ఇదో అంతుచిక్కని అద్భుతం..! ఈ సముద్రంలోకి ఎవరు వెళ్లినా మునిగిపోరు.. ఎందుకో తెలుసా.?
ఈ కారణంగా అనేక వ్యాధులకు ఈ సముద్ర నీరు దివ్యౌషధం. ఈ నీటిలో స్నానం చేయడం వల్ల అనేక వ్యాధులు నయమవుతాయి. దీని నీటిని అనేక ఔషధాల తయారీలో కూడా ఉపయోగిస్తారు. ఈ సముద్రపు మట్టిని అనేక సౌందర్య ఉత్పత్తులను తయారు చేయడానికి ఉపయోగిస్తారు.
![ఇదో అంతుచిక్కని అద్భుతం..! ఈ సముద్రంలోకి ఎవరు వెళ్లినా మునిగిపోరు.. ఎందుకో తెలుసా.?](https://images.tv9telugu.com/wp-content/uploads/2023/07/dead-sea.jpg?w=1280)
ప్రకృతిలో ఎన్నో రహస్యమైన ప్రదేశాలు ఉన్నాయి. అలాంటి అనేక రహస్యాలు నేటికీ మానవులకు అంతుచిక్కని మిస్టరీగానే మిగిలి ఉన్నాయి. శాస్త్రవేత్తలకు కూడా అంతుచిక్కని కొన్ని వింత ప్రదేశాలు, సంఘటన, విషయం రహస్యాన్ని తెలుసుకోవడంలో విఫలమయ్యారు. అలాంటి ఒక వింత ప్రదేశాల్లో ఈ సముద్రం కూడా ఒకటి. సముద్రం అంటేనే..భయంకరమైన అలలు, అందులోని ఉన్న భయంకరమైన సముద్ర జీవులను గుర్తుకు తెస్తుంది. మహా గజ ఈతగాళ్లు కూడా సముద్రంలో ఈత కొట్టేందుకు భయపడుతుంటారు. అయితే ఈరోజు మనం చెప్పుకోబోయే ఈ సముద్రంలో ఈత కొడితే ఏ ఒక్కరూ కూడా మునిగిపోరు. కాబట్టి ఈ సముద్రంలో ఈత రాని వారు కూడా ఎలాంటి భయం లేకుండా ఈదవచ్చు. దీనికి పేరు డెడ్ సీ..
మునగని ఈ సముద్రమేమిటి? :
ఈ సముద్రం పేరు డెడ్ సీ. జోర్డాన్, ఇజ్రాయెల్ మధ్య ఉంది. ఈ సముద్రం ప్రపంచంలోనే అత్యంత లోతైన ఉప్పునీటి సరస్సుగా ప్రసిద్ధి చెందింది. ఈ సముద్రపు నీటి పీడనం పైకి ఉన్నందున ఇక్కడ ఎవరూ మునిగిపోరు. కాబట్టి, మీరు ఈ సముద్రంలో హాయిగా ఈత కొట్టవచ్చు. నిద్రపోవచ్చు, ఇక్కడ నీటిలో తేలుతూ పుస్తకాలు చదువుకోవచ్చు. ఈ వింత, అద్భుతమైన సముద్రాన్ని చూసేందుకు లక్షలాది మంది పర్యాటకులు వస్తుంటారు. ఇక్కడికి వచ్చే పర్యాటకులు ఎలాంటి భయం లేకుండా తమ ఇష్టానుసారంగా నీళ్లతో ఆడుకోవచ్చు. డెడ్ సీ సముద్ర మట్టానికి ఇది దాదాపు 1388 అడుగుల దిగువన ఉంది. ఈ సముద్రం సుమారు మూడు లక్షల సంవత్సరాల నాటిదని చెబుతారు. ఈ సముద్రంలో నీటి సాంద్రత చాలా ఎక్కువగా ఉంటుంది. నీటి ప్రవాహం దిగువ నుండి పైకి ఉంటుంది. కాబట్టి నీటిపై పడుకున్నా మునగరు.
దీనిని డెడ్ సీ అని ఎందుకు అంటారు? :
ఈ సముద్రపు నీటిలో లవణీయత ఎక్కువ. ఉప్పు ఎక్కువగా ఉండటం వల్ల ఈ సముద్రంలో ఏ జీవమూ మనుగడ సాగించదు. ఇక్కడ సముద్ర జీవులు మాత్రమే కాదు, గడ్డి, మొక్కల నోడ్యూల్స్ పెరగవు. మృత సముద్రపు నీటిలో పొటాష్, బ్రోమైడ్, జింక్, సల్ఫర్, మెగ్నీషియం, కాల్షియం వంటి ఖనిజాలు పుష్కలంగా ఉన్నాయి. అందుకే వచ్చిన ఉప్పును కూడా ఉపయోగించలేరు. సముద్రాన్ని సందర్శించే పర్యాటకులు ఈ సముద్రంలో ఎటువంటి జీవరాశులు నివసించలేవు, కాబట్టి నీటిలోని విష జంతువులు కాటువేస్తాయనే భయం కూడా లేదు. దీనివల్ల పర్యాటకులు నిర్భయంగా ఇక్కడ గడిపేస్తున్నారు.
![Image](https://images.tv9telugu.com/wp-content/uploads/2023/07/gubbala-mangamma-thalli.jpg)
![Image](https://images.tv9telugu.com/wp-content/uploads/2023/07/cats-rare-temple.jpg)
![Image](https://images.tv9telugu.com/wp-content/uploads/2023/07/nipah-virus.jpg)
![Image](https://images.tv9telugu.com/wp-content/uploads/2023/07/nandiswara-drinking-water.jpg)
డెడ్సీ సముద్రపు నీరు అనేక వ్యాధులకు ఔషధం:
లవణీయత ఎక్కువగా ఉన్నందున మృత సముద్రపు నీరు మరింత ప్రసిద్ధి చెందిందని శాస్త్రవేత్తలు తెలిపారు. ఇది అన్ని ఇతర సముద్రపు నీటిలో కంటే 33 శాతం ఎక్కువ ఉప్పును కలిగి ఉంది. ఈ కారణంగా అనేక వ్యాధులకు ఈ సముద్ర నీరు దివ్యౌషధం. ఈ నీటిలో స్నానం చేయడం వల్ల అనేక వ్యాధులు నయమవుతాయి. దీని నీటిని అనేక ఔషధాల తయారీలో కూడా ఉపయోగిస్తారు. ఈ సముద్రపు మట్టిని అనేక సౌందర్య ఉత్పత్తులను తయారు చేయడానికి ఉపయోగిస్తారు.
మరిన్ని అంతర్జాతీయ వార్తల కోసం క్లిక్ చేయండి..