ఉస్తాద్ భగత్ సింగ్

పవర్ స్టార్ పవన్ కళ్యాణ్ ప్రస్తుతం రాజకీయాలతో పాటు సినిమాలతోనూ ఫుల్ బిజీగా ఉన్నారు. ఓ వైపు డిప్యూటీ సీఎంగా పదవి బాధ్యతలు చేపట్టి బిజీ ఉంటూనే.. సమయం దొరికినప్పుడు సినిమాలు చేసి ప్రేక్షకులను ఆకట్టుకుంటున్నారు. ఈ క్రమంలోనే గత ఏడాది రెండు సినిమాలను ప్రేక్షకుల ముందుకు తీసుకొచ్చారు. హరిహరవీరమల్లు సినిమాతో పాటు ఓజీ సినిమాతో ప్రేక్షకులను అలరించారు. వీటిలో ఓజీ సినిమా బ్లాక్ బస్టర్ గా నిలిచింది. ఇక ఇప్పుడు హరీష్ శంకర్ తో కలిసి ఉస్తాద్ భగత్ సింగ్ అనే సినిమా చేస్తున్నారు పవన్. గతంలో ఈ ఇద్దరి కాంబినేషన్ లో గబ్బర్ సింగ్ అనే సినిమా వచ్చిన విషయం తెలిసిందే.. దాదాపు 14 ఏళ్ల తర్వాత రిపీట్‌ అవుతున్న కాంబినేషన్‌ కావడంతో  ఫ్యాన్స్ ఈ సినిమా పై భారీ అంచనాలు నెలకొన్నాయి. ఇప్పటికే ఈ సినిమా నుంచి విడుదలైన పోస్టర్స్, సాంగ్ ప్రేక్షకులను ఆకట్టుకుంది. కాగా ఉస్తాద్ భగత్ సింగ్ సినిమా మార్చ్ 26న ప్రేక్షకుల ముందుకు రానుంది.