తనను ఇంటర్వ్యూ చేస్తోన్న రిపోర్టర్‌కు షాక్ ఇచ్చిన కుక్క

మనుషులను ఇంటర్వ్యూ చేసి చేసి బోర్ కొట్టిందో ఏమో తెలీదు కానీ ఇంటర్నెట్‌లో ఫేమస్ అయిన ఓ కుక్కను ఇంటర్వ్యూ చేసేందుకు వెళ్లాడు ఓ ఆస్ట్రేలియన్ రిపోర్టర్. వెళ్లగానే కుక్కను ప్రశ్నలు అడగడం కూడా ప్రారంభించేశాడు. అయితే ఆ శునకం ఏమనుకుందో ఏమో కానీ వెంటనే రిపోర్టర్‌కు షాక్ ఇచ్చింది. దీనికి సంబంధించిన ఓ వీడియో ఇప్పుడు సోషల్ మీడియాలో వైరల్‌గా మారింది.

https://www.instagram.com/p/BuuwM45h8f0/

వివరాల్లోకి వెళ్తే.. పెర్త్‌లో స్టాన్‌‌లీ అనే కుక్క టెన్నిస్ బాల్‌లను పట్టుకోవడంలో పట్టు సాధించింది. అలా స్టాన్‌లీ టెన్నిస్ బాల్‌లను పట్టుకుంటోన్న ఓ వీడియో సోషల్ మీడియాలో హల్‌చల్ చేసింది. దీంతో స్థానిక టీవీ రిపోర్టర్ స్టాన్‌లీని ఇంటర్వ్యూ చేసేందుకు వెళ్లాడు. వెళ్లిందే తడావుగా.. ‘ఈ కీర్తిని మీరు ఏ విధంగా ఫీల్ అవుతున్నారు’’ అంటూ స్టాన్‌లీని ప్రశ్నించాడు. వెంటనే మైక్‌కు ఉన్న స్పాంజ్‌ను లాగిన స్టాన్‌లీ అక్కడి నుంచి పరుగులు తీసింది. దీంతో ఆ రిపోర్టర్ తన నవ్వును ఆపుకోలేకపోయాడు.

https://www.instagram.com/p/BvTQA1JFxKq/?utm_source=ig_embed

దీనికి సంబంధించిన ఫొటోను ఆ ఛానెల్ సోషల్ మీడియాలో షేర్ చేసింది. దానికి ‘‘హే స్టాన్‌లీ ఆ స్పాంజ్‌ను తినకు. అది నీకు మంచిది కాదు. టెన్నిస్ బంతితో ఆడుకో’’ అంటూ కామెంట్ పెట్టింది. మరోవైపు స్టాన్‌లీ పేరుతో ఇన్‌స్టాగ్రామ్‌లో ఓ ఖాతా ఉండగా.. అందులో ‘‘మీడియా దగ్గర ఎలా మెలాగాలో స్టాన్‌లీకి ట్రైనింగ్ అవసరం’’ అంటూ ఒక నెటిజన్ కామెంట్ పెట్టాడు.