Bank Jobs 2026: నెలకు రూ. లక్షకుపైగా జీతంతో బ్యాంక్ ఉద్యోగాలు.. దరఖాస్తుకు మరికొన్ని గంటలే ఛాన్స్!

దేశ వ్యాప్తంగా ఉన్న సెంట్రల్ బ్యాంక్ ఆఫ్ ఇండియా బ్రాంచుల్లో హ్యూమన్ క్యాపిటల్ మేనేజ్‌మెంట్ (రిక్రూట్‌మెంట్ & ప్రమోషన్) కింద రెగ్యులర్‌ ప్రాతిపదికన వివిధ స్పెషలిస్ట్ ఆఫీసర్‌ పోస్టుల భర్తీకి అర్హులైన అభ్యర్ధుల నుంచి దరఖాస్తులను ఆహ్వానిస్తూ నోటిఫికేషన్ విడుదల చేసింది. ఈ నోటిఫికేషన్‌ కింద మొత్తం..

Central Bank Of India Recruitment

Srilakshmi C |
Updated on: Feb 01, 2026 | 7:35 PM

సెంట్రల్ బ్యాంక్ ఆఫ్ ఇండియా.. దేశ వ్యాప్తంగా ఉన్న వివిధ బ్రాంచుల్లో హ్యూమన్ క్యాపిటల్ మేనేజ్‌మెంట్ (రిక్రూట్‌మెంట్ & ప్రమోషన్) కింద రెగ్యులర్‌ ప్రాతిపదికన వివిధ స్పెషలిస్ట్ ఆఫీసర్‌ పోస్టుల భర్తీకి అర్హులైన అభ్యర్ధుల నుంచి దరఖాస్తులను ఆహ్వానిస్తూ నోటిఫికేషన్ విడుదల చేసింది. ఈ నోటిఫికేషన్‌ కింద మొత్తం 350 స్పెషలిస్ట్ ఆఫీసర్ పోస్టులను భర్తీ చేయనుంది. ఇప్పటి వరకు దరఖాస్తు చేసుకోని అభ్యర్థులు ఫిబ్రవరి 3, 2026వ తేదీ ముగింపు గడువులోగా ఆన్‌లైన్‌ విధానంలో దరఖాస్తు చేసుకోవచ్చు.

కేటగిరీ వారీగా ఖాళీలు..

ఫారెన్‌ ఎక్స్‌చేంజ్‌ ఆఫీసర్‌ (స్కేల్‌ 3) పోస్టుల సంఖ్య: 50
మార్కెటింగ్‌ ఆఫీసర్‌ 1 పోస్టుల సంఖ్య: 300

ఈ పోస్టులకు దరఖాస్తు చేసుకునే అభ్యర్ధులు సంబంధిత విభాగంలో బ్యాచిలర్స్ లేదా మాస్టర్స్ డిగ్రీ, ఎంబీఏ/ పీజీడీఎంలో ఉత్తీర్ణత పొంది ఉండాలి. ఫారిన్ ఎక్స్‌చేంజ్ ఆఫీసర్‌కు ఫారెక్స్ లేదా ట్రేడ్ ఫైనాన్స్‌లో బ్యాంకింగ్ అనుభవం తప్పనిసరి. మార్కెటింగ్ ఆఫీసర్‌కు మార్కెటింగ్ స్పెషలైజేషన్‌తో బీఎఫ్ఎస్‌ఐ రంగంలో అనుభవం తప్పనిసరిగా ఉండాలి. అభ్యర్ధుల వయోపరిమితి స్కేల్ 3 పోస్టులకు 30 నుంచి 38 ఏళ్లు, స్కేల్ 1 ఖాళీలకు 23 నుంచి 27 ఏళ్ల మధ్య ఉండాలి. ఈ అర్హతలు ఉన్న వారు ఎవరైనా ఆన్‌లైన్‌ విధానంలో ఫిబ్రవరి 3, 2026వ తేదీలోపు దరఖాస్తు చేసుకోవచ్చు. దరఖాస్తు రుసుం కింద జనరల్ అభ్యర్ధులు రూ.850, ఎస్సీ, ఎస్టీ, దివ్యాంగ అభ్యర్ధులు రూ.175 చొప్పున చెల్లించాలి. ఆన్‌లైన్ రాత పరీక్ష, ఇంటర్వ్యూ ఆధారంగా తుది ఎంపిక ఉంటుంది. ఎంపికైన వారికి నెలకు స్కేల్ 3 పోస్టులకు రూ.1,05,280, స్కేల్ 1 పోస్టులకు రూ.85,920 వరకు జీతంగా చెల్లించవల్సి ఉంటుంది.