Air Asia Bumper Offer: ఎయిర్ ఏషియా బంపర్ ఆఫర్.. రూపాయి ఖర్చు లేకుండా విమానంలో చక్కర్లు కొట్టొచ్చు..
Free Air Ticket Offer: ప్రతి ఒక్కరూ తమ జీవితంలో ఒక్కసారైనా విమానంలో ప్రయాణించాలని భావిస్తుంటారు. కానీ, అందరి కోరికలు నెరవేరవు. మీకు కూడా అలాంటి కోరిక ఉంటే, మీకోసమే ఈ శుభవార్త..
Updated on: Sep 21, 2022 | 2:52 PM
Free Air Ticket Offer: ప్రతి ఒక్కరూ తమ జీవితంలో ఒక్కసారైనా విమానంలో ప్రయాణించాలని భావిస్తుంటారు. కానీ, అందరి కోరికలు నెరవేరవు. మీకు కూడా అలాంటి కోరిక ఉంటే, మీకోసమే ఈ శుభవార్త. అవును, రూపాయి ఖర్చు లేకుండానే మీ కలను నెరవేర్చుకోవచ్చు. దేశీయ విమానయాన సంస్థ ఎయిర్ ఏషియా మీలో ఆనందాన్ని నింపే బంపర్ ఆఫర్‌ను తీసుకువచ్చింది.
50 లక్షల ఉచిత టికెట్లు..
ఎయిర్ ఏషియా ఈ ఆఫర్ కింద 50 లక్షల ఉచిత టికెట్లు అందిస్తోంది. ఇప్పటికే ఈ సేల్ ప్రారంభమవగా.. సెప్టెంబర్ 25 వరకు కొనసాగనుంది. ఈ ఆఫర్‌లో భాగంగా టికెట్ బుక్ చేసుకుంటే.. వచ్చే ఏడాది 1 జనవరి,2023 నుంచి 28 అక్టోబర్,2023 వరకు ప్రయాణించవచ్చు.
భారత్ సహా విదేశాలకూ ప్రయాణం..
ఈ ఆఫర్ కింద ప్రయాణికులు అనేక నగరాలకు విమానంలో ప్రయాణించవచ్చు. కొన్ని అంతర్జాతీయ ప్రదేశాలకు కూడా ఉచితంగా టికెట్లు పొందవచ్చు. వీటిలో బ్యాంకాక్ , క్రాబీ, ఫుకెట్, న్హా ట్రాంగ్, లుయాంగ్ ప్రాబాంగ్, నాకోర్న్, నాకోర్న్ శ్రీథమత్, మాండలే, నమ్ పెన్, పెనాంగ్ నగరాలు ఉన్నాయి.
టికెట్ బుక్ చేసుకునే విధానం..
ఎయిర్ ఏసియా ప్రకటించిన ఈ ఆఫర్‌ను అందిపుచ్చుకోవాలనుకుంటే.. కంపెనీ యాప్‌ ద్వారా టికెట్ బుక్ చేసుకోవాలి. వెబ్‌సైట్‌లో అయితే ‘ఫ్లైట్స్’ ఐకాన్‌పై క్లిక్ చేసి, మీకు ఇష్టమైన నగరానికి టికెట్ బుక్ చేసుకోవచ్చు. ఉచిత టికెట్‌ను మరే ఇతర వ్యక్తికి బదిలీ చేయడానికి అవకాశం లేదు. అలాగే నిర్ణీత సమయంలోనే ఆ టికెట్ చెల్లుబాటు అవుతుంది.
మరిన్ని జాతీయ వార్తల కోసం ఈ లింక్ క్లిక్ చేయండి..
