Viral Video: నీళ్లలో బాతుల వినూత్న డ్యాన్స్‌ పర్ఫామెన్స్‌.. నెట్టింట నవ్వులు పూయిస్తోన్న వీడియో
హ్యాపీ మూడ్‌లో రెండు బాతులు జతకట్టి నీళ్లపై తేలియాడుతూ మెడలు వంచుకుని డ్యాన్స్‌ చేయడం వీడియోలో కనిపిస్తుంది. చూడటానికి ఎంతో ముచ్చటగొలిపేలా ఉన్న ఈ బాతుల వింత డ్యాన్స్‌..
Updated on: Feb 26, 2023 | 4:22 PM
ఎండాకాలం దాదాపు ప్రారంభమైనట్టే.. ఈ కాలంలో మనుషులతోపాటు జంతువులు, పక్షులు కూడా చల్లని ప్రాంతాల్లో చిల్‌ అవడానికి చాలా ఇష్టపడతారు. సాయంసంధ్య వేళల్లో అలా పార్కులకుగానీ వాటర్‌ ఫాల్స్‌ వద్దకు గానీ వెళ్లి కాసేపు మనసారా సేదతీరితే ఆ హాయి మాటల్లోచెప్పలేనిది. మనుషుల్లాగే పక్షులు కూడా అల్లర్లు, ఆటపాటలు ఎంజాయ్‌ చేస్తాయని చాలా మందికి తెలియదు. రద్దీ ప్రాంతాల్లో సాధారణంగా పక్షులు, జంతువులు కనిపించవు. అటవీ ప్రాంతాల్లో, జనావాసాలకు దూరంగా ఉండే కొలనుల్లో వాటి విన్యాసాలు చూడాలేగానీ మనుషులకు ఏ మాత్రం తీసిపోని విధంగా ఎంజాయ్‌ చేస్తుంటాయి. నమ్మబుద్ధి కావడం లేదా..? ఐతే ఈ వీడియోవైపు మీరూ ఓ లుక్కేసుకోండి..
ఈ వీడియోలో రెండు బాతులు కొలనులో ఈత కొడుతూ ఉంటాయి. కొంతసేపటికి నీళ్లలో ఆడుతూ చిత్రవిచిత్రంగా హుషారెత్తిపోవడం కనిపిస్తుంది. ఆ తర్వాత రెండు బాతులు ఎవరో కొరియోగ్రాఫర్‌ స్టెప్పులేసి చేయమని చెప్పినట్లు.. రెండూ ఒకేలా డ్యాన్స్‌ చేయడం కనిపిస్తుంది. హ్యాపీ మూడ్‌లో రెండు బాతులు జతకట్టి నీళ్లపై తేలియాడుతూ మెడలు వంచుకుని డ్యాన్స్‌ చేయడం వీడియోలో కనిపిస్తుంది. చూడటానికి ఎంతో ముచ్చటగొలిపేలా ఉన్న ఈ బాతుల వింత డ్యాన్స్‌ నెటిజన్లను అమితాశ్చర్యాలకు గురిచేస్తోంది. వీటి డ్యాన్స్‌కు సంబంధించిన వీడియో బర్డ్ లైఫ్ ఇంటర్నేషనల్ సైట్‌ అప్‌లోడ్‌ చేసింది. పాత వీడియో అయినప్పటికీ ప్రస్తుతం నెట్టింట మళ్లీ వైరల్ అవుతోంది. ఈ వీడియో చూపిన నెటిజన్లు కామెంట్ సెక్షన్‌లో భిన్నాభిప్రాయాలు వ్యక్తం చేస్తున్నారు.
మరిన్ని వైరల్ వార్తల కోసం క్లిక్‌ చేయండి.
