Man Climbs Tree: అరెస్ట్ చేయడానికి వస్తే చుక్కలు చూపించాడు.. మ్యాటరేంటో తెలిస్తే పడి పడి నవ్వుతారు..

Man Climbs Tree: ఎవరైనా నేరం చేస్తే.. పోలీసులు వారిని అరెస్ట్ చేసి తాట తీస్తారు. ఆ భయంతోనే చాలా మంది నేరస్తులు.. తప్పులు చేసి పోలీసులకు చిక్కకుండా తప్పించుకు తిరుగుతారు.

Man Climbs Tree: అరెస్ట్ చేయడానికి వస్తే చుక్కలు చూపించాడు.. మ్యాటరేంటో తెలిస్తే పడి పడి నవ్వుతారు..
Arrest

Man Climbs Tree: ఎవరైనా నేరం చేస్తే.. పోలీసులు వారిని అరెస్ట్ చేసి తాట తీస్తారు. ఆ భయంతోనే చాలా మంది నేరస్తులు.. తప్పులు చేసి పోలీసులకు చిక్కకుండా తప్పించుకు తిరుగుతారు. వేషాలు మారుస్తూ.. ప్రాంతాలు మారుస్తూ.. ఏవేవో ప్రయత్నాలు చేస్తారు. అయితే, పోలీసుల నుంచి తప్పించుకోవడానికి ఓ వ్యక్తి ఏం చేశాడో తెలిస్తే కడుపుబ్బా నవ్వుతారు. అమెరికాలోని న్యూయార్క్ సిటీలో ఒక వ్యక్తి తన స్నేహితురాలిని కొట్టాడని, ఆమె తల్లిని బెదిరించాడని ఆరోపణలు వచ్చాయి. ఆ మేరకు అతనిపై పోలీసులకు కంప్లైంట్ కూడా ఇచ్చారు అమ్మాయి వాళ్లు. దాంతో పోలీసులు రంగప్రవేశం చేశారు. వారిపై దాడికి పాల్పడిన వ్యక్తిని అరెస్ట్ చేయడానికి వచ్చాడు. అయితే, పోలీసులకు భయపడి.. వారి నుంచి తప్పించుకోవడానికి వింత ప్రయత్నం చేశాడు ఆ వ్యక్తి.

బాధితురాలి ఫిర్యాదు మేరకు పోలీసులు.. అతని ఇంటికి వెళ్లారు. అయితే, పోలీసుల రాకను గమనించిన ఆ వ్యక్తి భయంతో ఇంటి పైకప్పు ఎక్కాడు. అక్కడి నుంచి మళ్లీ 30 అడుగుల ఎత్తులో ఉన్న చెట్టుపైకి ఎక్కాడు. చెట్టు ఎక్కి పెద్దగా కేకలు వేశాడు. అయితే, సదరు వ్యక్తిని కిందకు దించేందుకు పోలీసులు తీవ్రంగా ప్రయత్నించారు. అయినప్పటికీ.. వారు చేసిన ప్రయత్నాలన్నీ విఫలమయ్యాయి. 24 గంటల పాటు చెట్టుపైనే ఉండిపోయాడు. పోలీసులపై నమ్మకం లేని కారణంగానే ఆ వ్యక్తి చెట్టు ఎక్కి నట్లు తెలుస్తోంది. దానికి కూడా ఓ కారణం ఉందంటున్నారు స్థానికులు. చెట్టు ఎక్కిన వ్యక్తి ఇంటి పక్కనే జైలు శిక్ష అనుభవించిన మరో వ్యక్తి నివాసమున్నాడట. అతను రెండేళ్ల పాటు జైలు శిక్ష అనుభవించగా.. పోలీసులు తన పట్ల దురుసుగా ప్రవర్తించారట. ఇదే విషయాన్ని అతను చెట్టు ఎక్కిన వ్యక్తికి గతంలో చెప్పాడట. ఇప్పుడు పోలీసులు తనను అరెస్ట్ చేయడానికి రావడంతో గతంలో తాను విన్న విషయం గుర్తుకొచ్చి భయంతో చెట్టు ఎక్కేశాడట. మొత్తంగా పోలీసులు అతన్ని కిందకు దింపేందుకు శతవిధాలుగా ప్రయత్నిస్తున్నారు. కాగా, దీనికి సంబంధించి వార్త ఇప్పుడు నెట్టింట్లో తెగ వైరల్‌గా మారింది.

Also read:

Andhra Pradesh: అనంతలో వాట్సప్ మెసేజ్ కలకలం.. క్షణాల్లో పోలీసుల రియాక్షన్.. సీన్ కట్ చేస్తే..

Government of India: దేశం ముందు మరో పెద్ద సంక్షోభం.. కీలక విషయాన్ని ప్రకటించిన కేంద్ర మంత్రి..!

చాణక్య నీతి: ఈ మూడు విషయాలు విద్య, సంపద, సైన్యాన్ని నాశనం చేస్తాయి.. అవేంటంటే..!

Click on your DTH Provider to Add TV9 Telugu