Viral Video: వామ్మో.. ఎంత పెద్ద పామో..! ఇలాంటి పైథాన్ను జీవితంలో చూసుండరు.. షాకింగ్ వీడియో..
తాజాగా ఓ భయంకర పైథాన్ వీడియో వైరల్ అవుతోంది. దాన్ని చూసి నెటిజన్లంతా షాక్ అవుతున్నారు. ఇలాంటి భారీ కొండ చిలువను ఇప్పటివరకు చూడలేదని.. ఇది చూస్తుంటే.. ఒళ్లు జలధరిస్తుందని పేర్కొంటున్నారు.
Updated on: Jul 12, 2022 | 5:33 PM
Python Viral Video: సోషల్ మీడియాలో నిత్యం ఎన్నో రకాల వైరల్ వీడియోలు వైరల్ అవుతుంటాయి. కొన్ని ఆశ్చర్యకరంగా.. మరికొన్ని భయంకరంగా ఉంటాయి. తాజాగా ఓ భయంకర పైథాన్ వీడియో వైరల్ అవుతోంది. దాన్ని చూసి నెటిజన్లంతా షాక్ అవుతున్నారు. ఇలాంటి భారీ కొండ చిలువను ఇప్పటివరకు చూడలేదని.. ఇది చూస్తుంటే.. ఒళ్లు జలధరిస్తుందని పేర్కొంటున్నారు. ఈ భారీ ఫైథాన్కు సంబంధించిన వీడియోను ఇండియన్ ఫారెస్ట్ ఆఫీసర్ (IFS) సుశాంత నంద షేర్ చేశారు. బయటి గోడ నుంచి ఇంట్లోకి వెళుతున్న కొండచిలువ క్లోజ్-అప్ వీడియో ప్రస్తుతం నెట్టింట వైరల్గా మారింది. తాను చాలా ఫోటోలు, వీడియోలు చూశాను.. కానీ ఇది నాకు షాక్ ఇచ్చిన సన్నివేశం అంటూ IFS అధికారి పేర్కొన్నారు.
ఈ వైరల్ వీడియోలో కొండచిలువ ఇంటి ముందు తలుపు వద్దకు పాకుతున్నట్లు కనిపిస్తుంది. అక్కడ మోటార్ సైకిల్, సైకిల్ పార్క్ చేసి ఉన్నాయి. ప్రధాన ద్వారం వెలుపల నీటి బాటిల్ కూడా ఉంది. ఈ వీడియో షేర్ చేసిన నాటినుంచి ఇప్పటివరకు 55,000 వీక్షణలు రాగా.. 1,900 పైగా లైక్లు వచ్చాయి.వీడియోలో పోస్ట్ చేసిన కొండచిలువ పరిమాణం, ఎక్కడ ఉందనేది నిర్ధారించలేదు. కానీ ట్విట్టర్ వినియోగదారులు భారీ అనకొండను చూసి ఆశ్చర్యపోతున్నారు. ఇది నిజమా..? కాదా..? అంటూ ప్రశ్నిస్తున్నారు. ఇది కొండచిలువ కాదు, బహుశా అనకొండ కావచ్చు అంటూ పేర్కొంటున్నారు. మరి కొంతమంది యూజర్లు దీనిని రెటిక్యులేట్ పైథాన్ అంటున్నారు.
వైరల్ వీడియో..
I had seen many photo shopped videos… But this was a photo shocked one to me ? Via Escribano pic.twitter.com/y6E0uTIAfx
— Susanta Nanda IFS (@susantananda3) July 11, 2022
కాగా.. అచ్చం ఇలాంటి ఫైథాన్ను.. గత నెలలో ఫ్లోరిడాలో బంధించారు. ఇప్పటివరకు బంధించిన అతిపెద్ద బర్మీస్ పైథాన్గా దీనిని పరిశోధకుల బృందం పేర్కొంది. కొండచిలువ చనిపోయే ముందు జింకను వేటాడినట్లు పరిశోధకులు తెలిపారు. 215 పౌండ్ల (98 కిలోగ్రాములు) బరువు, 18 అడుగుల (5 మీటర్లు) కంటే ఎక్కువగా ఆడ బర్మీస్ కొండచిలువ ఉన్నట్లు తెలిపారు. దానిని స్వాధీనం చేసుకున్నప్పుడు దాని కడుపులో 122 గుడ్లు అభివృద్ధి చెందుతున్నాయని సౌత్వెస్ట్ ఫ్లోరిడా కన్జర్వెన్సీ ఒక వార్తా ప్రకటనలో తెలిపింది.
మరిన్ని ట్రెండింగ్ వార్తల కోసం క్లిక్ చేయండి
