Viral Video: పెళ్లి మండపానికి వెరైటీగా ఎంట్రీ ఇచ్చిన పెళ్లి కూతురు.. షాక్ అయిన బంధువులు..
Viral Video: సోషల్ మీడియా (Socila Media) విస్తృతి పెరిగిన ఈ రోజుల్లో ప్రతీ ఒక్కరూ ఎదుటి వారి దృష్టిని ఆకర్షించాలని చూస్తున్నారు. ఏదో రకంగా నలుగురిలో పేరు తెచ్చుకోవాలని తాపత్రయ పడుతున్నారు. అయితే ఇలా...
Updated on: May 28, 2022 | 6:10 AM
Viral Video: సోషల్ మీడియా (Socila Media) విస్తృతి పెరిగిన ఈ రోజుల్లో ప్రతీ ఒక్కరూ ఎదుటి వారి దృష్టిని ఆకర్షించాలని చూస్తున్నారు. ఏదో రకంగా నలుగురిలో పేరు తెచ్చుకోవాలని తాపత్రయ పడుతున్నారు. అయితే ఇలా అందరి దృష్టిని ఆకర్షించాలంటే ఏదో ఒక ప్రత్యేకత ఉండి తీరాలి. అందుకే ఒక్కొక్కరు ఒక్కో మార్గాన్ని ఎంచుకుంటూ సోషల్ మీడియాలో సందడి చేస్తున్నారు. ఈ క్రమంలోనే రకరకాల వీడియోలు చేస్తూ పోస్ట్ చేస్తున్నారు. తాజాగా ఇలాగే ఓ పెళ్లి కూతురు అందరి దృష్టిని తనవైపు మళ్లించుకోవడానికి ఒక వెరైటీ పని చేసింది.
సాధారణంగా వివాహం జరిగే ఫంక్షన్ హాల్కి పెళ్లి కూతురును కారులో తీసుకెళుతుంటారు. కానీ ఓ నవ వధువు మాత్రం ఏకంగా ట్రాక్టర్పై వచ్చేసింది. బెతుల్ జిల్లా జావ్రా గ్రామానికి చెందిన భారతి తద్గే అనే యువతి వివాహం గత గురువారం జరిగింది. ఈ క్రమంలోనే మండపానికి ట్రాక్టర్పై వచ్చింది. అందులోనూ పెళ్లికూతురే స్వయంగా ట్రాక్టర్ నడపడం మరీ విశేషం. ఇక వధువుకు రెండు వైపులా తన సోదరులు ఇద్దరు కూర్చున్నారు.
పెళ్లికూతురుగా ముస్తాబై, కళ్లకు బ్లాక్ గాగుల్స్ ధరించి, ట్రాక్టర్ నడుపుతూ రావడంతో పెళ్లికి విచ్చేసిన బంధువులంతా ఒక్కసారి షాక్కి గురయ్యారు. వెంటనే తమ స్మార్ట్ ఫోన్లను తీసి దానంతటినీ కెమెరాల్లో బంధించారు. ఈ వీడియో కాస్త సోషల్ మీడియాలో పోస్ట్ చేయడంతో వైరల్ అవుతోంది. ఈ వీడియో చూసిన నెటిజన్లు ఇదెక్కడి వెరైటీ బాబు అంటూ ఫన్నీ కామెంట్లు పెడుతున్నారు. మరి నెట్టింట వైరల్ అవుతోన్న ఈ వీడియోపై మీరూ ఓ లుక్కేయండి..
A bride in Betul arrived at her wedding on a tractor. The bride, Bharti Tagde, is seen entering the wedding pavilion wearing black glasses and riding a tractor. On the tractor, she is accompanied by her two brothers @ndtv @ndtvindia pic.twitter.com/apdqrIBvyA
— Anurag Dwary (@Anurag_Dwary) May 27, 2022
మరిన్ని వైరల్ వీడియోల కోసం క్లిక్ చేయండి..
