Cat Viral Video: ‘కాపీ క్యాట్’ అన్న పదానికి ఈ పిల్లి సరిగ్గా సరిపోతుంది.. మార్జాలం చేసిన పని చూస్తే..

Cat Viral Video: సాధారణంగా మనం చేస్తోన్న పనిని ఎవరైనా కాపీ కొడితే.. వారిని ఏమంటాం! వీడు పక్కా కాపీ క్యాట్‌రా బాబు ఏ పని చేసినా దానిని కాపీ చేసేస్తాడని అంటారు. అసలు ఈ సామెతకు క్యాట్‌ (పిల్లి)కి సంబంధం..

Narender Vaitla |
Updated on: Sep 16, 2021 | 6:36 PM

Cat Viral Video: సాధారణంగా మనం చేస్తోన్న పనిని ఎవరైనా కాపీ కొడితే.. వారిని ఏమంటాం! వీడు పక్కా కాపీ క్యాట్‌రా బాబు ఏ పని చేసినా దానిని కాపీ చేసేస్తాడని అంటారు. అసలు ఈ సామెతకు క్యాట్‌ (పిల్లి)కి సంబంధం ఏంటన్న ప్రశ్న.. ప్రశ్నగానే మిగిలిపోయింది. అయితే ప్రస్తుతం సోషల్ మీడియాలో వైరల్‌ అవుతోన్న ఓ వీడియోను చూస్తే ఆ సంబంధం ఏంటో అర్థమవుతోంది. ఇంతకీ విషయమేమిటంటే.. ఓ మహిళ దువ్వెనతో వెంట్రుకలు సరిచేసుకుంటుంది. ఆ సమయంలోనే తన పెంపుడు పిల్లి అక్కడే ఉంది.

ఇలా ఒకటికి రెండు సార్లు యజమానురాలు తల దువ్వుకోవడం గమనించిన ఆ పిల్లి అచ్చంగా ఆమె ఎలా చేస్తుందో అలానే చేసింది. వెంట్రుకలు లేకపోయినా, దువ్వెన లేకపోయినా.. తల దువ్వుతున్నట్లు పిల్లి ఆ మహిళను అనుకరించిన తీరుకు నెటిజన్లు ఫిదా అవుతున్నారు. ఆ సమయంలో పిల్లి పలికించిన హావభావాలు ఆకట్టుకుంటున్నాయి. దీనంతటినీ ఆ మహిళ వీడియో తీసి సోషల్‌ మీడియాలో పోస్ట్‌ చేశారు. దీంతో ప్రస్తుతం ఈ వీడియో నెట్టింట వైరల్‌గా మారింది.

ఇక ఈ వీడియోను చూసిన నెటిజన్లు రకరకాలుగా కామెంట్లు పెడుతున్నారు. ‘ఓహో కాపీ క్యాట్’ అంటే ఇదేనా అని ఒకరు కామెంట్ చేయగా.. చాలా అద్భుతంగా ఉంది. సో క్యూట్‌ అంటూ మరికొందరు కామెంట్లు పెడుతున్నారు. ఈ వీడియోను ఇప్పటికే రెండు లక్షలకుపైగా మంది వీక్షిచంగా మరింతగా దూసుకుపోతోంది. మరి ఈ పిల్లి చేసిన వింత పనిపై మీరూ ఓ లక్కేయండి..