట్లు కనిపించే కోతి. ప్రత్యేకమైన రూపాన్ని కలిగి ఉన్న ఈ కోతులను..
Old World Monkey: రెడ్-షాంక్డ్ డౌక్ రంగు రంగు దుస్తులను ధరించినట్లు కనిపించే కోతి. ప్రత్యేకమైన రూపాన్ని కలిగి ఉన్న ఈ కోతులను “ప్రైమేట్స్ క్వీన్” గా పిలుస్తారు. ప్రపంచంలో అతి పురాతన కోతి ఇండోచైనాకు చెందింది. వియత్నాం, దక్షిణ లావోస్, ఈశాన్య కంబోడియాల్లో కూడా ఈ రెడ్-షాంక్డ్ డౌక్ కోతులు కనిపిస్తాయి. సహజంగా అడవుల్లోని చెట్లే వీటి ఆవాసాలు. ఎప్పుడైనా నీరు త్రాగడానికి లేదా ధూళిని తినడానికి నేలమీదకు వస్తాయి.
రంగు రంగుల కోతి.. నలుపు, బూడిద, తెలుపు, గోధుమ-ఎరుపు, నారింజ వంటి ఐదు రంగుల కలయికతో కనువిందు చేస్తాయి. అందుకనే ఈ కోతులను ఫైవ్-కలర్ డౌక్ ని కూడా పిలుస్తారు. కోతి పుట్టిన సమయంలో నల్లటి ముఖంతో పసుపు-గోధుమ బొచ్చుతో ఆకర్షణీయంగా ఉంటుంది. ఇక 8 నెలల నుంచి 24 నెలల వయస్సు మధ్య, బొచ్చు , ముఖం రంగులు క్రమంగా మారుతూ ఎంతో అందంగా కనిపిస్తాయి. రెడ్-షాంక్డ్ డౌక్ ముంజేతులు తెల్లగా ఉంటాయి. కాళ్లపైన నల్లగా బూడిద రంగులో ఉంటాయి. కాళ్ళకు కింద ముదురు ఎరుపు రంగులో ఉంటాయి. చేతులు, కాళ్లు నల్లగా ఉంటాయి. అదే కోతి ఎరుపు రంగులో ఉంటె.. ముఖం పసుపు-నారింజ రంగు, చెవులు అందంగా, కనురెప్పలు నీలిరంగు ఐషాడోతో వేసుకున్నట్లుగా కనిపిస్తాయి. వీటి కళ్ళు వంకాయ రంగుని కలిగి ఉంటాయి. ఈ మగ కోతులు పొడవైన, తెల్లని మీసాలతో అందమైన గడ్డంను కలిగి ఉంటాయి. ఇంకా చెప్పాలంటే ఈ కోతులు చూడడానికి గ్రహాంతరవాసిని గుర్తు చేస్తాయి.
ఈ అందమైన రంగురంగుల రెడ్-షాంక్డ్ డౌక్ కోతులు ప్రమాదంలో ఉన్నాయని పర్యావరణ ప్రేమికులు ఆందోళన వ్యక్తం చేస్తున్నారు. ఇప్పటికే CITES I అంతర్జాతీయ వాణిజ్యాన్ని నిషేధించిన జంతువులలో ఈ కోతులు ఉన్నాయి. ఇండోచైనాలో రెడ్-షాంక్డ్ డౌక్స్ ఎన్ని ఉన్నాయో లెక్కలు కట్టే ప్రయత్నం చేస్తున్నారు. ఇక వియత్నాంలోని సోన్ ట్రాలో సుమారు 1300 ఉన్నట్లు తెలుస్తోంది. ఇవి అంతరించిపోవడానికి ముఖ్య కారణం మనుషులు వేట అని తెలుస్తోంది. ఆహారంకోసం, జిగురు తయారీ కోసం ఈ కోతులను చంపుతున్నారు. అంతేకాదు అభివృద్ధి పేరుతో అడవులు అంతరించిపోవడం కూడా ఈ రెడ్-షాంక్డ్ డౌక్స్ ప్రమాదంలో పడడానికి కారణం అని తెలుస్తోంది.
