Hyderabad Biryani: ఆహా ఏమి రుచి.. తినరా హైదరాబాద్ బిర్యానీ మైమరిచి..!

బిర్యానీ.. ఈ పేరు వినగానే ఎవరికైనా నోరూరిపోవాల్సిందే..! హైదరాబాద్ అంటే అందరికీ ముందుగా గుర్తుకు వచ్చేది చారిత్రక కట్టడం ఛార్మినార్‌, ముత్యాల హారాలతో పాటు గరం గరం దమ్‌కీ బిర్యానీ. ఆ రకంగా ఈ బిర్యానీ ప్రపంచ వేదికలపై హైదరాబాద్ బ్రాండ్ ఇమేజ్‌ను మరింత పెంచుతోంది. ప్రపంచ వ్యాప్తంగా హైదరాబాద్ దమ్ బిర్యానీకి ప్రత్యేకమైన క్రేజ్ ఉంది. హైదరాబాద్‌లోనే కాదు.. ఇతర రాష్ట్రాలు, విదేశాల్లోనూ హైదరాబాద్ బిర్యానీ లేదా హైదరాబాద్ దమ్ బిర్యానీ పేరిట హోటళ్లు కొలువుదీరాయి. ఆ హోటళ్ల ముందు నిత్యం బిర్యానీ ప్రియులు లొట్టలేసుకుంటూ క్యూ కడుతారు. ప్రపంచ వ్యాప్తంగా పలు రకాల బిర్యానీలు ఉన్నా.. వాటిలో హైదరాబాద్ బిర్యానీకున్న బ్రాండ్ ఇమేజ్ చాలా ప్రత్యేకమైనది. హైదరాబాద్ నుంచి విదేశాలకు కూడా నిత్యం టన్నుల కొద్దీ బిర్యానీ ఎగుమతి అవుతుంది అంటే దానికున్న క్రేజ్ ఏ పాటిదో అర్థం చేసుకోవచ్చు. హైదరాబాద్ బిర్యానీ చుట్టూ రోజూ కోట్లల్లో బిజినెస్ జరుగుతుంది. అందుకే ఇప్పుడు హైదరాబాద్ బిర్యానీ ఓ వంటకమే కాదు.. కోట్లు కురిపించే బిజినెస్. తింటే గారెలు తినాలి అన్నది పెద్దల మాట.. అయితే తింటే హైదరాబాద్‌ బిర్యానీయే తినాలి అన్నది నవతరం మాట. హైదరాబాదీలే కాదు దేశ, విదేశాల్లో కోట్లాది మంది ఆహార ప్రియులను ఫిదా చేస్తోంది హైదరాబాద్ బిర్యానీ. సామాన్యులు మొదలుకుని.. వీఐపీల వరకు ఇతర ప్రాంతాల నుంచి ఏదైనా పని మీద హైదరాబాద్ వస్తే.. తప్పకుండా ఇక్కడి...