జాబ్‌ పోయినా ఉన్నట్టే నటించాడు.. అబద్ధంతో అంతకు మించిన జాబ్‌ కొట్టాడు.. ఇంతకు అతనెవరో తెలుసా?

ఉన్నపలంగా మిమ్మల్ని ఉద్యోగంలోంచి తీసేస్తే ఏం చేస్తారు.. మరో ఉద్యోగం వెతుక్కుంటారు. కానీ ఇక్కడో యువకుడు మాత్రం ఉద్యోగం పోయినా ఉన్నట్టు నటించి.. లింక్‌డిన్‌లో ఫేక్‌ ప్రాజెక్టు పోస్ట్‌లు పెడుతూ పోయిన ఉద్యోగం కన్నా మంచి ఉద్యోగాన్ని సంపాధించాడు. వివరాళ్లోకి వెళితే.. రెడిట్ అనే సోషల్ మీడియా ప్లాట్‌ఫామ్‌లో ఒక యూజర్ ఒక పోస్ట్‌ చేశాడు. అందులో తన జీవితంలో ఎదురైన ఓ విచిత్ర సందర్భం గురించి ఇలా వివరించాడు. గత ఆగస్టు నెలలో తనను అనుకోకుండా ఉద్యోగం నుంచి తొలగించారని.. కనీసం ఎటువంటి ముందస్తు సమాచారం కూడా ఇవ్వలేదని తెలిపాడు.’సంస్థలో పునర్‌వ్యవస్థీకరణ జరుగుతోందని అందుకే ఉద్యోగం నుంచి తొలగిస్తున్నట్టు 3 నిమిషాల జూమ్ కాల్‌తో విషయం తేల్చేశారన్నారు.

అయితే, ఉద్యోగం కోల్పోయాక ఏం చేయాలో అర్థం కాలేదని, దీంతో జాబ్‌ పోయిన విషయాన్ని స్నేహితులు, మాజీ సహోద్యోగులతో సహా ఎవరికీ చెప్పలేదని తెలిపాడు. తాను ఇంకా ఉద్యోగంలోనే ఉన్నట్టు నటిస్తూ.. రోజూ ఉదయం ల్యాప్‌టాప్ తెరిచి, బిజీగా ఉన్నట్టు నటించేవాడినని చెప్పాడు. జూమ్‌ మీటింగ్స్‌, ఫోన్‌ కాల్స్‌లోఉన్నట్టుగా ఎయిర్‌ఫోన్స్‌ పెట్టుకుని తిరిగేవాడి తెలిపాడు. ఇదిలా ఉండగా మరోవైపు కొత్త ఉద్యోగాల కోసం కూడా దరఖాస్తు చేసేవాడినని తెలిపారు. దీంతో పాటు తాను ఇంకా పాత కంపెనీలోనే పనిచేస్తున్నట్టు ఫేక్‌ ప్రాజెక్టులకు సంబంధించిన పోస్ట్‌లను లింక్డ్‌ఇన్‌లో పోస్ట్‌ చేసేవాడినని తెలిపారు.

అయితే, లింక్డ్‌ఇన్‌లో తను పెట్టిన ఫేక్ పోస్టులను చూసి నిజమని నమ్మిన ఓ రిక్రూటర్ తనను సంప్రదించి “కొత్త అవకాశాల కోసం చూస్తున్నారా అని అడినట్టు తెలిపారు. తాను వెంటనే అవునని చెప్పానని..దీంతో ఆ రిక్యూటర్ తనను ఇంటర్వ్యూకి పిలిచారని తెలిపాడు. ప్రస్తుతం చేస్తున్న ఉద్యోగం గురించి ఇంటర్వ్యూలో పచ్చి అబద్ధాలు చెస్తూ.. అన్ని రౌండ్లు పూర్తిచేశానని తెలిపాడు. చివరికి గతంలో చేసిన ఉద్యోగం కంటే ఎక్కువ జీతం, మంచి హోదాతో కూడిన జాబ్‌ సాధించానని చెప్పుకొచ్చాడు.

మరిన్ని ట్రెండింగ్‌ వార్తల కోసం ఇక్కడ క్లిక్ చేయండి..