Viral Video: ఇలా సెల్ఫీ దిగాలంటే నిజంగా దమ్ముండాలి.. నువ్వు మనిషివి కాదు దేవుడివి సామీ..

Viral Video: నిత్యం మన చుట్టూ తిరుగుతూ, మన వెంట ఉండే సాదు జంతువుతో సెల్ఫీ దిగాలంటేనే జడుసుకుంటాం. అలాంటిది క్రూర మృగాలతో సెల్ఫీ అంటే..

Selfie

Shiva Prajapati |

Updated on: Sep 22, 2022 | 2:03 PM

Viral Video: నిత్యం మన చుట్టూ తిరుగుతూ, మన వెంట ఉండే సాదు జంతువుతో సెల్ఫీ దిగాలంటేనే జడుసుకుంటాం. అలాంటిది క్రూర మృగాలతో సెల్ఫీ అంటే.. అందులోనూ ఛాన్స్ దొరికితే కరకరా నమిలిపడేసే చిరుతతో సెల్ఫీ అంటే ఇంకేమైనా ఉందా? గుండె ఆగిపోయినంత పని అవుతుంది. కానీ, కొందరుంటారు సామీ.. వారి ధైర్యానికి సలామ్ చెప్పాల్సిందే. చిరుతను సైతం పిల్లిలా భావిస్తారు. దానితో సరదాగా ఆడేసుకుంటారు. తాజాగా ఓ వ్యక్తి సెల్ఫీకి సంబంధించిన వీడియో సోషల్ మీడియాను షేక్ చేస్తోంది. అవును.. ఆ సెల్ఫీ అట్లాంటి ఇట్లాంటి సెల్ఫీ కాదు.. భయనాకమైన చీతాతో సెల్ఫీ. పైగా చిరునవ్వులు చిందిస్తూ దాని నోటివద్దే తల పెట్టి మరీ సెల్ఫీ దిగాడు.

వైరల్ అవుతున్న వీడియోలో కొందరు పర్యాటకులు సఫారీలో పర్యటిస్తున్నారు. ఇంతలో ఓ చీతా వారి వాహనం వైపు దూసుకొచ్చింది. సఫారీలోని పర్యాటకులు భయపడుతూనే దానిని వీడియో తీస్తుండగా.. అది ఇంకాస్త ముందుకు వచ్చి వారి వాహనంపైకి వచ్చింది. సఫారీ టాప్ నుంచి లోపలికి వచ్చే ప్రయత్నం చేసింది. మళ్లీ వెనక్కి తగ్గి.. టాప్‌పైనే హాయిగా పడుకుంది. చీతా రాకతో కొందరు పర్యాటకులు బెదిరిపోగా.. అందులోని ఒక వ్యక్తి మాత్రం చిరునవ్వులు చిందిస్తూ ఫోన్ కెమెరాతో సెల్ఫీ కోసం ముందుకొచ్చాడు. చీతా టాప్‌పై పడుకోగా.. దాని ఫేస్, అతని ఫేస్ కనిపించేలా నిల్చుని సెల్ఫీ దిగాడు. చిరుత కూడా ఏమనకుండా అతనికి సెల్ఫీ పోజ్ ఇవ్వడం మరింత ఆశ్చర్యకరం. అయితే, ఈ సెల్ఫీకి సంబంధించిన వీడియో సోషల్ మీడియాలో పోస్ట్ చేయగా అదికాస్తా వైరల్ అయ్యింది. అతని ధైర్యానికి అంతా ఫిదా అయిపోతున్నారు. ఇంకొందరైతే ప్రయోగాలు వద్దు.. తేడా వస్తే చీతాకు ఆహారం అయిపోతారంటూ కామెంట్స్ పెడుతున్నారు. మరి మీరు కూడా ఈ షాకింగ్ వీడియోపై ఓ లుక్కేసుకోండి.

ఇవి కూడా చదవండి