Viral Video: ట్రంక్ పెట్టెలో ఉండాల్సిన దుస్తులు అన్ని బయట చిందరవందరగా.. దాన్ని ఓపెన్ చేయగా
ట్రంకు పెట్టెలో ఉండాల్సిన దుస్తులు, ఇతర వస్తువులు బయట చిందరవందరగా పడి ఉండ‌టం చూసిన కుటుంబ స‌భ్యులు అప్ప‌టివ‌ర‌కు ఇంట్లోనే ఉన్న యువ‌తిని ఏం జరిగిందని ప్రశ్నించారు. తను ఏవేవో పొంతనలేని సమాధానాలు ఇచ్చింది. దీంతో.....
బిహార్‌లో షాకింగ్ ఘ‌ట‌న వెలుగుచూసింది. కుటుంబ స‌భ్యుల‌కు భ‌య‌ప‌డి ఓ యువతి త‌న బాయ్‌ఫ్రెండ్‌ను ట్రంకు పెట్టెలో దాచిపెట్టి తాళం వేసింది. ఈ ఘ‌ట‌నకు సంబంధించిన వీడియో ప్రస్తుతం సోష‌ల్ మీడియాలో వైరల్ అవుతోంది. వైరల్ అవుతున్న ఈ వీడియోలో ఓ ఇంట్లోని ఓ గదిలో ట్రంకు పెట్టె ఒకటి ఉంది. అక్కడే ఓ యువతి కూడా ఉంది. ఆ గదిలో ట్రంకు పెట్టెలో ఉండాల్సిన బట్టలు, ఇతర వస్తువులు చెల్లాచెదురుగా పడి ఉన్నాయి. అప్పుడే ఆ గదిలోకి వచ్చిన యువతి తల్లి ట్రంకు పెట్టెలో ఉండాల్సిన బట్టలు, ఇతర వస్తువులు బయట చిందరవందరగా పడి ఉండ‌టం చూసి యువ‌తిని ఏమైందని అడిగింది. ఆమె పొంతనలేని సమాధానం చెప్పడంతో తల్లికి అనుమానం వచ్చింది. ఇంతలో యువతి సోదరుడు కూడా అక్కడికి వచ్చి సోదరిని ట్రంకు పెట్టెను తెర‌వమన్నాడు. యువతి అందుకు నిరాకరించింది. చివ‌ర‌కు సోదరుడు గ‌ట్టిగా చెప్పడంతో ఆమెకు పెట్టె తెర‌వ‌క త‌ప్పలేదు.
తప్పనిసరి పరిస్థితిలో యువతి పెట్టే తెరిచింది. పెట్టె తెరిచిన వెంట‌నే అందులోంచి ఓ యువ‌కుడు బ‌య‌ట‌కు వ‌చ్చాడు. అది చూసిన కుటుంబ స‌భ్యులు షాక్ అయ్యారు. బ‌య‌ట‌కు వచ్చిన ఆ యువ‌కుడు త‌న‌కేమీ తెలియ‌న‌ట్టుగా యువతి వెనుక దాక్కున్నాడు. సోద‌రి పెట్టెను ఓపెన్ చేస్తున్న స‌మ‌యంలో సోదరుడు వీడియో తీశాడు. ప్రస్తుతం ఈ వీడియో నెట్టింట వైరల్ అవుతోంది. వీడియో చూసిన నెటిజ‌న్లు అంత చిన్న పెట్టెలో యువ‌కుడిని ఎలా దాచి పెట్టిందంటూ ఆశ్చర్యం వ్యక్తం చేస్తున్నారు. ఫన్నీ కామెంట్లతో హోరెత్తిస్తున్నారు.
Girlfriend locked her boyfriend in a box😭 pic.twitter.com/Qb09q8wNzE
— Ghar Ke Kalesh (@gharkekalesh) October 17, 2024
మరిన్ని ట్రెండింగ్ న్యూస్ కోసం క్లిక్ చేయండి..
